Sacari 3
3
Bơta gơtơnggŏ dơ̆ poan: Jôsua mơ Satan
1 #
Ejr 5:2; Yalt 12:10. Gen Yàng Jehôwa sơnio añ in sền gŏ cau gơnoar dờng lam bồ ơn phan duh khoai Jôsua ntào di đap cau gơnrơh Yàng Jehôwa dê, mơ Satan#3:1 Satan gơtha la “cau tòmdră”, tòmdră mơ Yàng Tom Trồ mơ kòn mơnus. ñă ntào di đah ma khai nàng yă khai.
2 #
Jud 1:9. Cau gơnrơh Yàng Jehôwa đơs mơ Satan lah: “Ơ Satan, dan Yàng Jehôwa lah pơrhơng mê! Dan Yàng Jehôwa la Bơtau neh sac rwah Jerusalem lah pơrhơng mê! Cau do ò di kung be dô gơl lòng ồs sa neh tă tơlik bơh di ồs ò ơ?” 3Mơ tai, Jôsua soh ồi ào ƀơ̆ ƀơl tòm tŭ khai ñă ntào di đap cau gơnrơh. 4Cau gơnrơh đơs mơ ală cau ơm ntào di đap khai lah: “Hồ tĕ ồi ào ƀơ̆ ƀơl bơh di khai.” Gen cau gơnrơh đơs mơ Jôsua lah: “Sền tĕ, Añ neh tă sang bơta tồi glài mê dê, mơ Añ rơp tơnsoh ồi ào bơta pơjum neh jing bơka mê in.” 5Gen añ đơs lah: “Kơt tĕ che pùt bồ sàng goh di bồ khai.” Behơ̆, bol khai kơt di bồ khai dô nơm che pùt bồ sàng goh, mơ tơnsoh ồi ào khai in tòm tŭ cau gơnrơh Yàng Jehôwa dê ơm ntào di gah.
6Gen cau gơnrơh Yàng Jehôwa dê ai jơnau sồr Jôsua in mơ lah: 7Yàng Jehôwa Gơnap Gơnoar Dờng Làm Jơh đơs be do: “Dilah mê cơnđòa lòt tòm gùng dà Añ jê mơ prap gàr bơta Añ sồr gen mê rơp at bồ hìu Añ, sền gàr ală ƀlàng hìu Añ, mơ Añ rơp ai mê in mut tòm sèng ală cau ntào tềng do. 8#Jer 23:5; 33:15; Sac 6:12.Tŭ do iat tĕ, ơ Jôsua cau gơnoar dờng lam bồ ơn phan duh khoai, mơ ală cau bal mơ mê nggui di đap mê la ală cau lơh rùp sơnio bơh ală bơta rơp tus: Añ rơp cèng cau duh broă Añ jê la Ntê Chi.
9Bơh hơđang pơnai lŭ mơ Añ neh ơn di đap Jôsua, hơđang dô nơm lŭ hơ̆ gơs poh nơm gar mat, mơ Añ rơp pac jơnau hơđang gơ, mơ Añ rơp tă tơlik bơta tồi glài bơh di lơgar do tòm dô ngai,” Yàng Jehôwa Gơnap Gơnoar Dờng Làm Jơh đơs behơ̆. 10#Mice 4:4.Yàng Jehôwa Gơnap Gơnoar Dờng Làm Jơh đơs lah: “Tòm ngai hơ̆, bol mê kòp nă rơp jà cau gơp ƀòn he tus nggui hơđơm tòm ño mơ tòm chi ƀal he dê.”
Currently Selected:
Sacari 3: KPM2018
Highlight
Copy
Compare
Share
Want to have your highlights saved across all your devices? Sign up or sign in
© 2018 United Bible Societies. All rights reserved.
