Leviticus 13
13
Ne Kaianerénseras Tsi Nikéntons Tsi Nòkwah Nonhkweshón꞉as Ne Iakónnh꞉rare Ne Akonehónkʼne Né Nonhtsérenk Akó꞉ren Ahionhthatennhrá꞉ro
1Ne Roiá꞉ner thashakáwen ne Mahís tánon ne Aaron kí꞉ken kaianerénseras. 2Tó꞉ka ónhka tsi nítsion ne sehwakarahrénhserons ne sewanéhonkʼne tó꞉ka ó꞉ni sewatkarohthaʼkwáhronhte tó꞉ka ó꞉ni iothóhnions né nonhtiérenk ne iathahontkaraténi ne iotennhrát꞉terons kannratarihnétsheras akoné꞉honkne, entiesahiaténhaʼwe rahotihéntons ne Aaronites ratiʼtsihénsthaʼtsis. 3Ne ratsihénsthatsi enhatkenséhnion ne iononwakténions, tánon tó꞉ka nononhwé꞉ron ne thóh iononhweró꞉the karáken nihiawénʼen tánon ne ióh꞉tonh sénha tehionó꞉tes nakʼtónties ne kané꞉honk, kwáh kíʼ né꞉ne iothenhʼrát꞉terons nakoné꞉honkne íken, tánon ne ratsihénsthatsi enhiaró꞉ri iáh tesatkwéniens. 4Ók tó꞉ka ne ióto karáken ní꞉ioht tánon iáh tewéne ne ná꞉kon niaʼiawénon tsi ní꞉ioht ne kané꞉honk nákta íken tánon nonónhweron iáh karáken teiawénhen, ne ratsihénsthatsi tsáta nónhta enhianó꞉ton. 5Ne ratsihénsthatsi shé꞉kon enshiát꞉kenhse ne tsáta nónhta nióre, tánon tokáʼha ne rahohiatoretátshera ne ióto shé꞉kon ne sáka tánon iáh thatehiorénion, shé꞉kon kíʼ tsáta nónhta enshianóton. 6Ne ratsihénsthatsi shé꞉kon enshiát꞉kenhse ne tsáta nónhta nióre, tánon tó꞉ka ne ióton ehthàke nietsawénon tánon iáh tatehiorè꞉nion, enhiaró꞉ri kíʼ tsi saiewenhtáhon; kwáh nék khók ne ió꞉to. Ónenk tsi ensehnó꞉hare ne satʼtserónhnia tánon kwáh tsi satkwéniens. 7Ók tó꞉ka ne ióto tenwaréni nó꞉nen ne ratsihénsthatsi shiát꞉kense tánon iaró꞉ri tsi satkwéniens, ónenk tsi shé꞉kon ienhsetsiát꞉kense ne ratsihénsthatsi. 8Ne ratsihénsthatsi shé꞉kon kíʼ enshiát꞉kenʼse, tánon tó꞉ka tehiorénion, enhiaró꞉ri kíʼ tsi iáh tesatkwéniens; kwáh kíʼ iotennhrát꞉theron sanhrá꞉re né꞉ne kanéhonk kanratariné꞉tsera.
9Tó꞉ka ónhkak tsi nítsion sewannhrá꞉re ne iotenhrát꞉terons kané꞉honk kanhrathariné꞉tsera, kwáh kíʼ rahohénton ne ratsihénsthatsi nientiesahiaʼténhaʼwe, 10ónhka aiesát꞉kenhse. Tó꞉ka karáken ní꞉ioht tsi ióto ne sané꞉honkne né iatenhkakaraʼténiaʼthe nonónhweron karáken nenhiáwenhne tánon titkáhere ne iók꞉khas, 11Né꞉ne iáh tetieiewénhtas kanhratarihné꞉tshera. Ne ratsihénsthatsi enhiaró꞉ri tsi iáh tesatkwéniens; iáh othènen tatetsotonhontsóhon nahonshaʼhianó꞉ton, tsioríhwa tsi tiewène tsi iáh tesatkwéniens. 12Tó꞉ka ne kané꞉honk kanhratharihné꞉tsera tenhwaréhni tánon thentishaʼróhroke ne senonhtsíne enhtewatásawen tsi nióre ne sahsitáke, 13ne ratsihénsthatsi shé꞉kon kíʼ enshiát꞉kenhse. Tó꞉ka enhatʼtsénhri kwáh kíʼ íken tsi tiathakwékon ioteró꞉ron, kwáh kíʼ enhiaró꞉ri tsi satkwéniens kíʼ. Tó꞉ka shaʼnewakwékon karáken nahá꞉wenhne, kwáh kíʼ íken tsi satkwéniens. 14Ók kíʼ tsi niʼiostó꞉re tenwanhí꞉niaʼke ne ióto enwéneʼne, iáh kíʼ tesatkwéniens. 15Ne ratsihénsthatsi shé꞉kon kíʼ enshiátkenʼse, tánon tó꞉ka enhatkátho tehionhiniákon, kwáh kíʼ enhiaró꞉ri tsi iáh tesatkwéniens. Né tehionhiniákon né kéntons ne ióterons kané꞉honk kanhratharinétsera sannhrá꞉re, tánon kíʼ iáh tesatkwéniens. 16Ók kíʼ nó꞉nen ne ióto enskaiewenhtháhon tánon karáken nenhtsáwenhne, ónenk kíʼ tsi ratsihenstaʼtsíne iénhshe. 17Rahónʼa shé꞉kon enshiátkenhse. Tó꞉ka ne ióto kará꞉ken nihiawénhen, kwáh íken tsi satkwéniens, tánon ne ratsihénsthatsi enhiaró꞉ri satkwéniens.
