Lik Ejiptơ 37
37
Lơh Đài Bơta Ho Bal
1Chòp, Bejalel lơh đài mơ chi sitim, jòng dô rhiang jơt sentimet, ơnàng prau jơt prau sentimet, mơ jơnhoa prau jơt prau sentimet.#37:1 hơ̆ la jòng ròt pơgap 1.1 m, ơnàng mơ jơnhoa pơgap 0.7 m. 2Khai ƀềp màh ngan đah dơlam mơ đah bơdìh, mơ tep dô dang che màh gùt dar gơ. 3Khai tŏ poan nơm dơwàng màh di poan jơng gơ dê: bàr nơm di gah do, bàr nơm di gah ne. 4Gen khai mòn ală mơng tùng mơ chi sitim ƀềp bol gơ mơ màh. 5Gen khai tơmut ală mơng hơ̆ tòm ală dơwàng di bàr gah Đài Bơta Ho Bal nàng tùng gơ.
6Khai lơh dô nơm bơnap bơta tơwài glài mơ màh ngan, jòng dô rhiang jơt sentimet, ơnàng prau jơt prau sentimet.#37:6 hơ̆ la pơgap 1.1 m jòng ròt mơ 0.7 m ơnàng. 7Gen khai lơh bàr nơm rùp ceruƀim mơ màh klơn lơho mơ ơn di bàr gah bồ bơnap dê. 8Khai lơh dô nơm ceruƀim di gah bồ do mơ dô nơm ceruƀim tai di gah bồ ne; di di bàr gah bồ khai lơh ală ceruƀim gơđềt bal dô bă mơ bơnap. 9Ală ceruƀim gơs pơnđar gơ pò hơđang, jơm gòm bơnap đài. Ală ceruƀim ơm tòm toh mat, wèt sền di bơnap đài.
Lơh cơnòng ơn piang lă pơdơng
(Lik Ejiptơ 25:23-30)
10Bol khai#37:10 Bol khai: hala khai, tòm ală sèng 11-29 kung behơ̆ sơl. lơh dô nơm cơnòng mơ chi sitim; jòng phàm jơt phàm sentimet, ơnàng poan jơt poan sentimet, jơnhoa prau jơt prau sentimet,#37:10 hơ̆ la pơgap 0.9 m jòng ròt 0.5 m ơnàng mơ 0.7 m jơnhoa. 11mơ bol khai ƀềp gơ mơ màh ngan, mơ tep dô dang che màh gùt dar gơ 12Bol khai kung lơh cơnòng in dô nơm mpàn cang gùt dar, jơnhoa pơgap poan kòn tê, mơ tep dô dang che màh di gơ. 13Bol khai tŏ poan nơm dơwàng màh di poan mum cơnòng, di tiah poan jơng cơnòng dê. 14Ală dơwàng ơn rềp di mpàn cang cơnòng nàng tơmut mơng tùng cơnòng; 15Ală mơng tùng cơnòng lơh mơ chi sitim ƀềp màh. 16Mơ bol khai ngui màh ngan mơ lơh gơs ală phan ngui bal mơ cơnòng, hơ̆ la ală sơlào, ală prềng ơn kơlhô, ală mơngàn, mơ ală gri nàng tuh ală phan ơn pơdơng hùc.
Jơng đèng
(Lik Ejiptơ 25:31-40)
17Bol khai lơh jơng đèng mơ màh ngan klơn lơho; bơh jơng tus di să gơ, ală gri rùp bơkào sơmbut mơ bơkào gen gơtòmđềt bal dô bă. 18Di bàr gah jơng đèng lơh gơs tĕ prau nơm ntê, pe nơm gah do mơ pe nơm gah ne. 19Hơđang prau nơm ntê gơlik bơh di jơng đèng, ntê lơi kung gơs pe nơm gri gơs rùp să gơlơh be bơkào gus, bal mơ ală sơmbut. 20Mơ hơđang jơng đèng kung gơs poan nơm gri gơs rùp să gơlơh be bơkào gus, bal mơ ală sơmbut. 21Dô nơm sơmbut ơm hơđơm dô yô ntê sơnròp jơng đèng dê, dô nơm sơmbut tai ơm hơđơm yô ntê dơ̆ bàr, mơ dô nơm tai hơđơm yô ntê dơ̆ pe; jơh ală la prau nơm ntê. 22Ală sơmbut mơ ală ntê gơtòmđềt bal dô bă mơ jơng đèng, lơh gơs mơ màh ngan klơn lơho. 23Bol khai lơh poh nơm ồs đèng gơ dê, ală kơtrơi koh che brài ồs đèng bal mơ phan ngui ơn bùh gơ dê mơ màh ngan. 24Bol khai ngui dô talơng#37:24 Dô talơng pơgap 34 kg. màh ngan nàng lơh jơng đèng mơ jơh ală phan ngui bal mơ jơng đèng.
Cơnòng duh khoai chu kơlhô
25Bol khai kung lơh dô nơm cơnòng duh khoai mơ chi sitim nàng chu kơlhô, poan mum ring bal, kòp đah jòng poan jơt poan sentimet, mơ jơnhoa phàm jơt phàm; gơs poan nơm ngke gơđềt bal mơ gơ. 26Bol khai ƀềp màh ngan đah hơđang mơ jơh ală gah bal mơ ală ngke; mơ tep dô dang che màh gùt dar gơ. 27Bol khai lơh bàr nơm dơwàng màh hơđơm che màh, bàr nơm đah do mơ bàr nơm đah ne, nàng tơmut mơng tùng. 28Bol khai mòn mơng tùng mơ chi sitim ƀềp gơ mơ màh.
Lơh mơñà bong mơ kơlhô bơlhu
(Lik Ejiptơ 30:22-38)
29 #
Lik 30:22-38. Bol khai kung lơh gơs mơñà sàng goh ơn is nàng bong, kơlhô ƀô bơlhu, hơ̆ la broă cau chài lơh gơs mơñà ƀô bơlhu.
Currently Selected:
Lik Ejiptơ 37: KPM2018
Highlight
Copy
Compare
Share
Want to have your highlights saved across all your devices? Sign up or sign in
© 2018 United Bible Societies. All rights reserved.
