Romans Kanontonkwáh꞉tha
Kanontonkwáh꞉tha
Ne ne Kór Niesakohiatónni Ne Romeʼró꞉nons ne kahiathónkwen nahontahónni tsi nihotenikonrónni ne Kór iasakonatarénase tsi niʼiákon tiakawehtáhkwen ne Rome. Tsi nihotenikonrónni neh꞉ne nikariwésa skát꞉ne ahothihióten ne rotiriwiʼióstons neh non ehʼthóne enhonwasniénon ne Spain non niáre. Neh aoríwa rohiáton neh꞉ne ahanikonraiéntaʼte tsi ronikonraiéntas ne kariwiʼiosthóntsera ne áhonste tsi ronnónnhe ne rotiriwiʼióstons. Kih kahiatónhsera kwáh iekaiataiéri kahawánion tsi nihotrohriánion ne Kór.
Sathontátken nonkwesónha ne tsi ionterennaienthákwa ne Rome ó꞉ni wahsakorohriánion tsi sakoterénnaiennis, Kór wahanikonraiéntatʼte tsi niwáton ne kahiatónhsera; “Ne kariwiʼio watróris tsi ní꞉ioht ne Rawenni꞉io sesakotakwarísions ne ónkwe tsi natehóntere ne rahónha; neh꞉ne tewetákwen ne kwáh tsi tiotásawe tánon tsi ieiótok꞉te” (1.17).
Ehʼthóhʼne ónen ne Kór wahakwatáko nʼoriwasónha. Onkwetaʼkwékon, tetsáron ne Sitaeró꞉nons tánon ne iáh tehathisitaerónons, thóhnathonwentióni nahonsahonatkwatákwaʼse tsi natehóntere ne Rawenni꞉io, kwáh akwékon ne sákat iéken nahosastenserákon ne kariwáneren. Nónkwe ne tiakoriwiʼiosténnis tsi natehóntere ne Rawenni꞉io nahontahonwétakwe ne Ié꞉sos Kerístos. Nʼiáh ne Kór nesahanikonraiéntate náse atónnhes ne tahonateriwasóntereke ne Kerístos neh tkáhas tsi áse ísken tsi natehóntere ne Rawenni꞉io. Ne tiakawetákwen iakóien ne skénnen tsi natehóntere ne Rawenni꞉io tánon ne tiakonerénson ne Rawenni꞉io rahonikónra tsi nòkwa nahosatsʼténsera ne kariwáneren ó꞉ni ne kenhéion. Ne wísk-káton tánon ne satekónhaton naʼteioterihwasonterákwen Kór ó꞉ni ne rotarákwa ne Rawenni꞉io rahoianerénsera ó꞉ni ne nahosatsʼténsera ne Rawenni꞉io rahonikónra tsi iakónnhe ne tiakawetákwen. Ehʼthóhʼne ne raterihwanótha ne wahariwakenhenʼhiónko onʼní꞉ioht tsi ahontasakotenrósten ne Sitaeró꞉nons tánon ne iáh tehatisitaerónons tsi nihotenikonrónni ne Rawenni꞉io tsi nòkwa ne rahoriwasónha nonkwetaʼkwékon akorihwáke. Tsi iahása ne Sitaeró꞉nons tsi ronwakenronníʼon ne Ié꞉sos ne kaientákwen tsi nihotenikonrónni ne Rawenni꞉io onkwetaʼkwékon raiatákta aienten tsi nihotaniténron ne Rawenni꞉io rahonháke ne Ié꞉sos Kerístos, tánon ó꞉ni tawetákwen tsi iáh triokonte ne Sitaeró꞉nons tahonwakenronníhake ne Ié꞉sos. Nonakènka ne Kór sahahiáton onhnahiothónhake ne iakoriwiʼióston tsi aiakónnheke, sénha tsi nòkwati ne kanoronkwátshera tsi nateióntere nakorénsons. Ne wahatkenserákwe tsi naiakohiotenseroténhake tsi nòkwati ne Rawenni꞉io, tsi niʼiakoteriwaiénni tsi nòkwati ne kakorásera ó꞉ni tsi natehóntere, tánon tsi nahionthokáseke. Tsi iahása ne kahiatónhsera rahónhak rahoteriwanotátseras ó꞉ni nowennasónhas ne tahonwanonweráton ne Rawenni꞉io.
Tsi Nikahentenhstánion
Kahenténsthon ne oriwasónha (1.1-17)
Non ontsiakwékon nónkwe teiakothonwentióni ne kaiatakeniátsera (1.18—3.20)
Ne Rawenni꞉io rahoteweiénna ne kenténrat (3.21—4.25)
Ne náse atónnhes rahonháke ne Kerístos (5.1—8.39)
Ne Israerʼró꞉non thonon nihonataténron ne Rawenni꞉io tsi nihotenikonrónni (9.1—11.36)
Tsi naieweiennoténhake ne iakoriwiʼióston (12.1—15.13)
Teiotéson ó꞉ni iateieiáti kanonwerathóntsera (15.14—16.27)
Currently Selected:
Romans Kanontonkwáh꞉tha: MHK
Highlight
Share
Compare
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.