18Tó꞉ka ónhka tsi nítsion ne sewatkaʼrhothakwáronhte tánon tsotkwatako:on 19tánon onakènke karáken nahá꞉wenhne onhte tó꞉ka ó꞉ni watewatenekwenhtharónten-ne karáken wahorákwaraʼne tsi nónhwe nihiotʼkarhothakwarónhthaʼkwe, ónenk tsi ratsihensthatsíne niénhse. 20Ne ratsihénsthatsi enhiátkenhse, tánon tó꞉ka ne iorákwahre thóh ní꞉ioht tse wé꞉ne tsi sénha ná꞉kon nieiawénon tsi ní꞉ioht natktóntse ionéware tánon ne thóh ionhnonweró꞉te karáken naháwenhne, enhiaróri kíʼ iáh tesatkwéniens. Kwáh íken tsi ioténnrátʼtheron sannhrá꞉re né thontasawá꞉kwe tsi satkarothakwáronhte. 21Ók tó꞉ka ne ratsihénsthatsi tsi enhiát꞉kenhse tánon wahatʼtsénri ne ionhnonhweró꞉te iáh karáken tèiot tánon iáh ná꞉kon tshieʼiawénon né aktóntsies ionèware, ók teioswátʼthe tsi niwasohkóten, ne ratsihénsthatsi enhianó꞉ton tsáta nónhta nikaríwes. 22Tó꞉ka ne iorákware watewaré꞉ni, ne ratsihénsthatsi enhiaró꞉ri kíʼ iáh tesatkwéniens; sánh꞉rare kíʼ. 23Ók tó꞉ka ienkakónhthakwe iáh thaʼtahonsontʼtháton ók iáh kíʼ thatewaré꞉nies, kwáh kíʼ nék tsi iotewíraʼre tsi iotkarothawarónhthaʼkwe, tánon kíʼ ne ratsihénsthatsi enhiaró꞉ri kwáh shiʼhioriwakáhion tsi satkwéʼniensʼkwe.
24Tó꞉ka shí꞉ken ónhkak tsi nítsion sewatsiatátʼtsion, tánon ne tsi iowá꞉rare karáken nahá꞉wenhne tó꞉ka ó꞉ni waʼtewatenekwenhtarónten, 25ne ratsihénsthatsi enhiátkenʼse. Tó꞉ka né thóh nónhwe nihiononhweró꞉te karáken nahá꞉wenhne tánon thóh ní꞉ioht tsi wéne sénha ná꞉kon nieiawénon naktónhtse tsi ioné꞉ware, kwáh kí íken tsi iothennhrát꞉teron sannhrá꞉re né꞉ne kané꞉honkʼne kanratharihnétshera íken thóh thontashá꞉waʼkwe tsi iotsaháton, tánon ne ratsihénsthatsi enhiaró꞉ri iáh tesatkwéniens. 26Tó꞉ka ne iononhweró꞉te iáh kará꞉ken tehiawénhen tánon iáh sénha ná꞉kon tseiawénon tsi ní꞉ioht nakʼtóntsies ionéʼware, ók kíʼ teioswátʼthe tsi niwasohkóten, ne ratsihénsthatsi tsáta nónh꞉ta enhianó꞉ton. 27Ne ratsihénsthatsi kwáh shé꞉kon enshiakénhse ne tsathákʼhaton niwenhniserakéhaton, kwáh kíʼ iotennhrátʼteron kané꞉honk kannhnatharihné꞉tshera sánnhrare, tánon ne ratsihénsthatsi enhiaró꞉ri tsi iáh tesatkwéniens. 28Ók kíʼ tó꞉ka ne ioráhkwahre iáh thaʼtetsothaʼtáwi tánon iáh thatehioré꞉nion tánon teioshókwahthe tsi niwashokóten, iáh kíʼ tehiothennhrátʼtheron ne kané꞉honk kannhratharihné꞉tshera aisannhrá꞉raʼke. Ne ratsihénsthatsi kwáh enhiaró꞉ri kwáh shiʼhiorihwakáion satkwéniensʼkwe, tsioríhwa tsi nék khók ne iotewírahre tsi iotsiatátʼtion.
