Leviticus 4
4
Ne Iatekarihwaiéstons Ne Iáh Tehiakotenikonhrónhni Kariwanerahákʼtsheras
1Ne Roiá꞉ner wahorihónten ne Mahís 2nashakoró꞉ri nonhkweshón꞉as Nisraerʼró꞉nonhke nónhwe enierihwánerahke tánon ne thènnen taiéhiake ne Roiá꞉ner rahorihwatátʼtseras né iáh tiehiakoiéren, ónenk tsi enhiontenhnikonhráren ne kén hiotsetons kaianerénseras.
3Tó꞉ka né꞉ne kwáh éhʼneken tót꞉the ratsihénsthatsi wahariwánerake tánon taháhaʼwe nashakorihwároh nonhkweshón꞉as, ónenk tsi ienhót꞉kaʼwe ken nithohiónha tionhnónskwahron rátsinn né꞉ne iáh othènen tehotsihióha tánon ne enhoteskónhten rahohénton ne Roiá꞉ner né tsi rorihwanerenhákskon. 4Ónenk tsi ienhohiaténhaʼwe ne tsionónhskwahron rátsinn ne tsi iehiontawehiatákwah natóhsehra, ranonhtsíne tenhonisnonhsáren, tánon enhononhwariákon rahohénton ne Roiá꞉ner. 5Ehʼthóhʼne ne kwáh éhʼneken tót꞉the ne ratsihénsthatsi ostónha ienháhaʼwe ne tsionónhskwahron rátsinn raonekwénhsa tánon ienhahiónthe natohsehrákon. 6Onekwenhsáke iatenhanisnonshó꞉we tánon tenhatstharokwahthánion ne ohénton tsi ioniatharenhtónnions ne iotokéntis tsáta nienwáteratsʼthe. 7Ethòne ostónha enhanekwenhsaró꞉sehrons tsi ioshón꞉tons ne kaiéri níkons ne tsi ieiothioshaʼthónhnions tsi hionhtsienkwahronhniathákwa ne ietsienharákwahke natohsehrákon. Tánon akwékon ienhashá꞉hate tsi ienhanekwenhsaweron tsitkarate ne ietsienharakwah né꞉ne ronstha nakonwaná꞉teskonten katʼtsenens, né꞉ne tsi iehionthawehiathakwah nónhwe niká꞉ien. 8Né kíʼ ken tsiononskwahron rátsinn akwé꞉kon ienhahá꞉we ne iorèsenhs, né꞉ne iorèsenhs ne rahiáthakons ioranenhtátkons, 9né ostsiésehris tánon ne iorèsenhs ioranenhttátkons, tánon ne kwáh ioiánere notwénhson. 10Ne ratsihénsthatsi ienháhaʼwe kí꞉ken iorèsenhs tánon thóh enhá꞉tsahathe tsi konwanateskontákwah ne katshénens né ietsienharákwahke, kwáh kíʼ tsi nihahiéra ne iorèsenhs né konwanawénkton katshénens tsi nòkwah ne sakaríhwa íken. 11Ók kíʼ ienháhaʼwe ne kaʼnèhonk, akwékon nowáron, nonónhtsi, nosínas, tánon ne kahiathakónsons ahowenhsónhas, kenikwékon nokaróstha, 12Akwékon ástste nienháhaʼwe ne tsi nónhwe niwatosehróthe thóh nienháhaʼwe tsi nónhwe ne iotkwéniens iehiakotietákwa ne wakenronhtákwen, tánon thóh nónhwe nenhátsahate ne oientháke.
