Matthew 7
7
Tsiatak-haton nateioteriȣasonterakȣen.
1Tosa tesheiatoret nenserheke tosa taiesaiatorete.
2Aseken, ok eh nentsiesaierase tsinensheierase; oni tsi ontsiehsatenienthase nensheiatenienthase
3Oh nah oni niiaȣens tsi sattokas onaonskeri rokarisenne tsiatatekenha, iah nise tesattokas ok iateiohnaharohare sakarisen,
4Ok neʼsʼ nasiron: niare tanon tiatateken skohkosakarisen onahonskeri; nok nise nikaronta ne sakarisen.
5Onkȣetaksenskȣa! neh niare sasoko nise sakarisen, ethone ensaterientisake oh nasiere aonsasoko ne tsiatatekenha rokarisen onaonskeri.
6Tosa erhar ietsiiatiens noriȣatokentison, tosa oni ne kȣiskȣis ietsiiatiens ne seȣanekorha; iotteront ne takonskȣaseronkȣate nok aietsiiatakari.
7Seȣariȣanonton nok enhietsiion; Seȣesak nok enseȣatsenri; seȣannhontishon nok enhietsinnhotonkȣase.
8Aseken ronȣaȣis ne rariȣanontons; ratsienries ne resaks; ronȣannhontonkȣenni ne rannhohaiaks.
9Onka nah neh nonȣa nʼonenhia ahontahaon ne roienha ne kanatarok ahoriȣanontonse.
10Nok ne kentsionk enhariȣanonton oniare ontekenh henthaon?
11Tokat nonȣa ise ne tsionkȣetaksenhokonha eh niiore tsi seȣakȣenion nʼioianere aontaietsiion ne ietsiienhokonha; okkati onte akȣat niiot ne Karonhiake Tetsiseȣaniha tsi entesakaon tsiniiakon ronȣariȣanontonni I
12Tsini tesaskaneks naiesaierase ne tkariȣaieri, etho oni nise naseieras; aseken eh nikaianerenseroten eh oni nihotirihoten ne Rotitokensehakȣe.
13Tatsiataȣeiat tsinonkati nikannhohaha; aseken ne Kannhohoȣanen oni teiohahakaron oneson iakoiatenhaȣitha; Kentiokoȣanen oni neh nitiens,
14Aseken nikannhohaha niiohaha oni ne Karonhiake iakoiatenhaȣitha; kenh oni niiakonha ne ietsenries.
15Seȣatatenikonrarak kati, enhietsiiatorenne ne rotitokensetseraksens, teiotinakarontonha enhohnatiatontakȣenhatie, nese naoskon Okȣaho oni tsini hatinenskȣas.
16Ratiȣeiennake kati entietsiienterestakȣe. Kanenharaniiontha kenhnaha nohiktake, Katen ȣison honionȣarake aonhianiionthake?
17Nese ȣahi ne karontiio ȣahiio ki ne ȣaianiiontha; tsikiniiot ne karontaksen ȣaiaksenki ȣaianiiontha.
18Iah nonȣenton ȣaiaksen tiiaonhianiionten ne karontiio; tsikiniiot ne karontaksen, iah ki teȣaianiiontha ne ȣahiio.
19Tsinikarontake nʼiah teȣaianiiontha ne ȣahiio, enkaiakon nok otsirake enȣation.
20Ratiȣeiennake kati ok entiseȣaientereste.
21Tsiniiakon ne ionkennis: Seȣenniio! Seȣenniio! iah tehontaȣeiatane ne Karonhiake; neok tanon ne ronikonraieriton ne kakeniha karonhiakon thenteron.
22Kentiokoȣanen enhionkenhase nʼethone teȣenniserate: Seȣenniio! Seȣenniio! iah kenh naha ise tesasennakon tsi ionkȣatokensehakȣe? iah oni kenh ise tesasennakon tetsiakhiiatekȣatanion nʼonatkonse-raksens? iah oni ken ise tesasennakon niatekon ioriȣanerakȣatenion tsiniionkȣaieranion?
23Ethone tanon nii onen tentekheienhase; iah nonȣenton tetkȣaienterine ehren kati iseȣet tsi nonȣe nikiteron, ise ne seȣariȣaneraakskonkoȣa.
24Onkakiok rothonte tsinahoten katon, nok enhateȣeienton, neh tenthiiatenientenste ne ronkȣe oststenrake rotenonsonni;
25Enhiokennore, nok etho tenhiohnonke nenkanaȣaronnionne, tenhioȣeratase oni, iah othenon taiaȣenne aseken ioniron tsi kentskȣahere.
26Nok tanon nonȣa ne rothonte tsinahoten katon nok iah tahateȣeienton, neh tenthiiatenientenste, ne iah tehonikonra onesaronkȣake rotenonsonni.
27Nok nentiokennore, etho tenhiononko nʼoneka, tentioȣeratase oni, enkanonsienenne akȣa ihken ionerakȣat tsi enȣatkenrenseronni.
28Akȣa ihken ionerakȣat tsi ȣahakohnorakȣenhaton tsinihoianerenseriio nonen sasakotatiasi,
29Aseken eh ki nitiotte tsi sakotatis tsinihosaststensera, nok iah tsinihatiierha ne ratiiatons.
Currently Selected:
Matthew 7: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
