Levítico 17
17
Diosta yupaychana cheqaqa ujlla
1Tata Dios Moiseswan parlaspa, nillarqataj: 2Aaronta, churinkunata, chantá israelitakunatawan ima niy: Tata Diosqa ajinata kamachisunkichej:
3Sichus israelitakunamanta pillapis wakata, ovejata, chayrí cabratapis ñak'aspa Diosman jaywayta munanman chayqa, 4Dioswan Tinkukuna Toldo punkuman apamuspa ñak'anan tiyan Tata Diosman jaywanapaj. Sichus jaramanta jawapi, chayrí jara ukhupi ñak'anman chayqa, runa wañuchipis kanman jina juchachasqa kanqa. Chayrayku llajtanmanta chinkachisqa kanqa. 5Ajina kamachisqa kashan israelitakuna amaña campopi uywata ñak'anankupaj, manachayqa Dioswan Tinkukuna Toldo punkupi sacerdoteman apanankupaj. Chaypitaj sacerdotekunaqa Tata Diosman k'achata kawsakuy jaywanata jaywanankupaj chay uywata ñak'anqanku. 6Sacerdoteqa Dioswan Tinkukuna Toldo punkupi, Tata Diospa altarninta ñak'asqa uywaj yawarninwan ch'ajchonqa. Uywaj wiranta q'olachispataj, Tata Diosman jaywanqa, chay jaywasqaj q'apaynintaj Tata Diospa sonqonman jina chayananpaj kanqa. 7Ajina kanqa amaña chivoman rijch'asqa lantikunaman uywata ñak'aspa jaywanankupaj.#17.7 Chivoman rijch'asqa supaykuna: Chaypacha yuyaj kasqanku ch'innejpi supaykuna uj animalman rijch'akuspa tiyakusqankuta. Chaykunata yupaychaspa, israelitakunaqa sajra purikoj warmi jina ch'ichichakorqanku. Kay kamachisqaqa qankunapaj, jinataj mirayniykichejpajpis wiñaypaj kanqa.
8Jinallataj israelitakunata niy: Sichus mayqen israelita, chayrí qankunawan tiyakoj waj llajtayojpis q'olachispa Diosman jaywananpaj uywata, chayrí ima jaywanallatapis jaywayta munan chayqa, Dioswan Tinkukuna Toldoman chayta apamuchun. 9Sichus wajnejpi Tata Diosman jaywanman chayrí, chay runa ayllun ukhumanta chinkachisqa kanqa, nispa.
Yawarta mana mikhunachu
10Tata Dios israelitakunata nillarqataj: Sichus uj israelita, chayrí qankunawan tiyakoj waj llajtayojpis yawarta mikhunman chayqa, noqa paypa contranpi sayaykusaj, chantá ayllun ukhumanta payta chinkachisaj. 11Tukuy animalpa kawsaynenqa yawarninpi kashan. Noqataj qankunaman yawarta qoykichej altarman apanaykichejpaj, juchallisqaykichej pampachasqa kananpaj. Yawarpi kawsay kasqanrayku, qankunaj juchaykichejta pampachasaj.
12Chayrayku israelitakunata nini: Qankunamanta mana pipis, nitaj qankunawan tiyakoj karu llajtayojpis, yawarta mikhunanchu tiyan, nispa. 13Mayqen israelitapis, chayrí qankunawan tiyakoj waj llajtayojpis, llimphupaj qhawasqa animalta, chayrí p'isqotapis jap'inman chayqa, yawarninta jallp'aman sut'uchispa, p'ampaykunan tiyan. 14Tukuy kawsajpa kawsaynenqa yawarpi kashan. Chayrayku israelitakunata nini: Ni ima animalpa yawarninta mikhunkichejchu, imaraykuchus tukuy kawsajpata yawarninpi kawsaynin kashan. Chayrayku yawarta mikhoj runaqa chinkachisqa kanqa.
15Sichus mayqen israelitapis, chayrí qankunawan tiyakoj karu llajtayojpis wañusqa uywaj aychanta mikhunman, chayrí k'ita animalpa jap'isqanta mikhunman chayqa, p'achanta t'ajsakunan tiyan. Jinallataj ukhuntapis yakuwan mayllakunan tiyan. Chantá ch'isiyanankama mana llimphupaj qhawasqa kanqa. Chaymantaraj llimphuchasqa kanqa. 16Sichus mana p'achanta t'ajsakonqachu chay, nitaj ukhuntapis mayllakonqachu chayqa, mana uyarikusqanmanta juchachasqa kanqa, nispa.
