Rôma 16

Jơnau còp să

1Añ yal lài oh mi in bơh Phebe bi ùr bol he dê, la cau ùr dong gàr Hìu Jum Goh Senkre dê. 2Dan oh mi wă rò khai tòm Yàng dô bă di pal mơ cau sàng goh, mơ dong kòl khai tòm broă khai kơnòm di oh mi bơh să tòm khai neh dong kòl oă cau, mơ kung dong kòl añ sơl.

3 # Broă 18:2. Dan còp să Prissil mơ Akila, la cau bơyô lơh broă bal mơ añ tòm Yàng Krist Jesu. 4Bol khai neh kong phi să nàng dong bơta kis añ; gen ò di mìng dô nă añ ưnngài bol khai lơm ò, mơya jơh ală Hìu Jum Goh làng bol bơdìh sơl. 5Kung dan còp să Hìu Jum Goh pơjum tòm hìu bol khai.

Dan còp să Epainet, la cau kòñ gơboh añ jê; khai la cau sơnròp dòn Bơtau Krist tòm kơnhwàl Asia. 6Dan còp să Mari la cau neh lơh oă broă bòl glar bơh oh mi. 7Dan còp să Andrônik mơ Junia#16:7 Gơs sră cih tê cih: Julia. la cau gơp bơtiàn#16:7 Gsc: Cau ơn bal. Juda mơ bơyô kong jàm bal mơ añ, mơ la cau neh geh tiơng pơnro tòm ală cau gơnoar bơto dờng mơ neh ơm tòm Bơtau Krist lài mơ añ. 8Dan còp să Ampliatus la cau kòñ gơboh añ jê tòm Yàng. 9Dan còp să Urbanus, la cau bơyô lơh broă bal mơ añ tòm Bơtau Krist, mơ Stakis la cau kòñ gơboh añ jê. 10Dan còp să Apel la cau geh jòng ro tòm Bơtau Krist. Dan còp să cau ơm tòm hìu Aristôbulus. 11Dan còp să Herôdiôn la cau gơp bơtiàn añ jê. Dan còp să ală cau ơm tòm hìu Narkissus, la ală cau ơm tòm Yàng. 12Dan còp să Triphena mơ Triphôsa, la cau kong bòl glar lơh broă tòm Yàng. Dan còp să Persis la cau kòñ gơboh añ jê, la cau neh kong oă bơta bòl glar lơh broă tòm Yàng. 13#Mak 15:21.Dan còp să Ruphus la cau neh geh sac rwah tòm Yàng, mơ mè khai dê kung la mè añ sơl. 14Dan còp să Asingkritus, Phlegôn mơ Hermes, Patrôbas mơ Hermas, mơ ală oh mi ơm mơ bol khai. 15Dan còp să Philôlôgus mơ Julia, Nereus mơ lŏ khai dê, mơ Ôlimpas, mơ jơh ală cau sàng goh ơm mơ bol khai. 16Oh mi ai tĕ bơta còp să sàng goh nàng còp să bal.#16:16 Jơnau Grek la “bơta cum sàng goh,” hơ̆ la bơta còp să òs digùl cau dòn Yàng tòm rài hơ̆. Jơh ală Hìu Jum Goh Bơtau Krist dê còp să oh mi.

Kơrhia di bơta cah mpồl

17Ơ oh mi, añ bơto tơngkah oh mi kơrhia tĕ di ală cau tơnggơs mpồl is mơ lơh kai gơtup tìs, tòmdră di gùng duh khoai mơ oh mi neh bơtê. Pleh ngài tĕ dê bol khai. 18Bơh ală cau hơ̆ ò duh broă Bơtau Krist la Yàng bol he, mơya bol khai duh broă kơndul bol khai dê, mơ ai ală jơnau lơngồt bơkah rơmhòc nàng pơrlồm cau ò kơ̆ nùs. 19Bơta dòn bơr oh mi dê neh pơnro làm jơh, behơ̆ tàng añ hòn chò bơh oh mi: mơya añ kòñ oh mi jak chài đah bơta niam mơ sàng goh ò lơh bơta iơh bơsak. 20Mơ Yàng Tom Trồ la tòm ryas bơta ring lơngai bol he dê, êt tai rơp jă trơm cà Satan hơđơm jơng oh mi. Dan bơta nđàc Yàng Jesu Krist bol he dê ơm mơ oh mi.#16:20 Gơs dô êt sră cih tê siơ̆u sèng do tềng do, mơya geh bơtơl di lồi sèng 24 hala 27.

Jơnau còp să ală cau bơyô Pol dê

21 # Broă 16:1. Timôthe, la cau bơyô lơh broă bal mơ añ, còp să oh mi; Lusius, Jasôn mơ Sôsipater la cau gơp bơtiàn#16:21 Rct: cau dô ƀòn bal. añ kung behơ̆ sơl. 22Añ la Tertius, cau cih sră pơyoa do, còp să oh mi tòm Yàng. 23#Broă 19:29; I Kô 1:14; II Tim 4:20.Gaius la cau neh wă rò añ mơ wă rò jơh Hìu Jum Goh còp să oh mi. Erastus la cau kwang at bồ đam priă tòm ƀòn dờng, mơ Kwartus la oh mi añ, kung còp să oh mi sơl. 24Dan bơta nđàc Yàng Jesu Krist bol he dê ơm mơ oh mi. Amen.

Jơnau ưnngài

25Jòng ro Yàng Tom Trồ gơs gơnoar lơh kơ̆ nền bơta dòn oh mi dê, jat Jơnau Niam añ bơto yal bơh Yàng Jesu Krist, jat bơta yal tơlik bơta ndơp ndơr la jơnau song, la bơta neh pồn ndơp tòm ală rài yau òr, 26mơya, ngai do jơnau song hơ̆ neh geh ràng tơlik bơh ală sră cau gơnoar hwơr, mơ bơh jơnau sồr Yàng Tom Trồ gam sùm sùm dê, tồ jơh ală làng bol in git, nàng cèng bol khai lòt tus hơ bơta dòn mơ bơta dòn bơr. 27Gơrê mơ mìng dô nă Yàng Tom Trồ jak chài, geh bơta gơklŏ gam sùm sùm bơh Yàng Jesu Krist. Amen.

Currently Selected:

Rôma 16: KPM2018

Highlight

Copy

Compare