13Tó꞉ka kanenhrakwékon Nisraerʼró꞉nonhke ierihwáneraks tánon wahonthatsiatatʼtsénhri tehatíhias ne Roiá꞉ner rahorihwatátʼtsheras né꞉ne iáh tsiatehonanonhthonhniónhon, 14ethòne kwáh tsi niostó꞉re ne kariwáneren tsi enwaterihotási, nonhkweshón꞉a tsionónhskwahron owíra rátsinn enthonwahiaténhaʼwe né iahontkáwen tsi nòkwah ne karihwáneren ahorihwáke. Eh nienhatíhaʼwe rahotosehrákon ne Roiá꞉ner tsi nónhwe nihénteron; 15ne shakotihéntense nonhkweshón꞉as tenhonwaniʼsnonhsáren ranonhtsíne, tánon thóh enhonwanonhwariákon. 16Ne ratsihenstowánen ostónha tsionónskwahron rátsinn raonekwénhsa atohsehrákon nienháhaʼwe 17iaʼtenhanisnonhsóh꞉we, tánon tehatsʼtharokwahthánion tsi ioharénhtons tsáta nienwáterasthe. 18Thóh enhanekwenhsarósehron ne tsi ioshón꞉tons ne kaierihníkon tsi tekahiósaiens ne tsi ionhtsienkwaronhniatákwa ne ietsienharákwahke ne kanónskon ne tsi watohsehróthe tánon ne ioʼtenenhkwenhsathaténhron thóh né ienháweron tsi tkenskwáhere ne ietsienharákwa né꞉ne rónstha nashakonateskónhten katshénens, né꞉ne tsi iehionthawehiatákwa natóhsehra nónhwe nikáien. 19Ethòne akwékon ne iorèsenhs ienháhaʼwe tánon ientsienharákwahke enhát꞉tsahate. 20Kwáh kíʼ thóh nenhoiéraʼse kí꞉ken tsionónskwahron rátsinn tsi kíʼ nhishaʼkoiéraʼse ne tsionónskwahron ratítsinn tsi nòkwah ne karihwáneren ahorihwáke, tánon thóh kíʼ nʼi꞉ioht tsi enhateskónhten tsi nókwah nonhkweshón꞉as akorihwanerahákʼtsheras, tánon enshonwatiʼnikónhrenhse. 21Ethòne ástste tsi watóhsehrothe nienhohiaténhaʼwe ne tsionónskwahron rátsinn tánon enhát꞉tsahathe, kwáh kíʼ tsi nihatʼtsahátha ne tsionónskwahron rátsinn ne rahónʼa rahorihwanerahák꞉tshera. Né kíʼ ken ne iewatkháwen nahéren ahonsakaháwiʼthe nonhkweshón꞉as akorihwanerahát꞉tshera.
22Tó꞉ka rakóra waharihwánerake tánon wahó꞉nhike tsi watháhiake nénska ne Roiá꞉ner rahorihwatátʼtsheras né꞉ne iáh tehonikonhrónhni, 23ethóhʼne kíʼ kwáh tsi niostó꞉re ne karihwáneren tsi enhonwarihwahéraʼse, ónenk tsi kahiatákeras ienhót꞉kaʼwe né꞉ne kwáh iáh othènen tehotsihiótare. 24Ranonhtsíne tenhoniʼsnonhsáren tánon othoréke nòkwah ne ietsienharákwahke enhononhwariákon, tsi nónhwe ne katshénens nikonhwatiʼnonhwarhiákons naʼkonhwanateskónhten. 25Ne ratsihénsthatsi iatenhanisnónhsohʼwe raonekwenhsáke ne katshénen, tánon thóh enhanekwenhsaró꞉sehron tsi ioshióntons ne kaiéri níkons tsi tekaʼiósaiens ne ietsienharákwahke, tánon nenhiotenekwenhsatáteʼre ehʼienháweron tsitʼkenskwáhere ne ietsienharákwah. 26Ethòne akwékon ietsienharákwahke enhá꞉tsahate ne iorèsenhs, tsi kíʼ nihaiéra tsi ratʼtsahátha ne iorèsenhs ne konwanawénkton ne katshénens né skaríhwa aorihwáke. Thóh kíʼ ní꞉ioht ne ratsihénsthatsi tsi ienháthaʼte ne karihwiʼiosehokónhas né꞉ne rakóra raorihwanerahák꞉tshera aorihwáke, tánon kíʼ enshonkwahnikónhrenhse.
27Tó꞉ka ónhkak tsi nítsion ensewarihwánerake tánon ensewánike ne tsi tesewahiákon ne Roiá꞉ner rahorihwatátʼtsheras né꞉ne iáh tesewanikonhrón꞉ni, 28ethòne kíʼ tsi niʼiostó꞉re enietʼtsirihwahéraʼse, entisewahiaténhaʼwe nitsiohiónha kahiatákeras oné꞉tsien né꞉ne kwáh iáh othènen tshiotsihiótare né iensewákʼkhaʼwe. 29Ónenk tsi kanonhtsíne tensewanisnonhsáren tánon ensewanonhwariákon othoréke nòkwah ne tsi ietsienharáhkwah, tsi nónhwe ne katshénens nikonhwatinonhwarhiákons nakonhwanateskónhten. 30Ne ratsihénsthatsi iatenhanisnónhsohwe raonekwenhsáke ne katshénen, tánon thóh enharó꞉serons tsi ioshióntons ne tsi tekhahiosakérons ne kaiéri níkons ne ietsenharáhkwahke, tánon nenhiotátere thóh entʼtháweron tsitkárate ne ietsienharáhkwa. 31Ethòne akwékon enharákewe ne iorèsenhs, kwáh kíʼ tsi ní꞉ioht tsi karahkéwen ne iorèsenhs ne katshénen tsi konwanonhwarhiákon né skaríhwa aorihwáke, tánon ietsienharáhkwahke enhátʼtsahate né꞉ne tahonserateníhon nahawerientiʼiósthaʼkwe ne Roiá꞉ner. Thóh kíʼ ní꞉ioht ne ratsihénsthatsi tsi ienháthate ne kariwiʼiosehokónhas né rónhkwe raorihwáke, tánon kwáh kíʼ ensonhwanikónhrenhse.