29Nónen nónhkak tsi nítsion, roskenrahkéte khés ne tsiothonwísen, ió꞉to ne ienontsíne tó꞉ka ó꞉ni ierhió꞉tsiaʼke, 30ne ratsihénsthatsi ónenk tsi enhatkenhséhnion, tó꞉ka thóh ní꞉ioht tsi wéne sénha ná꞉kon nieʼiawénon tsi ní꞉ioht naktónhtsie ioné꞉ware tánon ne iononhweró꞉te tehiotʼtsinekwáhronhte tánon iáh tekowá꞉nen, kwáh kíʼ iotennhrát꞉teron kannhratharihné꞉tshera ne kané꞉honkne sannhrá꞉re, tánon enhiaró꞉ri iáh tesatkwéniens. 31Tó꞉ka nó꞉nen ne ratsihénsthatsi iát꞉kenhse, tó꞉ka ne ió꞉to iáh ná꞉kon tseʼiawénon tsi ní꞉ioht naktónhtse tsi ionéwaʼre, ók shé꞉kon kíʼ ne tsi ioné꞉ware iáh tehiothaʼkaríhte, tsáta kíʼ nónhta enhianó꞉ton. 32Ne ratsihénsthatsi shé꞉kon kíʼ entsátkenhse ne ió꞉to ne tsatákhaton niwenhniserakéhaton, tánon tó꞉ka iáh thaʼtehiorénion tánon ne ionón꞉werote iáh thatehiotʼtsiné꞉kwahronhte tánon iáh tewé꞉ne ne sénha ohnewó꞉kon niahʼiawénonhke, 33kwáh onaʼónstha enhsónhni tsi enshaʼthatenónhkaron ne senontsíne nek khók tsi nónhwe nihió꞉to iáh kenhtsiaʼshié꞉re. Ne ratsihénsthatsi shé꞉kon kíʼ tsáta nónhta enshianó꞉ton. 34Ne tsathákʼhaton niwenhniseraʼkéhaton ne ratsihénsthatsi shékon ensátkenhse ne ió꞉to, tánon tó꞉ka iáh thatehorénion tánon iáh tewé꞉ne ne sénha ohnewó꞉kon niaʼiawénonhke, 35Ók tó꞉ka ne ió꞉to watewaréni né nó꞉nen shiʼtiesaró꞉ri kwáh satkwéniens, 36ne ratsihénsthatsi shé꞉kon kíʼ enshiát꞉kenhse. Tó꞉ka ne ió꞉to waʼtewaréni, iáh thaʼtehiotonhontsóha naréshaʼke ne tehiotʼtsinekwáhronhte ononhwé꞉ron; ioʼnikonhraiéntat kíʼ tsi iáh tesatkwéniens. 37Ók kíʼ tó꞉ka ne ratsihénsthatsi tsi wathaʼhiató꞉rethe ne ió꞉to iáh thaʼtehiorénion tánon iothaʼkaríhte tsi ní꞉ioht tsi ionónh꞉weroʼte né thóh nónhwe, ne ióthokwe tsotʼkwahthákwen, tánon ne ratsihénsthatsi kwáh kíʼ enhiaró꞉ri kwáh íken tsi satkwéniens.
38Nónen nónhkak tsi nítsion, roskenrakéte khés ne tsakonhthonwísen akénhake, karáken iorá꞉kwahre ne sewané꞉honkne, 39ne ratsihénsthatsi entsisewát꞉kenhse. Tó꞉ka ne tsi iorákwahre thihiothashó꞉kwen tsi karáken thíhiot, kwáh nek khók tsi iothakerakwénhni tsi wahé꞉neʼne ne kané꞉honkʼne; kwáh íken tsi sewatkwéniens íken.
40-41Tó꞉ka ensewanonkwíserenhne nonàken tó꞉kaʼ ó꞉ni nohénton ne sewanonhtsíne, iáh né tekénhtons tó꞉kaʼ kén iáh tesewatʼkweʼéniens. 42Tó꞉kaʼ tehiotenekwentarátʼthe ne karáken onhthó꞉we ne ohnonhónsthaʼke, né kíʼ ne iotennhrát꞉teron kannhrathariné꞉tshera sewán꞉rahre ne kané꞉honkʼne ónhtien. 43Ne ratsihénsthatsi ónenk tsi enhiátkenhse, tánon tó꞉ka tehiotenekwenhthaʼrónte ne kará꞉ken onhtó꞉we, 44ne ratsihénsthatsi enhiaró꞉ri kíʼ tsi iáh tesatkwéniens, tsioríhwa tsi iotennhrát꞉teron kannhratharihné꞉tshera onhthoʼtháshion ne senontsíne.
