Matthew 1
1
Oriȣatokenti Tsinihoiaton ne Roiataiokenti Ȣatio.
1KENH Kaiaton tsinithotenekȣensinon ne Iesos-Keristos, David roienha, Abraham roienha.
2Abraham roienha ne Isaak; Isaak roienha ne Jacob; Jacob roienha ne Judah tanon ne rontatekenhokonha.
3Juda roienha ne Phares oni ne Zara Thamar roteȣe-tonni; Phares roienha nʼEsron, Esron roienha nʼAram.
4Aram roienha nʼAminadab, Aminadab roienha ne Naasson; Naasson roienha ne Salmon.
5Nok ne Salmon roienha ne Booz Rahab roteȣetonni Booz roienha nʼObed, Rut roteȣetonni; Obed roienha ne Jesse.
6Nok ne Jesse rohnontiio David roienha; David ronontiio roienha ne Salomon, Urikenha rone roteȣetonni.
7Nok ne Salomon roienha ne Roboam, Roboam roienha nʼAbias; Abias roienha nʼAsa.
8Nok nʼAsa roienha Josaphat, Josaphat roienha ne Joram, Joram roienha nʼOsias.
9Nok nʼOsias roienha ne Joathan, Joathan roienha nʼAchaz, Achaz roienha nʼEzechias.
10Nok nʼEzechias roienha ne Manassé, Manassé roienha nʼAmon; Amon roienha ne Josias.
11Nok ne Josias roienha ne Jakim, nonen Babylonke ȣiiaonȣatinaskȣenhasere, nihoȣiraientaon ne Jakim nehne Jechonias tanon ne rontatekenhokonha.
12Nok nonen siiehonȣatinaskȣenha Babylonke nihoȣiraientaon ne Jechonias nehne Salathiel; Salathiel roienha ne Zorobabel.
13Nok ne Zorobabel roienha nʼAbiud; Abiud roienha nʼEliacim; Eliacim roienha nʼAzor.
14Nok nʼAzor roienha ne Sadok; Sadokroienha ne Achim nok nʼAchim roienha ne Eliud.
15Nok nʼEliud roienha ne Eleazar, nok nʼEleazar roienha ne Matthan, Matthan roienha ne Jacob.
16Nok ne Jacob roienha ne Sose nʼOnȣari rone nok aonha ionkȣateȣetonni ne Iesos-keristos ronȣanatonkȣen.
17Kentho kati kahiaton tsinikon teiotereseranet. Kaieri iaȣenre teiotereseranet tsinatehiatere nʼAbraham tanon ne David; Etho tsiotasaȣe tsiniiore Babylonke siiaonȣatinaskȣenhaȣe Kaieri oni nehneh iaȣenre nateiotereseranet; Etho are tsiotasaȣe Kaieri are nehneh iaȣenre teiotereseranet tsiniiore niiehonakeraton ne Iesos-Keristos.
18Kenh niiaȣenhon tsi ronakeraton ne Iesos-Keristos: Onȣari ne ronistenha, Sose ronȣatiniaktenhni; ok taontierentsi onen oia niionnhoten, areko ok ohseronni siniteron eh nithoteȣeiennonni ne Rotkon-Roiatato Kenti.
19Nese ȣaonni ne rone, Sose tsinihoriȣakȣarision ȣarere senha ioianere notasetonkeha taha teȣentete tsiniiot nahatehate.
20Nok tanon sekonok nehe nihanontonnionskȣe, Raronhiakeronon ȣahotehtsaten, nok ȣahaȣenhase: Sose, David iaienha, tosa tesanonhianik ne taesoniiasehake ne teseniteron: Kahtiken onkȣe eh niiakoieren, Rotkonse Roiatatokenti roiatonni ne kaiatakon raiatat.
21Nok roskenraketa enkenhake nenhioȣiraientane; Iesos enhtsenatonkȣe: Asekenraonha sariȣatontane ne kariȣaneren.
22Neh ȣahonni etho nahaȣenseron nahoȣennaierite ne Niio, Rotitokensehakȣe ronȣaȣennakaratatskȣe, ratonhakȣe:
23Iah tekanakȣaienteri nenhioȣiraientane; Emmanuel enhonȣanatonkȣe; neh sakat naiahiron Niio teȣakȣekonhatie.
24Aksekon ȣahariȣaierite tsinithotati ne Raronhiakeronon nonen Sonsahaie ne Sose, ok Skennen tatonsaharhoton ne rone.
25Nok ki tanon iah othenon tehaieren tsiniiore iarennakerate ne takoȣanen roienha; nok Iesos ȣahonatonkȣe.
Currently Selected:
Matthew 1: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.