Khà Làng Bol Jơnau yal tơnggit
Jơnau yal tơnggit
Sră Khà Làng Bol cih wơl ală bơta neh gơlik gơs gùt dar bơta lòt gùng làng bol Israel dê tòm poan jơt nam bơh tŭ bol khai lik bơh mơnơm Sinai jơl tus di tŭ tus di kơnhwàl nhàr đah mattơngai lik Ù Ho pơgon.
Sơnđan sră neh đơs tus di bơta dờng màng tòm sră do, hơ̆ la broă sền sơwì khà làng bol mơ Môise neh lơh di mơnơm Sinai lài mơ tŭ sơntòm lòt gùng, mơ dô dơ̆ tai di Môap, đah mattơngai lik hiòng Jordan, lòi kòn sau rài tơnơ̆ in. Tòm pah tŭ tơngai digùl bàr dơ̆ sền sơwì khà làng bol, làng bol Israel neh lòt tus Kadesbanea la nhàr đah đơm lơgar Kanaan dê, mơya bol khai ò rgơi guh nàng tòmpìt ai Ù Ho Pơgon bơh tềng hơ̆. Tơnơ̆ mơ tŭ nrah nring tòm kơnhwàl hơ̆, bol khai lòt tus hơ kơnhwàl đah mattơngai lik hiòng Jordan dê, la tiah dô pơnah làng bol ơm tơn tềng hơ̆ mơ khà gam wơl rcang tiă hiòng nàng tòmpìt ai lơgar Kanaan.
Sră Khà Làng Bol yal wơl jơnau làng bol òs gơplơ̆ nùs mơ rngòt ơm di đap bơta kalke. Bol khai guh tòmdră mơ Yàng mơ Môise la cau Yàng sac rwah nàng tề lam bol khai. Sră ràng tơlik bơta dòn song mơ bơta siam ròng Yàng dê làng bol in, bulah bol khai ò wil tơl mơ ò dòn bơr; kung tòm tŭ hơ̆ sră kung đơs bơh nùs kơ̆ nền ơn Yàng in, bulah kung gơs tŭ roh nùs kơ̆ dơn Môise dê gơwèt mơ Yàng mơ làng bol ồng dê.
Cah ală pơnah
Làng bol Israel rcang lik bơh mơnơm Sinai (1:1 – 9:23)
a. Sền sơwì khà làng bol dơ̆ sơnròp (1:1 – 4:9)
b. Ală bơta boh lam mơ bơta lơh nền is (5:1 – 8:26)
c. Pơjum Sa Lòt Gan dơ̆ bàr (9:1-23)
Bơh mơnơm Sinai tus di Môap (10:1 – 21:35)
Ală bơta gơlik gơs tòm Môap (22:1 – 32:42)
Yal wơl gùng lòt bơh Ejiptơ tus Môap (33:1-49)
Jơnau nting sồr lài mơ tŭ tiă hiòng Jordan (33:50 – 36:13)
Currently Selected:
Khà Làng Bol Jơnau yal tơnggit: KPM2018
Highlight
Copy
Compare
Share
Want to have your highlights saved across all your devices? Sign up or sign in
© 2018 United Bible Societies. All rights reserved.