Khà Làng Bol 17
17
Gai jra Arôn dê gơcat sơmbut
1Yàng Jehôwa đơs mơ Arôn lah: 2“Đơs tĕ mơ cau Israel mơ sồr bol khai cèng tus jơt bàr nơm gai jra, kòp nă cau at bồ jơi bơtiàn cèng dô nơm. Cih tĕ sơnđan kòp nă cau hơđang gai jra khai dê. 3Hơđang gai jra Lebi dê gen cih sơnđan Arôn, bơh pal gơs dô nơm gai jra kòp nă cau in at bồ jơi bơtiàn dê. 4Ơn tĕ ală gai jra hơ̆ tòm Sàl Tòm Mat, di đap Đài Bơta Ho Bal la tiah Añ tòm mat mơ mê. 5Gai jra gơrê bal mơ cau Añ sac rwah rơp cat sơmbut, mơ Añ rơp tă sang jơnau yoam joh sùm sùm do tòmdră mơ mê bơh di cau Israel.”
6Behơ̆ Môise đơs mơ cau Israel, mơ ală cau at bồ bol khai dê ai Môise in jơt bàr nơm gai jra, kòp nă cau at bồ jơi bơtiàn bol khai dê dô nơm gai jra, mơ gai Arôn dê ơn digùl ală gai hơ̆. 7Môise ơn ală gai hơ̆ di đap Yàng Jehôwa tòm Sàl Bơta Cơng Tàng dê. 8#Heb 9:4.Àng drim ngai hìng, Môise mut tòm Sàl Bơta Cơng Tàng mơ gŏ gai jra Arôn dê, la gai lơh ala mat hìu nhă Lebi dê, ò di mìng gơcat sơmbut mơya gơlì bơkào mơ gơlik ală plai gus dum. 9Môise cèng tơlik jơh ală gai bơh di đap Yàng Jehôwa ai jơh ală cau Israel in sền gŏ, bol khai sền gŏ ală gai hơ̆, mơ kòp nă cau ai wơl gai he dê.
10Yàng Jehôwa đơs mơ Môise lah: “Ơn tĕ wơl gai jra Arôn dê di đap Đài Bơta Ho Bal, nàng prap gàr lơh gơs dô nơm tềl ală cau jak tòmdră in. Bơta hơ̆ rơp pơndut tơnlồi bơta yoam joh bol khai dê tòmdră mơ Añ, nàng bol khai klàs chơt.” 11Môise lơh jat tòm toh be jơnau Yàng Jehôwa neh sồr khai.
12Cau Israel đơs mơ khai lah: “Bol hi roh rui, bol hi roh rui jơh! 13Cau lơi tus rềp di Hìu Ing Duh Khoai Yàng Jehôwa dê kung rơp chơt. Mơ jơh tơl nă bol hi rơp roh rui ơ?”
Currently Selected:
Khà Làng Bol 17: KPM2018
Highlight
Copy
Compare
Share
Want to have your highlights saved across all your devices? Sign up or sign in
© 2018 United Bible Societies. All rights reserved.
