Levítico 9
9
Aarón sacerdote jina ruwananta qallarin
1Pusaj kaj p'unchaypi Moisesqa Aaronta, churinkunata, chantá israelitakunaj kurajninkukunatawan ima wajyarqa. 2Chantá Moisés Aaronta nerqa: Juchata pampachanapaj uj torillota apamuy. Jinallataj q'olachispa jaywanapaj mana iman imanasqa corderotawan apamullaytaj. Jinaspataj chaykunata Tata Diosman jayway. 3Israelitakunatataj niy: Jucha pampachasqa kananpaj Diosman jaywanapaj uj chivota apamuychej. Jinallataj mana iman imanasqa uj watayoj torillota, uj watayoj corderotawan ima apamullaychejtaj q'olachispa Tata Diosman jaywanapaj. 4Apamullaychejtaj uj torota, uj corderotawan allinyakuy jaywanata Tata Diosman jaywanapaj. Chantá apamullaychejtaj aceitewan puñasqa ch'aki mikhuy jaywanata, imaraykuchus Tata Diosqa Tukuy Atiyniyoj kasqanta kunan qankunaman rikuchisonqachej, nispa.
5Jinataj israelitakunaqa Moisespa tukuy kamachisqanta Dioswan Tinkukuna Toldo punkuman apamorqanku. Chaymantataj tukuy israelitakuna rispa, Tata Diospa ñawpaqenpi sayarqanku. 6Chantá Moisés nerqa: Tata Dios kayta ruwanaykichejta kamachisunkichej. Sichus kasunkichej chayqa, Tata Dios jatun kayninpa lliphipiyninwan qankunaman rikuchisonqachej, nispa.
7Chaymanta Moisesqa Aaronta nillarqataj: Altarman qayllaspa, jucha pampachasqa kananpaj jaywanaykita jayway. Chantá q'olachina jaywanaykitapis jaywallaytaj. Ajinata ruwanki qanpa juchallisqayki, jinataj israelitakunaj juchallisqankupis pampachasqa kananpaj. Chantá israelitakunaj apamusqankuta Diosman jayway, juchallisqanku pampachasqa kananpaj. Ajinata Tata Diospa kamachisqanman jina ruwanki, nispa.#Heb 5.1-3; 7.27.
8Chantá Aaronqa altarman qayllaykuspa, torillota ñak'arqa. Jinaspataj, juchallisqan pampachasqa kananpaj, chay torillota Diosman jaywarqa. 9Aaronpa churinkunataj payman yawarta jaywarqanku, Aarontaj maki ruk'ananta yawarman chhapuspa, altarpa wajrankunata jawirarqa. Puchoj yawartataj altarpa uranman jich'arqa. 10Chaymantá jucha pampachasqa kananpaj apamusqa, chay uywaj wiranta altarpi q'olacherqa. Jinallataj Aaronqa chay uywaj lurunninta, k'iwichanpi wirantawan ima q'olachillarqataj. Ajinata Aarón ruwarqa imaynatachus Tata Dios Moisesman kamachisqanman jina. 11Uywaj aychanta, qarantawan imarí jaramanta jawaman orqhospa, ruphacherqa.
12Chantá Aaronqa q'olachispa jaywanapaj apamusqanku uywatañataj ñak'arqa. Churinkunataj yawarta payman jaywarqanku, Aarontaj chay yawarwan altarta, chantá muyuyninta ima ch'ajchorqa. 13Chaymantataj uywaj umanta, khuchusqa aychantawan jaywarqanku, Aarontaj chaykunata altarpi q'olacherqa. 14Jinaspataj uywaj ch'unchulanta, chantá piernanta ima yakuwan mayllaspa, q'olachispa jaywanatawan khuskata altarpi q'olacherqa.
15Chaymanta Aaronqa israelitakuna Tata Diosman jaywanankupaj apamusqankuta Diosman jaywallarqataj. Jinallataj Aaronqa chivota jap'iytawan ñak'arqa israelitakuna juchallisqanku pampachasqa kananpaj apamusqankuta, chantá Tata Diosman jaywarqa, imaynatachus ñawpajta jaywarqa, ajinata. 16Jinallataj q'olachispa jaywana uywata, kamachisqa kasqanman jina, Diosman jaywallarqataj. 17Chantá ch'aki mikhuy jaywanamanta uj pojtuta oqharispa, altarpi q'olacherqa, sut'iyayta q'olachispa jaywana uywatawan khuskata.