45Tó꞉kaʼ né sannhrá꞉re ne iotennhrát꞉theron ne sané꞉honkʼne, ónenk tsi né ensatʼtserónhniaʼte ne ioteratiónhkwen, tó꞉sa ensatkorót꞉thiʼwe, shaʼteskonhsí꞉hen seró꞉rok, tánon teshahénret, “Iáh tewakatʼkwéniens, Iáh tewakatʼkwéniens!” 46Ienhionkonhthákwen tsi iáh thahisatʼkweniensthónhake tsi nikaríhwes sannhrá꞉re, tánon tó꞉sa ienshiá꞉kenhne tsi nónhwe niwatená꞉thaien, é꞉ren íset tsi rónhnes nakorénhsons.
Tsi Niʼkaianerenhseró꞉ten Tsi Nòkwah Ne Iothón꞉ris
47Nó꞉nen ne thènen takakher꞉fonten naʼtseronhniákwahke, khés nokenháke tó꞉ka ó꞉ni naʼniataráhaʼne, 48tó꞉ka ó꞉ni ne thènen akénhake noʼniatará꞉a tó꞉ka ó꞉ni okénha tó꞉ka ó꞉ni nhó꞉na tó꞉ka ó꞉ni né thènen nhó꞉na ahionhniáthonhke, 49tó꞉ka tehiotʼthóntonhte tó꞉ka ó꞉ni tehiotenekwénhtaʼronhte, né kíʼ tsi waʼtewaréni ne takakher꞉fonten tánon ónenk tsi ratsihénsthatsi ienhonwanatónhaʼse. 50Ne ratsihénsthatsi enhatkenhséhnion tánon í꞉seh ienháreʼke né nahorihótens né꞉ne tsáta nónhta nikaríwes. 51Ónenk tsi shé꞉kon enskátkenhse ne tsathákʼaton nenhwenhniserakéhaton, tánon tó꞉ka ne takakher꞉fonten tehiorénion, naʼtserónhniatkwake iáh kíʼ tehiotkwéniens. 52Ne ratsihénsthatsi enhát꞉tsahaʼte, tsioríhwa tsi watewaréni ne takakher꞉fonten nètho ónenk tsi otsiráke enhkarihwathónhtonhke. 53Ók tó꞉ka, nó꞉nen rót꞉kenhse natserónhniat, ne ratsihénsthatsi iáh tehotsénhrion nahiotonhrísʼthake tánon iáh tatehiorénion, 54enhathénhnaʼne naʼkanoharéke tánon nahonteweiénhthonke né tsáta nónhta nikaríhwes. 55Ethòne enhsátkenhse, tánon tó꞉ka ne takakher꞉fonten iáh thatehiotoshokwahténion, iawerohátien tsi iáh thatehioreníhon, shé꞉kon kíʼ iáh tehiotkwéniens; ónenk kíʼ tsi enshát꞉tsahate natserónhniat, tó꞉ka kén natserónhniat ohénton nónhwe nihiótkens khés ne ká꞉sonhne nónhwe. 56Ók tó꞉ka, nó꞉nen ne ratsihénsthatsi ensátʼkenhse, ne takakher꞉fonten iothashó꞉kwen, enhanatháko kíʼ natserónhniat khés ne òhʼna. 57Ethòne, tó꞉ka né takakher꞉fonten entsiokénhthaʼne, shé꞉kon kíʼ tehiorenionhonhátse, tánon ne rahowenhkʼónhwe ónenk tsi enhátsahaʼte natserónhniat. 58Tó꞉ka enhanó꞉hare natserónhniat tánon ne iorákwahre enhwáton, shé꞉kon kíʼ enshaʼnóhare, tánon kwáh kíʼ shiʼhiorihwakáion tsi iotkwéniensʼkwe.
59Né kíken, káti, ne kaianerénhsera tsi nòkwah ne takakher꞉fonten naʼtseronhniákwahke, tó꞉ka kén okénha khés noniathará꞉a akénhake, kwáh tsikʼniwaniataró꞉ten tó꞉ka ó꞉ni khahonkwenhió꞉tenhke khés ne tsík naʼkenhnóten ahionhniáthonke; thóh kí꞉ken ní꞉ioht tsi iaʼtekarihwaientáhon tó꞉ka kén kwáh shiʼhiorihwakáhion iotkwéniensʼkwe.