32Tó꞉ka teiotinakaronhtónʼa enteshiaténhaʼwe ne iahontkáwen né꞉ne karihwáneren aorihwáke, ónenk tsi oné꞉tsien enkénhake né꞉ne kwáh iáh othènen tehiotsihiótare. 33Ónenk tsi kanonhtsíne teshanisnonhsáren tánon othoréke nòkwah ne ietsienharákwahke ensenonhwarhiákon, tsi nónhwe ne katshénens nikonhwatinonhwarhiákons naʼkonwanateskónhten. 34Ne ratsihénsthatsi iatenhanisnónhsóh꞉we nahonekwásaʼke ne katshénen, tánon thóh enharó꞉seron tsi ioshióntons ne ietsienharákwah né꞉ne tsi tekahiosakérons ne kaiéri níkons, nenhiotenokwenhsathátere thóh entʼtháweron tsitkárate ne ietsienharáhkwah. 35Ethòne akwékon enharónhko ne iorèsenhs, kwáh kíʼ tsi kíʼ karakèwen ne iorèsenhs tsi nikonhwanonhwarhiákon ne teiotinakaronhtónʼa né꞉ne sakaríhwa aorihwáke, tánon ietsienharákwahke enhátʼtsahate skátke ne ká꞉khwas ne iewatkáwen né thonwáwi ne Roiá꞉ner. Thóh kíʼ ní꞉ioht ne ratsihénsthatsi tsi ienháthate ne karihwiʼiosehokónhas né꞉ne sewarihwanerahák꞉tsheras aorihwáke, tánon kíʼ kwáh entsiʼtsinikónhrenhse.
Currently Selected:
Leviticus 4: MHK
Highlight
Copy
Compare
Share
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
Leviticus 4
4
Ne Iatekarihwaiéstons Ne Iáh Tehiakotenikonhrónhni Kariwanerahákʼtsheras
1Ne Roiá꞉ner wahorihónten ne Mahís 2nashakoró꞉ri nonhkweshón꞉as Nisraerʼró꞉nonhke nónhwe enierihwánerahke tánon ne thènnen taiéhiake ne Roiá꞉ner rahorihwatátʼtseras né iáh tiehiakoiéren, ónenk tsi enhiontenhnikonhráren ne kén hiotsetons kaianerénseras.
3Tó꞉ka né꞉ne kwáh éhʼneken tót꞉the ratsihénsthatsi wahariwánerake tánon taháhaʼwe nashakorihwároh nonhkweshón꞉as, ónenk tsi ienhót꞉kaʼwe ken nithohiónha tionhnónskwahron rátsinn né꞉ne iáh othènen tehotsihióha tánon ne enhoteskónhten rahohénton ne Roiá꞉ner né tsi rorihwanerenhákskon. 4Ónenk tsi ienhohiaténhaʼwe ne tsionónhskwahron rátsinn ne tsi iehiontawehiatákwah natóhsehra, ranonhtsíne tenhonisnonhsáren, tánon enhononhwariákon rahohénton ne Roiá꞉ner. 5Ehʼthóhʼne ne kwáh éhʼneken tót꞉the ne ratsihénsthatsi ostónha ienháhaʼwe ne tsionónhskwahron rátsinn raonekwénhsa tánon ienhahiónthe natohsehrákon. 6Onekwenhsáke iatenhanisnonshó꞉we tánon tenhatstharokwahthánion ne ohénton tsi ioniatharenhtónnions ne iotokéntis tsáta nienwáteratsʼthe. 7Ethòne ostónha enhanekwenhsaró꞉sehrons tsi ioshón꞉tons ne kaiéri níkons ne tsi ieiothioshaʼthónhnions tsi hionhtsienkwahronhniathákwa ne ietsienharákwahke natohsehrákon. Tánon akwékon ienhashá꞉hate tsi ienhanekwenhsaweron tsitkarate ne ietsienharakwah né꞉ne ronstha nakonwaná꞉teskonten katʼtsenens, né꞉ne tsi iehionthawehiathakwah nónhwe niká꞉ien. 8Né kíʼ ken tsiononskwahron rátsinn akwé꞉kon ienhahá꞉we ne iorèsenhs, né꞉ne iorèsenhs ne rahiáthakons ioranenhtátkons, 9né ostsiésehris tánon ne iorèsenhs ioranenhttátkons, tánon ne kwáh ioiánere notwénhson. 10Ne ratsihénsthatsi ienháhaʼwe kí꞉ken iorèsenhs tánon thóh enhá꞉tsahathe tsi konwanateskontákwah ne katshénens né ietsienharákwahke, kwáh kíʼ tsi nihahiéra ne iorèsenhs né konwanawénkton katshénens tsi nòkwah ne sakaríhwa íken. 11Ók kíʼ ienháhaʼwe ne kaʼnèhonk, akwékon nowáron, nonónhtsi, nosínas, tánon ne kahiathakónsons ahowenhsónhas, kenikwékon nokaróstha, 12Akwékon ástste nienháhaʼwe ne tsi nónhwe niwatosehróthe thóh nienháhaʼwe tsi nónhwe ne iotkwéniens iehiakotietákwa ne wakenronhtákwen, tánon thóh nónhwe nenhátsahate ne oientháke.
