Levítico 10
10
Nadabwan, Abiuwan ima wañunku
1Uj kuti Aaronpata churinkuna Nadabwan, Abiuwan ima sapa uj incienso q'oshñichinata oqharikuspa, ninata churarqanku. Chantá ninaman inciensota churaspa, Tata Diosman jaywarqanku, mana kamachisqanman jinachu. 2Jinapi Tata Diospa ñawpaqenmanta ujllata nina llojsimuspa, paykunata ruphaykorqa. Ajinata Tata Diospa ñawpaqenpi iskayninku wañorqanku.
3Chaymanta Moisesqa Aaronta nerqa: Kay kananta mana munaspa Tata Dios ajinata nerqa:
Noqaman qayllamuwajkunaman may llimphu kayniyta rikuchisaj.
Tukuy israelitakunamantaj jatun kayniypa lliphipiyninta rikuchillasajtaj, nispa.
Aarontajrí ch'inlla karqa.
4Chantá Moisesqa Aaronpa tion Uzielpa churinkuna Misaelta, Elzafanta ima wajyaspa, nerqa: Jamuychej, Dioswan Tinkukuna Toldomanta aylluykichejpa ayankuta orqhospa, jaramanta jawaman apaychej, nispa.
5Paykunataj Moisespa nisqanman jina qayllaykuytawan, wañusqakunata p'achankumanta jap'ispa, jaramanta jawaman orqhorqanku.
Sacerdotekunaj ruwananku
6Chaymanta Moisesqa Aaronta, chantá Eleazarta, Itamartawan ima nerqa: Ama mana ñajch'asqaqa kaychejchu, nitaj p'achaykichejtapis llik'ikuychejchu wañusqakunarayku llakisqa kasqaykichejta rejsichispa. Sichus chayta ruwankichej chayqa, qankunapis wañuchisqallataj kankichej, Tata Diostaj israelitakunapaj k'arajta phiñakonqa. Ayllu masiykichej israelitakunalla Tata Dios Nadabta, chantá Abiutawan ima ninawan ruphachisqanmanta waqachunku. 7Amallataj Dioswan Tinkukuna Toldoman yaykuna punkumanta karunchakuychejchu, ama wañunaykichejpaj. Qankunaqa aceitewan jawisqa kaspa, Tata Diospaj t'aqasqa kankichej, nispa. Paykunataj Moisespa kamachisqanman jina ruwarqanku.
8Chay jawa Tata Diosqa Aaronta nillarqataj: 9Qan, chayrí churiykikuna Dioswan Tinkukuna Toldoman yaykunaykichej kajtenqa, ama vinota ujyankichejchu, nitaj ima machachej ujyanatapis, ama wañunaykichejpaj. Kayqa tukuy mirayniykichejpaj wiñaypaj kamachisqay kanqa. 10Ch'aki sonqo kaspaqa, mayqenchus Diospaj t'aqasqa kajta, mana t'aqasqa kajtapis reparayta atinkichej. Jinallataj mayqenchus llimphupaj qhawasqa kajta, chayrí ch'ichipaj qhawasqa kajtapis, allinta reparayta atillankichejtaj. 11Jinallataj israelitakunaman Tata Diospa tukuy kamachisqanta yachachinaykichej tiyan. Chay kamachisqakunata paymin Moisesnejta qosorqachej, nispa.
12Chantá Moisesqa Aaronta, iskaynin qhepakoj churinkuna Eleazarta, Itamarta ima nerqa: Tata Diosman ch'aki mikhuy jaywanamanta puchojtaqa altar qayllapi mana levadurayojta mikhuychej. Chay jaywasqaqa Tata Diospaj t'aqasqamin. 13Chaytaqa Diospaj T'aqasqa Cheqapi mikhunkichej, imaraykuchus chayqa Tata Diosman jaywanamanta qanman, jinataj churiykikunaman qosqamin. Ajinata Tata Dios kamachiwarqa. 14Tata Diosman ikhaspa jaywasqamanta uywaj qhasqonta, chantá qankunapaj t'aqasqa piernatawan Diospaj T'aqasqa Cheqapi mikhunkichej. Chayqa qanpaj, churiykikunapaj, ususiykikunapaj ima qosqa kashan israelitakuna k'achata kawsakuy jaywanata Diosman apamusqankumanta. 15Ñak'asqa uywaj piernanta, chantá qhasqonta ima, q'olachispa jaywanapaj wiratawan khuskata ikhaspa Tata Diosman jaywanqanku. Chaykunaqa Tata Diospa kamachisqanman jina, qanpaj, chantá churiykikunapaj ima kanqa, nispa.