Currently Selected:
Leviticus 13: MHK
Highlight
Copy
Compare
Share
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
Leviticus 13
13
Ne Kaianerénseras Tsi Nikéntons Tsi Nòkwah Nonhkweshón꞉as Ne Iakónnh꞉rare Ne Akonehónkʼne Né Nonhtsérenk Akó꞉ren Ahionhthatennhrá꞉ro
1Ne Roiá꞉ner thashakáwen ne Mahís tánon ne Aaron kí꞉ken kaianerénseras. 2Tó꞉ka ónhka tsi nítsion ne sehwakarahrénhserons ne sewanéhonkʼne tó꞉ka ó꞉ni sewatkarohthaʼkwáhronhte tó꞉ka ó꞉ni iothóhnions né nonhtiérenk ne iathahontkaraténi ne iotennhrát꞉terons kannratarihnétsheras akoné꞉honkne, entiesahiaténhaʼwe rahotihéntons ne Aaronites ratiʼtsihénsthaʼtsis. 3Ne ratsihénsthatsi enhatkenséhnion ne iononwakténions, tánon tó꞉ka nononhwé꞉ron ne thóh iononhweró꞉the karáken nihiawénʼen tánon ne ióh꞉tonh sénha tehionó꞉tes nakʼtónties ne kané꞉honk, kwáh kíʼ né꞉ne iothenhʼrát꞉terons nakoné꞉honkne íken, tánon ne ratsihénsthatsi enhiaró꞉ri iáh tesatkwéniens. 4Ók tó꞉ka ne ióto karáken ní꞉ioht tánon iáh tewéne ne ná꞉kon niaʼiawénon tsi ní꞉ioht ne kané꞉honk nákta íken tánon nonónhweron iáh karáken teiawénhen, ne ratsihénsthatsi tsáta nónhta enhianó꞉ton. 5Ne ratsihénsthatsi shé꞉kon enshiát꞉kenhse ne tsáta nónhta nióre, tánon tokáʼha ne rahohiatoretátshera ne ióto shé꞉kon ne sáka tánon iáh thatehiorénion, shé꞉kon kíʼ tsáta nónhta enshianóton. 6Ne ratsihénsthatsi shé꞉kon enshiát꞉kenhse ne tsáta nónhta nióre, tánon tó꞉ka ne ióton ehthàke nietsawénon tánon iáh tatehiorè꞉nion, enhiaró꞉ri kíʼ tsi saiewenhtáhon; kwáh nék khók ne ió꞉to. Ónenk tsi ensehnó꞉hare ne satʼtserónhnia tánon kwáh tsi satkwéniens. 7Ók tó꞉ka ne ióto tenwaréni nó꞉nen ne ratsihénsthatsi shiát꞉kense tánon iaró꞉ri tsi satkwéniens, ónenk tsi shé꞉kon ienhsetsiát꞉kense ne ratsihénsthatsi. 8Ne ratsihénsthatsi shé꞉kon kíʼ enshiát꞉kenʼse, tánon tó꞉ka tehiorénion, enhiaró꞉ri kíʼ tsi iáh tesatkwéniens; kwáh kíʼ iotennhrát꞉theron sanhrá꞉re né꞉ne kanéhonk kanratariné꞉tsera.
9Tó꞉ka ónhkak tsi nítsion sewannhrá꞉re ne iotenhrát꞉terons kané꞉honk kanhrathariné꞉tsera, kwáh kíʼ rahohénton ne ratsihénsthatsi nientiesahiaʼténhaʼwe, 10ónhka aiesát꞉kenhse. Tó꞉ka karáken ní꞉ioht tsi ióto ne sané꞉honkne né iatenhkakaraʼténiaʼthe nonónhweron karáken nenhiáwenhne tánon titkáhere ne iók꞉khas, 11Né꞉ne iáh tetieiewénhtas kanhratarihné꞉tshera. Ne ratsihénsthatsi enhiaró꞉ri tsi iáh tesatkwéniens; iáh othènen tatetsotonhontsóhon nahonshaʼhianó꞉ton, tsioríhwa tsi tiewène tsi iáh tesatkwéniens. 12Tó꞉ka ne kané꞉honk kanhratharihné꞉tsera tenhwaréhni tánon thentishaʼróhroke ne senonhtsíne enhtewatásawen tsi nióre ne sahsitáke, 13ne ratsihénsthatsi shé꞉kon kíʼ enshiát꞉kenhse. Tó꞉ka enhatʼtsénhri kwáh kíʼ íken tsi tiathakwékon ioteró꞉ron, kwáh kíʼ enhiaró꞉ri tsi satkwéniens kíʼ. Tó꞉ka shaʼnewakwékon karáken nahá꞉wenhne, kwáh kíʼ íken tsi satkwéniens. 14Ók kíʼ tsi niʼiostó꞉re tenwanhí꞉niaʼke ne ióto enwéneʼne, iáh kíʼ tesatkwéniens. 15Ne ratsihénsthatsi shé꞉kon kíʼ enshiátkenʼse, tánon tó꞉ka enhatkátho tehionhiniákon, kwáh kíʼ enhiaró꞉ri tsi iáh tesatkwéniens. Né tehionhiniákon né kéntons ne ióterons kané꞉honk kanhratharinétsera sannhrá꞉re, tánon kíʼ iáh tesatkwéniens. 16Ók kíʼ nó꞉nen ne ióto enskaiewenhtháhon tánon karáken nenhtsáwenhne, ónenk kíʼ tsi ratsihenstaʼtsíne iénhshe. 17Rahónʼa shé꞉kon enshiátkenhse. Tó꞉ka ne ióto kará꞉ken nihiawénhen, kwáh íken tsi satkwéniens, tánon ne ratsihénsthatsi enhiaró꞉ri satkwéniens.