13Tó꞉ka kanenhrakwékon Nisraerʼró꞉nonhke ierihwáneraks tánon wahonthatsiatatʼtsénhri tehatíhias ne Roiá꞉ner rahorihwatátʼtsheras né꞉ne iáh tsiatehonanonhthonhniónhon, 14ethòne kwáh tsi niostó꞉re ne kariwáneren tsi enwaterihotási, nonhkweshón꞉a tsionónhskwahron owíra rátsinn enthonwahiaténhaʼwe né iahontkáwen tsi nòkwah ne karihwáneren ahorihwáke. Eh nienhatíhaʼwe rahotosehrákon ne Roiá꞉ner tsi nónhwe nihénteron; 15ne shakotihéntense nonhkweshón꞉as tenhonwaniʼsnonhsáren ranonhtsíne, tánon thóh enhonwanonhwariákon. 16Ne ratsihenstowánen ostónha tsionónskwahron rátsinn raonekwénhsa atohsehrákon nienháhaʼwe 17iaʼtenhanisnonhsóh꞉we, tánon tehatsʼtharokwahthánion tsi ioharénhtons tsáta nienwáterasthe. 18Thóh enhanekwenhsarósehron ne tsi ioshón꞉tons ne kaierihníkon tsi tekahiósaiens ne tsi ionhtsienkwaronhniatákwa ne ietsienharákwahke ne kanónskon ne tsi watohsehróthe tánon ne ioʼtenenhkwenhsathaténhron thóh né ienháweron tsi tkenskwáhere ne ietsienharákwa né꞉ne rónstha nashakonateskónhten katshénens, né꞉ne tsi iehionthawehiatákwa natóhsehra nónhwe nikáien. 19Ethòne akwékon ne iorèsenhs ienháhaʼwe tánon ientsienharákwahke enhát꞉tsahate. 20Kwáh kíʼ thóh nenhoiéraʼse kí꞉ken tsionónskwahron rátsinn tsi kíʼ nhishaʼkoiéraʼse ne tsionónskwahron ratítsinn tsi nòkwah ne karihwáneren ahorihwáke, tánon thóh kíʼ nʼi꞉ioht tsi enhateskónhten tsi nókwah nonhkweshón꞉as akorihwanerahákʼtsheras, tánon enshonwatiʼnikónhrenhse. 21Ethòne ástste tsi watóhsehrothe nienhohiaténhaʼwe ne tsionónskwahron rátsinn tánon enhát꞉tsahathe, kwáh kíʼ tsi nihatʼtsahátha ne tsionónskwahron rátsinn ne rahónʼa rahorihwanerahák꞉tshera. Né kíʼ ken ne iewatkháwen nahéren ahonsakaháwiʼthe nonhkweshón꞉as akorihwanerahát꞉tshera.