16Chantá Moisés Eleazarta taporqa jucha pampachasqa kananpaj apamusqanku chivomanta. Paykunataj Moisesman willarqanku chay chivota ñak'aspa q'olachisqankutaña. Chayta yachaspa Moisesqa Eleazarpaj, jinataj Itamarpaj ima phiñakorqa. Chantá nerqa: 17Imaraykutaj jucha pampachasqa kananpaj jaywanamanta Diospaj T'aqasqa Cheqapi mana mikhorqankichejchuri? Chayqa Tata Diospaj t'aqasqamin karqa. Chayta Tata Dios qankunaman qosorqachej, qankuna israelitakunaj juchankuta apanaykichejpaj, chantá paykunaj juchanku Tata Diosnejta pampachasqa kananpaj. 18Chay chivoj yawarnin Dioswan Tinkukuna Toldoman mana apasqa kasqanrayku, qankuna chay jaywasqa aychata Diospaj T'aqasqa Cheqapi mikhunaykichej karqa, noqa kamachisqayman jina, nispa.
19Aarontaj Moisesman kuticherqa: Kunan paykuna juchanku pampachasqa kananpaj jaywanata, jinallataj q'olachispa jaywanatawan Tata Diosman jaywarqanku. Chaywanpis kay llakiy qhatiriwan. Jinaqa sichus kunan jucha pampachasqa kananpaj jaywasqa aychata mikhuyman karqa chayqa, Tata Diospaj allillanchu kanman karqa? nispa.
20Moisestaj ajinata Aaronta nejta uyarispa, sonqo junt'asqa qhepakorqa.
Currently Selected:
Levítico 10: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
Levítico 10
10
Nadabwan, Abiuwan ima wañunku
1Uj kuti Aaronpata churinkuna Nadabwan, Abiuwan ima sapa uj incienso q'oshñichinata oqharikuspa, ninata churarqanku. Chantá ninaman inciensota churaspa, Tata Diosman jaywarqanku, mana kamachisqanman jinachu. 2Jinapi Tata Diospa ñawpaqenmanta ujllata nina llojsimuspa, paykunata ruphaykorqa. Ajinata Tata Diospa ñawpaqenpi iskayninku wañorqanku.
3Chaymanta Moisesqa Aaronta nerqa: Kay kananta mana munaspa Tata Dios ajinata nerqa:
Noqaman qayllamuwajkunaman may llimphu kayniyta rikuchisaj.
Tukuy israelitakunamantaj jatun kayniypa lliphipiyninta rikuchillasajtaj, nispa.
Aarontajrí ch'inlla karqa.
4Chantá Moisesqa Aaronpa tion Uzielpa churinkuna Misaelta, Elzafanta ima wajyaspa, nerqa: Jamuychej, Dioswan Tinkukuna Toldomanta aylluykichejpa ayankuta orqhospa, jaramanta jawaman apaychej, nispa.
5Paykunataj Moisespa nisqanman jina qayllaykuytawan, wañusqakunata p'achankumanta jap'ispa, jaramanta jawaman orqhorqanku.
Sacerdotekunaj ruwananku
6Chaymanta Moisesqa Aaronta, chantá Eleazarta, Itamartawan ima nerqa: Ama mana ñajch'asqaqa kaychejchu, nitaj p'achaykichejtapis llik'ikuychejchu wañusqakunarayku llakisqa kasqaykichejta rejsichispa. Sichus chayta ruwankichej chayqa, qankunapis wañuchisqallataj kankichej, Tata Diostaj israelitakunapaj k'arajta phiñakonqa. Ayllu masiykichej israelitakunalla Tata Dios Nadabta, chantá Abiutawan ima ninawan ruphachisqanmanta waqachunku. 7Amallataj Dioswan Tinkukuna Toldoman yaykuna punkumanta karunchakuychejchu, ama wañunaykichejpaj. Qankunaqa aceitewan jawisqa kaspa, Tata Diospaj t'aqasqa kankichej, nispa. Paykunataj Moisespa kamachisqanman jina ruwarqanku.