18Tó꞉ka ónhka tsi nítsion ne sewatkaʼrhothakwáronhte tánon tsotkwatako:on 19tánon onakènke karáken nahá꞉wenhne onhte tó꞉ka ó꞉ni watewatenekwenhtharónten-ne karáken wahorákwaraʼne tsi nónhwe nihiotʼkarhothakwarónhthaʼkwe, ónenk tsi ratsihensthatsíne niénhse. 20Ne ratsihénsthatsi enhiátkenhse, tánon tó꞉ka ne iorákwahre thóh ní꞉ioht tse wé꞉ne tsi sénha ná꞉kon nieiawénon tsi ní꞉ioht natktóntse ionéware tánon ne thóh ionhnonweró꞉te karáken naháwenhne, enhiaróri kíʼ iáh tesatkwéniens. Kwáh íken tsi ioténnrátʼtheron sannhrá꞉re né thontasawá꞉kwe tsi satkarothakwáronhte. 21Ók tó꞉ka ne ratsihénsthatsi tsi enhiát꞉kenhse tánon wahatʼtsénri ne ionhnonhweró꞉te iáh karáken tèiot tánon iáh ná꞉kon tshieʼiawénon né aktóntsies ionèware, ók teioswátʼthe tsi niwasohkóten, ne ratsihénsthatsi enhianó꞉ton tsáta nónhta nikaríwes. 22Tó꞉ka ne iorákware watewaré꞉ni, ne ratsihénsthatsi enhiaró꞉ri kíʼ iáh tesatkwéniens; sánh꞉rare kíʼ. 23Ók tó꞉ka ienkakónhthakwe iáh thaʼtahonsontʼtháton ók iáh kíʼ thatewaré꞉nies, kwáh kíʼ nék tsi iotewíraʼre tsi iotkarothawarónhthaʼkwe, tánon kíʼ ne ratsihénsthatsi enhiaró꞉ri kwáh shiʼhioriwakáhion tsi satkwéʼniensʼkwe.
24Tó꞉ka shí꞉ken ónhkak tsi nítsion sewatsiatátʼtsion, tánon ne tsi iowá꞉rare karáken nahá꞉wenhne tó꞉ka ó꞉ni waʼtewatenekwenhtarónten, 25ne ratsihénsthatsi enhiátkenʼse. Tó꞉ka né thóh nónhwe nihiononhweró꞉te karáken nahá꞉wenhne tánon thóh ní꞉ioht tsi wéne sénha ná꞉kon nieiawénon naktónhtse tsi ioné꞉ware, kwáh kí íken tsi iothennhrát꞉teron sannhrá꞉re né꞉ne kané꞉honkʼne kanratharihnétshera íken thóh thontashá꞉waʼkwe tsi iotsaháton, tánon ne ratsihénsthatsi enhiaró꞉ri iáh tesatkwéniens. 26Tó꞉ka ne iononhweró꞉te iáh kará꞉ken tehiawénhen tánon iáh sénha ná꞉kon tseiawénon tsi ní꞉ioht nakʼtóntsies ionéʼware, ók kíʼ teioswátʼthe tsi niwasohkóten, ne ratsihénsthatsi tsáta nónh꞉ta enhianó꞉ton. 27Ne ratsihénsthatsi kwáh shé꞉kon enshiakénhse ne tsathákʼhaton niwenhniserakéhaton, kwáh kíʼ iotennhrátʼteron kané꞉honk kannhnatharihné꞉tshera sánnhrare, tánon ne ratsihénsthatsi enhiaró꞉ri tsi iáh tesatkwéniens. 28Ók kíʼ tó꞉ka ne ioráhkwahre iáh thaʼtetsothaʼtáwi tánon iáh thatehioré꞉nion tánon teioshókwahthe tsi niwashokóten, iáh kíʼ tehiothennhrátʼtheron ne kané꞉honk kannhratharihné꞉tshera aisannhrá꞉raʼke. Ne ratsihénsthatsi kwáh enhiaró꞉ri kwáh shiʼhiorihwakáion satkwéniensʼkwe, tsioríhwa tsi nék khók ne iotewírahre tsi iotsiatátʼtion.