18Jinallataj Aarón ñak'allarqataj israelitakuna k'achata kawsakuy jaywanata Diosman jaywanapaj apamusqanku torota, corderotawan ima. Churinkunataj payman yawarta jaywarqanku, paytaj chay yawarwan altarta, chantá altarpa tukuy muyuyninta ch'ajchorqa. 19Jaywallarqankutaj toroj wiranta, corderoj wiranta, chupanta, ch'unchulaj wiranta, lurunninta, k'iwichapi wiranta ima. 20Chantá Aarón tukuynin wirata, uywaj qhasqon pataman churaykorqa. Chaymantataj pay chay wirata altarpi q'olacherqa. 21Jinataj Aaronqa chay uywaj qhasqonta, chantá iskay paña piernankunata ima oqhariytawan, ikhaspa Tata Diosman jaywarqa, Moisespa kamachisqanman jina.
22Chantá Aarón chay tukuyta ruwayta tukuytawan makinta oqharispa, israelitakunata samincharqa.#Nm 6.22-26. Chaymantataj jucha pampachasqa kananpaj jaywanata, q'olachinapaj jaywanata, k'achata kawsakuy jaywanata Diosman jaywaytawan, altarmanta ithirerqa. 23Chantá Moiseswan, Aaronwan ima Dioswan Tinkukuna Toldoman yaykorqanku. Chaymanta llojsimuspataj, israelitakunata ujtawan samincharqanku. Jinallapi Tata Diospa jatun kayninpa lliphipiynin tukuyninkuman rikhurerqa. 24Chaymantataj Tata Diospa ñawpaqenmanta nina llojsimuspa, altarpi aychata, wiratawan ima q'olaykorqa. Chayta rikuspataj, tukuy israelitakuna kusikuspa qhaparerqanku, chantá pampakama k'umuykorqanku.#9.24 Tata Dios janaj pachamanta ninata kachaykamuspa, yachayta qorqa altarpi uywa ñak'asqata tukuy sonqo jap'ikusqanmanta. Jue 6.21; 1 R 18.38; 1 Cr 21.26.
Currently Selected:
Levítico 9: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
Levítico 9
9
Aarón sacerdote jina ruwananta qallarin
1Pusaj kaj p'unchaypi Moisesqa Aaronta, churinkunata, chantá israelitakunaj kurajninkukunatawan ima wajyarqa. 2Chantá Moisés Aaronta nerqa: Juchata pampachanapaj uj torillota apamuy. Jinallataj q'olachispa jaywanapaj mana iman imanasqa corderotawan apamullaytaj. Jinaspataj chaykunata Tata Diosman jayway. 3Israelitakunatataj niy: Jucha pampachasqa kananpaj Diosman jaywanapaj uj chivota apamuychej. Jinallataj mana iman imanasqa uj watayoj torillota, uj watayoj corderotawan ima apamullaychejtaj q'olachispa Tata Diosman jaywanapaj. 4Apamullaychejtaj uj torota, uj corderotawan allinyakuy jaywanata Tata Diosman jaywanapaj. Chantá apamullaychejtaj aceitewan puñasqa ch'aki mikhuy jaywanata, imaraykuchus Tata Diosqa Tukuy Atiyniyoj kasqanta kunan qankunaman rikuchisonqachej, nispa.
5Jinataj israelitakunaqa Moisespa tukuy kamachisqanta Dioswan Tinkukuna Toldo punkuman apamorqanku. Chaymantataj tukuy israelitakuna rispa, Tata Diospa ñawpaqenpi sayarqanku. 6Chantá Moisés nerqa: Tata Dios kayta ruwanaykichejta kamachisunkichej. Sichus kasunkichej chayqa, Tata Dios jatun kayninpa lliphipiyninwan qankunaman rikuchisonqachej, nispa.
7Chaymanta Moisesqa Aaronta nillarqataj: Altarman qayllaspa, jucha pampachasqa kananpaj jaywanaykita jayway. Chantá q'olachina jaywanaykitapis jaywallaytaj. Ajinata ruwanki qanpa juchallisqayki, jinataj israelitakunaj juchallisqankupis pampachasqa kananpaj. Chantá israelitakunaj apamusqankuta Diosman jayway, juchallisqanku pampachasqa kananpaj. Ajinata Tata Diospa kamachisqanman jina ruwanki, nispa.#Heb 5.1-3; 7.27.
