Matthew 14
14
Kaierihaton-iaȣenre Teioteriȣasonterakȣen.
1Ethone ne Ronontiio Herod ȣahosennaronke ne Iesos:
2Nok ȣasakaȣenhase ne raosennaokon: Saȣatis ȣahi shotonnheton; nese ȣaonni rahaȣe ne Kakȣeniat ne ioriȣanerakȣat tsi nahaiere.
3Aseken raonha Herod rotennhaonne ronȣannhotonkȣe ne Saȣatis, Herodias ahoriȣa, neneh iatatekenha Philippe ronekȣe.
4Ne tsi raȣennihakȣe ne saȣatis; ȣatiaȣenre ne neh asatatenakonnien.
5Akȣa thoianerasehakȣe nahatennhane ahonȣario; kenh ki tanon nonkati ieshatsaniskȣe ne tsi akȣekon ok nonkȣe tiakaȣetakonne tsi Rotokense ne Saȣatis.
6Enskat kati tsi rotenniote ne ronontiio Herod, tsi niieskaes tsinihonakeraton, Kanonsihen ȣatkanonniakȣe ne Erodias akoienha, nok thahaȣerientiio ne Herod.
7Nese ȣaonni akȣa ȣahariȣanirate akȣekon enron, tsi nahoten, tsi oni nikon akariȣanonton.
8Niare ionsaionikonraien nonistenha, ethone ononȣakenron: Akeratne aontakaratie tsi askon nonȣa ne Saȣatis raonontsi.
9Ȣahonikonraksen ne ronontiio; nok ki tanon neh tsi rotateȣennaniraton, oni tsi ronathontenion nenskatne ronatekȣahere, ȣahatennhane kati naontakonhion.
10Nok iashakotori ȣahonȣaniariakha ne ȣaȣatis tsi nonȣe tannhotonkȣe.
11Nok akeratne karatie nʼonontsi, takonhion ne Kaiatase, nok onistenha ionsaiahon.
12Eh ȣahonneȣe ne raotiokȣa ionsahatihaȣe, oni ȣahonteȣeienton ne raoieronta; nok ȣahonȣaroriana ne Iesos,
13Sahariȣaronke ne Iesos ehren sarete neh nonȣe kaonȣakon ȣahatita, eh nonȣe niiahare tsi nonȣe raonhaa iakenhake, nok nonen saheriȣaronkanion, taiontentionko naktatiesonha kanataienton nok ȣaonȣasere ehtakesson niiahahen,
14Nok sontahatitako ne Iesos kaonȣakon, iotiokȣatsani Sasakoken, nok ȣahonikonkararen raotanitenraserakon, nok sasakotsentanion ne iakohnonȣaktanionni.
15Nok nonen siiokarahane, ȣahonȣaiatorenne ne raotiokȣa, nok ȣahonniron: Karhakon ȣahi iteȣes, onen oni ontenniserokten; tonsassheiareniat kati, oni taonsaionreni tsi kanonsoton, aieninon oni niieks.
16Tontahenron ne Iesos, iah tateiotonȣentsiohon naonsaiontenti, ise tanon ietsiion niieks.
17Nok tontahonniron: ȣisk ok nikanatarake ionkȣaien tanon tekentsiake.
18Nok tontasakaȣenhase, kaseȣahaf kihasa.
19Nok neh tahatierente ȣasakorori nonkȣesonha nʼohontake aiontien, ȣatrakȣe ne ȣisk nikanatarake oni ne tekentsiake, nok Karonhiake iahatkatho ȣathononȣeraton Niio, ethone ȣathanatariakhon nok raotiokȣa tasakaon nok ionsasakotiiakhonhase.
20Nok akȣekon ȣationstskaon ȣahakotane oni; nok tekeni iaȣenre niȣatherake sakanane ne iotatenronokonha.
21Neh nahoton ne ȣisk niȣenniaȣehetserasen niionkȣetake ȣationstskaon iah teȣaseton ne tsionnthon ȣisen iah oni neksaokonha.
22Akȣa neok onteȣeiennentane oksaok ne Iesos ȣasakorori ne raotiokȣa, Kaonȣakon ahonsahontita nok ahonsahontatiteronna ihsi nakaniatarati tsinikariȣes ne raonha tensesakoreniate nonkȣeokon.
23Nok nonen sahaȣeiennentane tonsasakoreniate, onontoharake niiahare tsinonȣe raonhaa akenhake, aontiesenhake tsi ahaterennaien; sekon etho nires onen taiokaraȣe.
24Kenh kaien ne kaonȣeia, onȣarok onte Kaniatarhen nateȣanistskarontaȣetane, aseken thotiȣerokaton.
25Nok onen siiorhenhonhatie, sasakononterane ne Iesos, onekakesson ihre.
26Nok ne raotiokȣa, ȣahonȣaken onekakesson ihre, ȣahonateronhienten ȣahonniron oni: ȣahonkȣatianeronne akȣa oni ȣathotihenrete tsi nahotiteronne,
27Akȣa ok tanon iononteratietane iahatati ne Iesos, nok ȣahenron: skennen seȣanontonnionhek; iise: tosa Kati othenon seȣateronn.
28Nok Tier Iahatati; ȣahenron: Saianer! neneh ise enkenhake, tsiron Onekakesson niieke iekef tsi tesete.
29Nok tahenron; kasts, nensok ne Tier tahatitako onekakesson niiahare tsi itrate ne Iesos.
30Nok tanon ȣahatsanike tsini ionontoȣanens ionontakȣarontonties, onen ok oni siiahoiatenhonhatie, ȣathohenrete kati ȣahenron: Saianer! takiatakennha.
31Nok tontahatsiatate ne Iesos nok ȣahoiena, ȣahenron: Sonkȣe sanikonrasto, ohniiotieren tsi ȣasatennoȣente?
32Akȣa neok saiatita kaonȣakon oksaok ȣatkaȣeriiake.
33Ethone oni onen ne kaonȣakon ratiiatit ȣahonȣaiatorenne rontonne: tiakariȣakenniate Niio ȣahi Iaienha.
34Ionsahonrarho ihsi nakaniatarati, ionsahonneȣe tsi ȣatonȣentsiate ne Genesaret.
35Tsiniiore iahonȣaienterene nʼetho ratinakere, ȣathontoriȣareniate tsi ienakerenion naktatiesonha, nok eh ȣaontatiatheȣe tsiniiakon ne iakonnrarakȣe.
36Nok ronȣanekennihakȣe nasakaon arahonaʼsʼ enʼsʼ neok oni tsi totkakȣathon ne raotiataȣi iaieiena; tsiniiakon ne konniieiakoieren saieieȣentane.
Currently Selected:
Matthew 14: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