29Nónen nónhkak tsi nítsion, roskenrahkéte khés ne tsiothonwísen, ió꞉to ne ienontsíne tó꞉ka ó꞉ni ierhió꞉tsiaʼke, 30ne ratsihénsthatsi ónenk tsi enhatkenhséhnion, tó꞉ka thóh ní꞉ioht tsi wéne sénha ná꞉kon nieʼiawénon tsi ní꞉ioht naktónhtsie ioné꞉ware tánon ne iononhweró꞉te tehiotʼtsinekwáhronhte tánon iáh tekowá꞉nen, kwáh kíʼ iotennhrát꞉teron kannhratharihné꞉tshera ne kané꞉honkne sannhrá꞉re, tánon enhiaró꞉ri iáh tesatkwéniens. 31Tó꞉ka nó꞉nen ne ratsihénsthatsi iát꞉kenhse, tó꞉ka ne ió꞉to iáh ná꞉kon tseʼiawénon tsi ní꞉ioht naktónhtse tsi ionéwaʼre, ók shé꞉kon kíʼ ne tsi ioné꞉ware iáh tehiothaʼkaríhte, tsáta kíʼ nónhta enhianó꞉ton. 32Ne ratsihénsthatsi shé꞉kon kíʼ entsátkenhse ne ió꞉to ne tsatákhaton niwenhniserakéhaton, tánon tó꞉ka iáh thaʼtehiorénion tánon ne ionón꞉werote iáh thatehiotʼtsiné꞉kwahronhte tánon iáh tewé꞉ne ne sénha ohnewó꞉kon niahʼiawénonhke, 33kwáh onaʼónstha enhsónhni tsi enshaʼthatenónhkaron ne senontsíne nek khók tsi nónhwe nihió꞉to iáh kenhtsiaʼshié꞉re. Ne ratsihénsthatsi shé꞉kon kíʼ tsáta nónhta enshianó꞉ton. 34Ne tsathákʼhaton niwenhniseraʼkéhaton ne ratsihénsthatsi shékon ensátkenhse ne ió꞉to, tánon tó꞉ka iáh thatehorénion tánon iáh tewé꞉ne ne sénha ohnewó꞉kon niaʼiawénonhke, 35Ók tó꞉ka ne ió꞉to watewaréni né nó꞉nen shiʼtiesaró꞉ri kwáh satkwéniens, 36ne ratsihénsthatsi shé꞉kon kíʼ enshiát꞉kenhse. Tó꞉ka ne ió꞉to waʼtewaréni, iáh thaʼtehiotonhontsóha naréshaʼke ne tehiotʼtsinekwáhronhte ononhwé꞉ron; ioʼnikonhraiéntat kíʼ tsi iáh tesatkwéniens. 37Ók kíʼ tó꞉ka ne ratsihénsthatsi tsi wathaʼhiató꞉rethe ne ió꞉to iáh thaʼtehiorénion tánon iothaʼkaríhte tsi ní꞉ioht tsi ionónh꞉weroʼte né thóh nónhwe, ne ióthokwe tsotʼkwahthákwen, tánon ne ratsihénsthatsi kwáh kíʼ enhiaró꞉ri kwáh íken tsi satkwéniens.
38Nónen nónhkak tsi nítsion, roskenrakéte khés ne tsakonhthonwísen akénhake, karáken iorá꞉kwahre ne sewané꞉honkne, 39ne ratsihénsthatsi entsisewát꞉kenhse. Tó꞉ka ne tsi iorákwahre thihiothashó꞉kwen tsi karáken thíhiot, kwáh nek khók tsi iothakerakwénhni tsi wahé꞉neʼne ne kané꞉honkʼne; kwáh íken tsi sewatkwéniens íken.
40-41Tó꞉ka ensewanonkwíserenhne nonàken tó꞉kaʼ ó꞉ni nohénton ne sewanonhtsíne, iáh né tekénhtons tó꞉kaʼ kén iáh tesewatʼkweʼéniens. 42Tó꞉kaʼ tehiotenekwentarátʼthe ne karáken onhthó꞉we ne ohnonhónsthaʼke, né kíʼ ne iotennhrát꞉teron kannhrathariné꞉tshera sewán꞉rahre ne kané꞉honkʼne ónhtien. 43Ne ratsihénsthatsi ónenk tsi enhiátkenhse, tánon tó꞉ka tehiotenekwenhthaʼrónte ne kará꞉ken onhtó꞉we, 44ne ratsihénsthatsi enhiaró꞉ri kíʼ tsi iáh tesatkwéniens, tsioríhwa tsi iotennhrát꞉teron kannhratharihné꞉tshera onhthoʼtháshion ne senontsíne.