8Chantá Aaronqa altarman qayllaykuspa, torillota ñak'arqa. Jinaspataj, juchallisqan pampachasqa kananpaj, chay torillota Diosman jaywarqa. 9Aaronpa churinkunataj payman yawarta jaywarqanku, Aarontaj maki ruk'ananta yawarman chhapuspa, altarpa wajrankunata jawirarqa. Puchoj yawartataj altarpa uranman jich'arqa. 10Chaymantá jucha pampachasqa kananpaj apamusqa, chay uywaj wiranta altarpi q'olacherqa. Jinallataj Aaronqa chay uywaj lurunninta, k'iwichanpi wirantawan ima q'olachillarqataj. Ajinata Aarón ruwarqa imaynatachus Tata Dios Moisesman kamachisqanman jina. 11Uywaj aychanta, qarantawan imarí jaramanta jawaman orqhospa, ruphacherqa.
12Chantá Aaronqa q'olachispa jaywanapaj apamusqanku uywatañataj ñak'arqa. Churinkunataj yawarta payman jaywarqanku, Aarontaj chay yawarwan altarta, chantá muyuyninta ima ch'ajchorqa. 13Chaymantataj uywaj umanta, khuchusqa aychantawan jaywarqanku, Aarontaj chaykunata altarpi q'olacherqa. 14Jinaspataj uywaj ch'unchulanta, chantá piernanta ima yakuwan mayllaspa, q'olachispa jaywanatawan khuskata altarpi q'olacherqa.
15Chaymanta Aaronqa israelitakuna Tata Diosman jaywanankupaj apamusqankuta Diosman jaywallarqataj. Jinallataj Aaronqa chivota jap'iytawan ñak'arqa israelitakuna juchallisqanku pampachasqa kananpaj apamusqankuta, chantá Tata Diosman jaywarqa, imaynatachus ñawpajta jaywarqa, ajinata. 16Jinallataj q'olachispa jaywana uywata, kamachisqa kasqanman jina, Diosman jaywallarqataj. 17Chantá ch'aki mikhuy jaywanamanta uj pojtuta oqharispa, altarpi q'olacherqa, sut'iyayta q'olachispa jaywana uywatawan khuskata.
18Jinallataj Aarón ñak'allarqataj israelitakuna k'achata kawsakuy jaywanata Diosman jaywanapaj apamusqanku torota, corderotawan ima. Churinkunataj payman yawarta jaywarqanku, paytaj chay yawarwan altarta, chantá altarpa tukuy muyuyninta ch'ajchorqa. 19Jaywallarqankutaj toroj wiranta, corderoj wiranta, chupanta, ch'unchulaj wiranta, lurunninta, k'iwichapi wiranta ima. 20Chantá Aarón tukuynin wirata, uywaj qhasqon pataman churaykorqa. Chaymantataj pay chay wirata altarpi q'olacherqa. 21Jinataj Aaronqa chay uywaj qhasqonta, chantá iskay paña piernankunata ima oqhariytawan, ikhaspa Tata Diosman jaywarqa, Moisespa kamachisqanman jina.
22Chantá Aarón chay tukuyta ruwayta tukuytawan makinta oqharispa, israelitakunata samincharqa.#Nm 6.22-26. Chaymantataj jucha pampachasqa kananpaj jaywanata, q'olachinapaj jaywanata, k'achata kawsakuy jaywanata Diosman jaywaytawan, altarmanta ithirerqa. 23Chantá Moiseswan, Aaronwan ima Dioswan Tinkukuna Toldoman yaykorqanku. Chaymanta llojsimuspataj, israelitakunata ujtawan samincharqanku. Jinallapi Tata Diospa jatun kayninpa lliphipiynin tukuyninkuman rikhurerqa. 24Chaymantataj Tata Diospa ñawpaqenmanta nina llojsimuspa, altarpi aychata, wiratawan ima q'olaykorqa. Chayta rikuspataj, tukuy israelitakuna kusikuspa qhaparerqanku, chantá pampakama k'umuykorqanku.#9.24 Tata Dios janaj pachamanta ninata kachaykamuspa, yachayta qorqa altarpi uywa ñak'asqata tukuy sonqo jap'ikusqanmanta. Jue 6.21; 1 R 18.38; 1 Cr 21.26.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.