Currently Selected:
Levítico 17: DQPC
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
Levítico 17
17
Diosta yupaychana cheqaqa ujlla
1Tata Dios Moiseswan parlaspa, nillarqataj: 2Aaronta, churinkunata, chantá israelitakunatawan ima niy: Tata Diosqa ajinata kamachisunkichej:
3Sichus israelitakunamanta pillapis wakata, ovejata, chayrí cabratapis ñak'aspa Diosman jaywayta munanman chayqa, 4Dioswan Tinkukuna Toldo punkuman apamuspa ñak'anan tiyan Tata Diosman jaywanapaj. Sichus jaramanta jawapi, chayrí jara ukhupi ñak'anman chayqa, runa wañuchipis kanman jina juchachasqa kanqa. Chayrayku llajtanmanta chinkachisqa kanqa. 5Ajina kamachisqa kashan israelitakuna amaña campopi uywata ñak'anankupaj, manachayqa Dioswan Tinkukuna Toldo punkupi sacerdoteman apanankupaj. Chaypitaj sacerdotekunaqa Tata Diosman k'achata kawsakuy jaywanata jaywanankupaj chay uywata ñak'anqanku. 6Sacerdoteqa Dioswan Tinkukuna Toldo punkupi, Tata Diospa altarninta ñak'asqa uywaj yawarninwan ch'ajchonqa. Uywaj wiranta q'olachispataj, Tata Diosman jaywanqa, chay jaywasqaj q'apaynintaj Tata Diospa sonqonman jina chayananpaj kanqa. 7Ajina kanqa amaña chivoman rijch'asqa lantikunaman uywata ñak'aspa jaywanankupaj.#17.7 Chivoman rijch'asqa supaykuna: Chaypacha yuyaj kasqanku ch'innejpi supaykuna uj animalman rijch'akuspa tiyakusqankuta. Chaykunata yupaychaspa, israelitakunaqa sajra purikoj warmi jina ch'ichichakorqanku. Kay kamachisqaqa qankunapaj, jinataj mirayniykichejpajpis wiñaypaj kanqa.
8Jinallataj israelitakunata niy: Sichus mayqen israelita, chayrí qankunawan tiyakoj waj llajtayojpis q'olachispa Diosman jaywananpaj uywata, chayrí ima jaywanallatapis jaywayta munan chayqa, Dioswan Tinkukuna Toldoman chayta apamuchun. 9Sichus wajnejpi Tata Diosman jaywanman chayrí, chay runa ayllun ukhumanta chinkachisqa kanqa, nispa.
Yawarta mana mikhunachu
10Tata Dios israelitakunata nillarqataj: Sichus uj israelita, chayrí qankunawan tiyakoj waj llajtayojpis yawarta mikhunman chayqa, noqa paypa contranpi sayaykusaj, chantá ayllun ukhumanta payta chinkachisaj. 11Tukuy animalpa kawsaynenqa yawarninpi kashan. Noqataj qankunaman yawarta qoykichej altarman apanaykichejpaj, juchallisqaykichej pampachasqa kananpaj. Yawarpi kawsay kasqanrayku, qankunaj juchaykichejta pampachasaj.
12Chayrayku israelitakunata nini: Qankunamanta mana pipis, nitaj qankunawan tiyakoj karu llajtayojpis, yawarta mikhunanchu tiyan, nispa. 13Mayqen israelitapis, chayrí qankunawan tiyakoj waj llajtayojpis, llimphupaj qhawasqa animalta, chayrí p'isqotapis jap'inman chayqa, yawarninta jallp'aman sut'uchispa, p'ampaykunan tiyan. 14Tukuy kawsajpa kawsaynenqa yawarpi kashan. Chayrayku israelitakunata nini: Ni ima animalpa yawarninta mikhunkichejchu, imaraykuchus tukuy kawsajpata yawarninpi kawsaynin kashan. Chayrayku yawarta mikhoj runaqa chinkachisqa kanqa.
15Sichus mayqen israelitapis, chayrí qankunawan tiyakoj karu llajtayojpis wañusqa uywaj aychanta mikhunman, chayrí k'ita animalpa jap'isqanta mikhunman chayqa, p'achanta t'ajsakunan tiyan. Jinallataj ukhuntapis yakuwan mayllakunan tiyan. Chantá ch'isiyanankama mana llimphupaj qhawasqa kanqa. Chaymantaraj llimphuchasqa kanqa. 16Sichus mana p'achanta t'ajsakonqachu chay, nitaj ukhuntapis mayllakonqachu chayqa, mana uyarikusqanmanta juchachasqa kanqa, nispa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.