Numbers 34
34
Ne Tsi Karistatátie Ne Ohóntsa
1Ne Roiá꞉ner tahá꞉wenh ne Mahís 2ne tehioteriwasónhteres karihonnienhnítsheras nonhkweshón꞉ʼas Israerʼronónke akorihwáke: “Nó꞉nen iensehwá꞉we ne Canaan, ne tsi ionhontsáien ne tkwawíre, nenhkaristhatátsieke ne sewanakeráseras né꞉ne kenhiotiétons. 3Nenhtiéne nokwáhti nienhénwe thóh tenhtewaténhti ne karakonhkó꞉wa ne Zin nónhwe enhiósehre tsi karistatátie ne Edom. Thóh entewatáhsawenh tsi tkarakwínekens nokwáhti né꞉ne entiéne tsi iehiótʼte ne Dead Sea. 4Ethóne entiène nienhtsiotsierátonke tsi nienhénwe ne Akrabbim Pass tánon ienkakónhthakwe tsi nieiawénon ne Zin kwáh tsi nióre nenhtiéne ne Kadesh Barnea. Ethóne othoréke nienhénsewe né tsi iatewatʼsénhthos nokwáhti ne Hazar Addar tánon ethòne Azmon nókwah nienhénsewe, 5Thóh nónhwe ienskakahrenhráko thóh niénhsewe Nahonrákwahkon ne tsi karistatátie ne Egypt tánon thóh nónhwe iatenhká꞉tahne ne Mediterranean.
6“Né꞉ne tsi iatewatʼsénhthos tkaristhatátie né Mediterranean Kaniatarakheʼkówa.
7“Nothoréke karisthatátie enhiósere ne asherí꞉ie né꞉ne tsi nitsiawénon ne Mediterranean tsi nióre ne tsi Ionónhte ne Hor 8tánon thóh thentewatásawen tsi nióre ne Hamath Pass. Kwáh ienkakónhthakwe Zedad niénhenwe 9tánon Ziphron nienhénsehwe, tánon thóh iathenhká꞉tane ne Hazar Enan.
10“Né tsitkarakwínekens karisthatátie ne enhiósehre naserí꞉ie tsi nitsawénon ne Hazar Enan tsi nióre ne Shepham. 11Kwáh ethòne entiéne nienhénsewe tsi nióre ne Harbel, né꞉ne tsitkarakwínekens nokwáhti ne Ain, tánon tsi hionhnontarónnions nienhénsewe né꞉ne tsitʼkarakwínekens atsakʼtónhtie tsi kaniátaro ne Galilee, 12ethòne entiéne enhiósehre ne Jordan Kaniataratátie tsi nióre ne Dead Sea.
“Né kí꞉ken ne kaiéri ní꞉konhs tsi karisthatáties ne tsonhontsasónhas.”
13Káti ne Mahís washakawénhase NʼIsraerʼró꞉nons, “Né kí꞉ken nonhóntsa nenhsewaiéna tsi enkawasthótshionhke, né nonhóntsa ne Roiá꞉ner teshakówi ne tióhton tshiaʼtesewasénhnon nihotiʼtiókwahkes. 14Né rahotiʼtiókwas ne Reuben tánon ne Gad tánon ne tsitʼkarakwínekens nokwáhti asénhnon ne Manasseh rotiʼienáhon ne rahotiʼienhtátshera, tekahiakhónhnion né tiohianénha tsi nihatiʼwatsírakes, 15né tsitʼkarakwínekens nokwáhti ne Jordan, tehiotiná꞉ta ne Jericho.”
Né Shaʼkotihenténhse Né Ronaterihwaiénhni Ne Tahathihiakhónhnion Nonhóntsa
16Ne Roiá꞉ner wahawénhase ne Mahís, 17“Ne Eleazar ne ratsihénstatsi tánon ne Joshua né roʼní꞉ha né꞉ne Nun né tenshaʼkohiakhónhase nonhóntsas nonhkweshón꞉ʼas. 18Tánon saiáta ne sakohenténhse iatsiaténhaf nahatsʼniénon tsi tenhkaiakhónhnionke.” 19-28Né kí꞉ken ne ronhnónhkwe ne Roiá꞉ner washaʼkohiatarakwenháton:
| Kentiókwa | Sakohenténhse |
|---|---|
| Judah | Caleb né roʼní꞉ha né꞉ne Jephunneh |
| Simeon | Shelumiel né roʼní꞉ha né꞉ne Ammihud |
| Benjamin | Elidad ne roʼní꞉ha né꞉ne Chislon |
| Dan | Bukki ne roʼní꞉ha né꞉ne Jogli |
| Manasseh | Hanniel né roʼní꞉ha né꞉ne Ephod |
| Ephraim | Kemuel né roʼní꞉ha né꞉ne Shiphtan |
| Zebulun | Elizaphan ne roʼní꞉ha né꞉ne Parnach |
| Issachar | Paltiel ne roʼní꞉ha né꞉ne Azzan |
| Asher | Ahihud né roʼní꞉ha né꞉ne Shelomi |
| Naphtali | Pedahel né roʼní꞉ha né꞉ne Ammihud |
29Né kí꞉ken ne ronhnónkwe ne Roiá꞉ner sakohiatarákwen ne taʼshakotiʼhiakhónhase ne kaientátsheras nonhkweshón꞉ʼas NʼIsraerʼró꞉nons ne tsi ionhontsáien ne Canaan.
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.