Sacari 1

Ală bơta gơtơnggŏ

(1:1 – 6:15)

Bơto tơngkah pal gơjrañ sang glài

1 # Ejr 4:24–5:1; 6:14. Tòm kơnhai phàm nam dơ̆ bàr rài at bồ bơtau Darius dê, gơs jơnau Yàng Jehôwa đơs mơ cau gơnoar hwơr Sacari, kòn klau Beraci, sau Idô dê lah: 2“Yàng Jehôwa neh gơjrañ ngan gơwèt mơ ồng pàng bol mê dê. 3Gen tàng đơs tĕ mơ bol khai lah, Yàng Jehôwa Gơnap Gơnoar Dờng Làm Jơh đơs be do: ‘Rê wơl tĕ hơ Añ.’ Yàng Jehôwa Gơnap Gơnoar Dờng Làm Jơh đơs: ‘Gen Añ rơp rê wơl hơ bol mê.’ Yàng Jehôwa Gơnap Gơnoar Dờng Làm Jơh đơs behơ̆.

4Bañ lơh kung be ồng pàng bol mê dê la cau mơ ală cau gơnoar hwơr tòm rài yau neh yal tơnggit bol khai in lah: Yàng Jehôwa Gơnap Gơnoar Dờng Làm Jơh đơs be do: ‘Pơrlac sang tĕ bơh di gùng iơh mơ bơh broă lơh iơh bol mê dê.’ Mơya bol khai ò bài iat, mơ kung ò ơn nùs tồr iat Añ, Yàng Jehôwa đơs behơ̆. 5Ntềng đah ồng pàng bol mê dê taih? Mơ ală cau gơnoar hwơr hơ̆ neh kis gam sùm sùm sơl ơ? 6Mơya ală jơnau đơs mơ ală bơta sồr lam Añ jê neh ai dĭ gơna Añ jê la ală cau gơnoar hwơr, ò di neh kup bàn ală ồng pàng bol mê ò ơ? Gen tàng bol khai neh gơjrañ sang glài mơ đơs lah: ‘Yàng Jehôwa Gơnap Gơnoar Dờng Làm Jơh neh lơh di pal gơwèt hơ gùng dà mơ broă lơh bol he dê, tòm toh jat be Kơnràñ neh lơh nền.’”

Bơta gơtơnggŏ dơ̆ sơnròp: Ală cau hào ơseh

7Tòm ngai bàr jơt poan kơnhai jơt dùl, la kơnhai Sebat, tòm nam dơ̆ bàr rài at bồ bơtau Darius dê, gơs jơnau Yàng Jehôwa đơs mơ cau gơnoar hwơr Sacari, kòn klau Beraci, sau Idô, mơ Sacari đơs lah: 8#Yalt 6:2-8.Tòm trồ mang añ neh gơs dô bơta gơtơnggŏ, añ gŏ di đap añ gơs dô nă cau hào ơseh pơrhê! Khai ơm ntào digùl ală tòm chi bơñàng tòm dô nơm thòng. Bơh ngkòi khai gơs ală ơseh pơrhê, ơseh gur, mơ ơseh kò. 9Gen añ lùp lah: “Ơ Yàng añ jê, ală bơta do la ñchi taih?” Cau gơnrơh ơm đơs mơ añ ho lah: “Añ rơp sơnio mê in ală cau do la ñcau.” 10Gen cau ơm ntào digùl tòm ală tòm chi bơñàng ho lah: “Do la ală cau mơ Yàng Jehôwa neh sồr lòt sền sơwì làm plai ù.” 11Mơ bol khai yal broă mơ cau gơnrơh Yàng Jehôwa dê ơm ntào digùl ală tòm chi bơñàng mơ lah: “Bol hi neh lòt sền sơwì làm plai ù mơ gŏ làm jơh plai ù ơm tòm bơta ring lơngai.”

12Gen cau gơnrơh Yàng Jehôwa dê đơs lah: “Ơ Yàng Jehôwa Gơnap Gơnoar Dờng Làm Jơh! Nđò jŏ tai Kơnràñ gam ò nđàc sơngit di Jerusalem mơ ală ƀòn dờng Juda dê mơ Kơnràñ neh gơhào gơjrañ tòm poh jơt sơnam taih?” 13Gen Yàng Jehôwa ho wơl mơ ală jơnau kòñ nđàc mơ pơndòm pơniang cau gơnrơh neh đơs mơ añ.

14Behơ̆ cau gơnrơh đơs mơ añ sồr añ tai lah, bơto yal tĕ jơnau do: “Yàng Jehôwa Gơnap Gơnoar Dờng Làm Jơh neh đơs: ‘Añ gơs nùs ƀoah pơrñat ngan bơh Jerusalem mơ Siôn. 15Mơ Añ gơjrañ ngan gơwèt mơ ală làng bol kơlôi lah bol khai ơm ring lơngai mơ khat gơboh. Añ neh gơjrañ dô êt, mơya bol khai neh gơbơtơl bơta rung rài iơh rlau jơh.’

16Gen tàng Yàng Jehôwa đơs be do: ‘Añ ai nùs nđàc sơngit mơ rê wơl hơ Jerusalem; tềng hơ̆ hìu Añ rơp bơt bơtào wơl. Mơ che was rơp dang hơđang Jerusalem.’ Yàng Jehôwa Gơnap Gơnoar Dờng Làm Jơh đơs behơ̆. 17Bơto yal tĕ oă rlau tai lah: Yàng Jehôwa Gơnap Gơnoar Dờng Làm Jơh đơs be do: ‘Ală ƀòn dờng Añ jê rơp geh bềng lìu pas gơs, mơ Yàng Jehôwa rơp dô dơ̆ tai pơndòm pơniang Siôn mơ sac rwah Jerusalem wơl.’”

Bơta gơtơnggŏ dơ̆ bàr: ală ngke mơ ală cau chài tiar

18Chòp añ pò mat tơnggòr sền; ne, gơs poan nơm ngke! 19Añ lùp cau gơnrơh ơm đơs mơ añ lah: “Ală phan hơ̆ la ñchi taih?” Khai ho añ lah: “Hơ̆ la ală ngke neh lơh gơprah gơpring Juda, Israel mơ Jerusalem.”

20Gen Yàng Jehôwa sơnio añ in sền poan nă cau chài tiar 21Añ lùp lah: “Ñchi ală cau do rơp lơh taih?” Kơnràñ ho lah: “Hơ̆ la ală ngke neh lơh gơprah gơpring Juda tian gơs ò gơs cau lơi geh pò bồ hơđang; mơya ală cau chài tiar do neh tus nàng lơh bol khai in rngòt rngơt mơ pòng pă ală ngke ală làng bol neh yò tơngguh ngke tòmdră mơ lơgar Juda mơ lơh gơprah gơpring làng bol gơ dê.”

Currently Selected:

Sacari 1: KPM2018

Highlight

Copy

Compare