22Tó꞉ka rakóra waharihwánerake tánon wahó꞉nhike tsi watháhiake nénska ne Roiá꞉ner rahorihwatátʼtsheras né꞉ne iáh tehonikonhrónhni, 23ethóhʼne kíʼ kwáh tsi niostó꞉re ne karihwáneren tsi enhonwarihwahéraʼse, ónenk tsi kahiatákeras ienhót꞉kaʼwe né꞉ne kwáh iáh othènen tehotsihiótare. 24Ranonhtsíne tenhoniʼsnonhsáren tánon othoréke nòkwah ne ietsienharákwahke enhononhwariákon, tsi nónhwe ne katshénens nikonhwatiʼnonhwarhiákons naʼkonhwanateskónhten. 25Ne ratsihénsthatsi iatenhanisnónhsohʼwe raonekwenhsáke ne katshénen, tánon thóh enhanekwenhsaró꞉sehron tsi ioshióntons ne kaiéri níkons tsi tekaʼiósaiens ne ietsienharákwahke, tánon nenhiotenekwenhsatáteʼre ehʼienháweron tsitʼkenskwáhere ne ietsienharákwah. 26Ethòne akwékon ietsienharákwahke enhá꞉tsahate ne iorèsenhs, tsi kíʼ nihaiéra tsi ratʼtsahátha ne iorèsenhs ne konwanawénkton ne katshénens né skaríhwa aorihwáke. Thóh kíʼ ní꞉ioht ne ratsihénsthatsi tsi ienháthaʼte ne karihwiʼiosehokónhas né꞉ne rakóra raorihwanerahák꞉tshera aorihwáke, tánon kíʼ enshonkwahnikónhrenhse.
27Tó꞉ka ónhkak tsi nítsion ensewarihwánerake tánon ensewánike ne tsi tesewahiákon ne Roiá꞉ner rahorihwatátʼtsheras né꞉ne iáh tesewanikonhrón꞉ni, 28ethòne kíʼ tsi niʼiostó꞉re enietʼtsirihwahéraʼse, entisewahiaténhaʼwe nitsiohiónha kahiatákeras oné꞉tsien né꞉ne kwáh iáh othènen tshiotsihiótare né iensewákʼkhaʼwe. 29Ónenk tsi kanonhtsíne tensewanisnonhsáren tánon ensewanonhwariákon othoréke nòkwah ne tsi ietsienharáhkwah, tsi nónhwe ne katshénens nikonhwatinonhwarhiákons nakonhwanateskónhten. 30Ne ratsihénsthatsi iatenhanisnónhsohwe raonekwenhsáke ne katshénen, tánon thóh enharó꞉serons tsi ioshióntons ne tsi tekhahiosakérons ne kaiéri níkons ne ietsenharáhkwahke, tánon nenhiotátere thóh entʼtháweron tsitkárate ne ietsienharáhkwa. 31Ethòne akwékon enharákewe ne iorèsenhs, kwáh kíʼ tsi ní꞉ioht tsi karahkéwen ne iorèsenhs ne katshénen tsi konwanonhwarhiákon né skaríhwa aorihwáke, tánon ietsienharáhkwahke enhátʼtsahate né꞉ne tahonserateníhon nahawerientiʼiósthaʼkwe ne Roiá꞉ner. Thóh kíʼ ní꞉ioht ne ratsihénsthatsi tsi ienháthate ne kariwiʼiosehokónhas né rónhkwe raorihwáke, tánon kwáh kíʼ ensonhwanikónhrenhse.
32Tó꞉ka teiotinakaronhtónʼa enteshiaténhaʼwe ne iahontkáwen né꞉ne karihwáneren aorihwáke, ónenk tsi oné꞉tsien enkénhake né꞉ne kwáh iáh othènen tehiotsihiótare. 33Ónenk tsi kanonhtsíne teshanisnonhsáren tánon othoréke nòkwah ne ietsienharákwahke ensenonhwarhiákon, tsi nónhwe ne katshénens nikonhwatinonhwarhiákons naʼkonwanateskónhten. 34Ne ratsihénsthatsi iatenhanisnónhsóh꞉we nahonekwásaʼke ne katshénen, tánon thóh enharó꞉seron tsi ioshióntons ne ietsienharákwah né꞉ne tsi tekahiosakérons ne kaiéri níkons, nenhiotenokwenhsathátere thóh entʼtháweron tsitkárate ne ietsienharáhkwah. 35Ethòne akwékon enharónhko ne iorèsenhs, kwáh kíʼ tsi kíʼ karakèwen ne iorèsenhs tsi nikonhwanonhwarhiákon ne teiotinakaronhtónʼa né꞉ne sakaríhwa aorihwáke, tánon ietsienharákwahke enhátʼtsahate skátke ne ká꞉khwas ne iewatkáwen né thonwáwi ne Roiá꞉ner. Thóh kíʼ ní꞉ioht ne ratsihénsthatsi tsi ienháthate ne karihwiʼiosehokónhas né꞉ne sewarihwanerahák꞉tsheras aorihwáke, tánon kíʼ kwáh entsiʼtsinikónhrenhse.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.