8Chay jawa Tata Diosqa Aaronta nillarqataj: 9Qan, chayrí churiykikuna Dioswan Tinkukuna Toldoman yaykunaykichej kajtenqa, ama vinota ujyankichejchu, nitaj ima machachej ujyanatapis, ama wañunaykichejpaj. Kayqa tukuy mirayniykichejpaj wiñaypaj kamachisqay kanqa. 10Ch'aki sonqo kaspaqa, mayqenchus Diospaj t'aqasqa kajta, mana t'aqasqa kajtapis reparayta atinkichej. Jinallataj mayqenchus llimphupaj qhawasqa kajta, chayrí ch'ichipaj qhawasqa kajtapis, allinta reparayta atillankichejtaj. 11Jinallataj israelitakunaman Tata Diospa tukuy kamachisqanta yachachinaykichej tiyan. Chay kamachisqakunata paymin Moisesnejta qosorqachej, nispa.
12Chantá Moisesqa Aaronta, iskaynin qhepakoj churinkuna Eleazarta, Itamarta ima nerqa: Tata Diosman ch'aki mikhuy jaywanamanta puchojtaqa altar qayllapi mana levadurayojta mikhuychej. Chay jaywasqaqa Tata Diospaj t'aqasqamin. 13Chaytaqa Diospaj T'aqasqa Cheqapi mikhunkichej, imaraykuchus chayqa Tata Diosman jaywanamanta qanman, jinataj churiykikunaman qosqamin. Ajinata Tata Dios kamachiwarqa. 14Tata Diosman ikhaspa jaywasqamanta uywaj qhasqonta, chantá qankunapaj t'aqasqa piernatawan Diospaj T'aqasqa Cheqapi mikhunkichej. Chayqa qanpaj, churiykikunapaj, ususiykikunapaj ima qosqa kashan israelitakuna k'achata kawsakuy jaywanata Diosman apamusqankumanta. 15Ñak'asqa uywaj piernanta, chantá qhasqonta ima, q'olachispa jaywanapaj wiratawan khuskata ikhaspa Tata Diosman jaywanqanku. Chaykunaqa Tata Diospa kamachisqanman jina, qanpaj, chantá churiykikunapaj ima kanqa, nispa.
16Chantá Moisés Eleazarta taporqa jucha pampachasqa kananpaj apamusqanku chivomanta. Paykunataj Moisesman willarqanku chay chivota ñak'aspa q'olachisqankutaña. Chayta yachaspa Moisesqa Eleazarpaj, jinataj Itamarpaj ima phiñakorqa. Chantá nerqa: 17Imaraykutaj jucha pampachasqa kananpaj jaywanamanta Diospaj T'aqasqa Cheqapi mana mikhorqankichejchuri? Chayqa Tata Diospaj t'aqasqamin karqa. Chayta Tata Dios qankunaman qosorqachej, qankuna israelitakunaj juchankuta apanaykichejpaj, chantá paykunaj juchanku Tata Diosnejta pampachasqa kananpaj. 18Chay chivoj yawarnin Dioswan Tinkukuna Toldoman mana apasqa kasqanrayku, qankuna chay jaywasqa aychata Diospaj T'aqasqa Cheqapi mikhunaykichej karqa, noqa kamachisqayman jina, nispa.
19Aarontaj Moisesman kuticherqa: Kunan paykuna juchanku pampachasqa kananpaj jaywanata, jinallataj q'olachispa jaywanatawan Tata Diosman jaywarqanku. Chaywanpis kay llakiy qhatiriwan. Jinaqa sichus kunan jucha pampachasqa kananpaj jaywasqa aychata mikhuyman karqa chayqa, Tata Diospaj allillanchu kanman karqa? nispa.
20Moisestaj ajinata Aaronta nejta uyarispa, sonqo junt'asqa qhepakorqa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.