Sacari 10
10
Bơtào wơl Juda mơ Israel
1Dan tĕ Yàng Jehôwa dùh mìu tòm kơnhai bơkào chi che;#10:1 Rct: mìu bồ sơnam.
Yàng Jehôwa la Bơtau lơh gơs ală mhwal càl rbut.
Kơnràñ dùh mìu dờng ală bol mê in,
mơ ai biap hòn tòm ƀlàng kòp nă cau in.
2 #
Mat 9:36; Mak 6:34. Tài bơh ală rùp ràk đơs bơta blac pơrlồm.
Ală cau sền dà gŏ bơta gơtơnggŏ ma blac;
bol khai yal bơta mpau ò song,
mơ ai bơta pơndòm pơniang ò kwơ.
Behơ̆ tàng làng bol nrah nring
kung be belàt, kong rồn bơklơn tài bơh ò gơs cau ê.
3Bơta gơjrañ mañ Añ jê neh gơguh tòmdră mơ ală cau ê,
mơ Añ rơp lơh glài ală cau at bồ;#10:3 Js: ală be dam.
bơh Yàng Jehôwa Gơnap Gơnoar Dờng Làm Jơh rơp kơlôi rcang bơh mpồl belàt Kơnràñ dê la hìu Juda,
mơ lơh bol khai in gơlik gơs kung be ơseh jak tòm bơta tòmlơh.
4Bơh di Juda rơp tus lŭ mum hìu,
bơh di khai rơp gơs jơrmơng sơntơp sàl,
bơh di khai rơp gơs àtak tòmlơh,
bơh di khai rơp gơs jơh ală cau at bồ.
5Bol khai rơp kung be ală cau ling jak tòm tiah tòmlơh,
jă trơm cau sò tơm tòm bŏ tòm ală gùng ƀòn dờng;
bol khai rơp tòmlơh, bơh Yàng Jehôwa ơm bal mơ bol khai,
mơ bol khai rơp ơn bơta ƀàssìl hơđang ală cau hào ơseh.
6“Añ rơp bơtơl pràn hìu Juda in,
mơ dong tă hìu Jôsep dê.
Añ rơp cèng bol khai rê wơl tài bơh Añ nđàc sơngit di bol khai.
Bol khai rơp ơm kung be Añ neh ò sang lòi bol khai,
bơh Añ la Jehôwa Yàng Tom Trồ bol khai dê, mơ Añ rơp ho wơl bol khai in.
7Cau Epraim rơp gơlik gơs kung be ală cau ling jak tòmlơh,
mơ nùs bol khai rơp chò hòp kung be cau ñô tơrnòm.
Kòn sau bol khai rơp gŏ bơta hơ̆ mơ chò hòp;
nùs bol khai dê rơp geh hừh hơh tòm Yàng Jehôwa.
8Añ rơp lơh tềl tồ bol khai in git mơ pơjum tơrgòm bol khai.
Bơh Añ neh dong tơwài bol khai;
ntum khà bol khai dê rơp gal ngan kung be lài òr.
9Bulah Añ neh rsìh bol khai digùl ală làng bol,
mơya tòm ală lơgar ngài bol khai rơp kah wơl Añ.
Bol khai cèng bal kòn sau bol khai dê mơ rê wơl.
10Añ rơp cèng bol khai rê wơl bơh di Ejiptơ,
mơ pơjum tơrgòm bol khai bơh di Asiri.
Añ rơp cèng bol khai tus hơ tiah Galaat mơ Liban,
tian gơs tềng hơ̆ rơp ò tang tiah bol khai in ơm.
11Bol khai rơp tiă rlau dàlềng kalke bòl glar;
mơ ryà dàlềng rơp kong pòng tơmù;
mơ jơh ală tiah jrô hiòng Nil dê rơp soat rañ.
Bơta pơnhừ să Asiri dê rơp kong tơmù,
mơ gai gơnoar Ejiptơ dê rơp ò gam tai.
12Añ rơp ai bol khai in bơta pràn kơldang tòm Yàng Jehôwa,
mơ bol khai rơp lòt tòm sơnđan Kơnràñ dê,”
Yàng Jehôwa đơs behơ̆.
Currently Selected:
Sacari 10: KPM2018
Highlight
Copy
Compare
Share
Want to have your highlights saved across all your devices? Sign up or sign in
© 2018 United Bible Societies. All rights reserved.