45Tó꞉kaʼ né sannhrá꞉re ne iotennhrát꞉theron ne sané꞉honkʼne, ónenk tsi né ensatʼtserónhniaʼte ne ioteratiónhkwen, tó꞉sa ensatkorót꞉thiʼwe, shaʼteskonhsí꞉hen seró꞉rok, tánon teshahénret, “Iáh tewakatʼkwéniens, Iáh tewakatʼkwéniens!” 46Ienhionkonhthákwen tsi iáh thahisatʼkweniensthónhake tsi nikaríhwes sannhrá꞉re, tánon tó꞉sa ienshiá꞉kenhne tsi nónhwe niwatená꞉thaien, é꞉ren íset tsi rónhnes nakorénhsons.
Tsi Niʼkaianerenhseró꞉ten Tsi Nòkwah Ne Iothón꞉ris
47Nó꞉nen ne thènen takakher꞉fonten naʼtseronhniákwahke, khés nokenháke tó꞉ka ó꞉ni naʼniataráhaʼne, 48tó꞉ka ó꞉ni ne thènen akénhake noʼniatará꞉a tó꞉ka ó꞉ni okénha tó꞉ka ó꞉ni nhó꞉na tó꞉ka ó꞉ni né thènen nhó꞉na ahionhniáthonhke, 49tó꞉ka tehiotʼthóntonhte tó꞉ka ó꞉ni tehiotenekwénhtaʼronhte, né kíʼ tsi waʼtewaréni ne takakher꞉fonten tánon ónenk tsi ratsihénsthatsi ienhonwanatónhaʼse. 50Ne ratsihénsthatsi enhatkenhséhnion tánon í꞉seh ienháreʼke né nahorihótens né꞉ne tsáta nónhta nikaríwes. 51Ónenk tsi shé꞉kon enskátkenhse ne tsathákʼaton nenhwenhniserakéhaton, tánon tó꞉ka ne takakher꞉fonten tehiorénion, naʼtserónhniatkwake iáh kíʼ tehiotkwéniens. 52Ne ratsihénsthatsi enhát꞉tsahaʼte, tsioríhwa tsi watewaréni ne takakher꞉fonten nètho ónenk tsi otsiráke enhkarihwathónhtonhke. 53Ók tó꞉ka, nó꞉nen rót꞉kenhse natserónhniat, ne ratsihénsthatsi iáh tehotsénhrion nahiotonhrísʼthake tánon iáh tatehiorénion, 54enhathénhnaʼne naʼkanoharéke tánon nahonteweiénhthonke né tsáta nónhta nikaríhwes. 55Ethòne enhsátkenhse, tánon tó꞉ka ne takakher꞉fonten iáh thatehiotoshokwahténion, iawerohátien tsi iáh thatehioreníhon, shé꞉kon kíʼ iáh tehiotkwéniens; ónenk kíʼ tsi enshát꞉tsahate natserónhniat, tó꞉ka kén natserónhniat ohénton nónhwe nihiótkens khés ne ká꞉sonhne nónhwe. 56Ók tó꞉ka, nó꞉nen ne ratsihénsthatsi ensátʼkenhse, ne takakher꞉fonten iothashó꞉kwen, enhanatháko kíʼ natserónhniat khés ne òhʼna. 57Ethòne, tó꞉ka né takakher꞉fonten entsiokénhthaʼne, shé꞉kon kíʼ tehiorenionhonhátse, tánon ne rahowenhkʼónhwe ónenk tsi enhátsahaʼte natserónhniat. 58Tó꞉ka enhanó꞉hare natserónhniat tánon ne iorákwahre enhwáton, shé꞉kon kíʼ enshaʼnóhare, tánon kwáh kíʼ shiʼhiorihwakáion tsi iotkwéniensʼkwe.
59Né kíken, káti, ne kaianerénhsera tsi nòkwah ne takakher꞉fonten naʼtseronhniákwahke, tó꞉ka kén okénha khés noniathará꞉a akénhake, kwáh tsikʼniwaniataró꞉ten tó꞉ka ó꞉ni khahonkwenhió꞉tenhke khés ne tsík naʼkenhnóten ahionhniáthonke; thóh kí꞉ken ní꞉ioht tsi iaʼtekarihwaientáhon tó꞉ka kén kwáh shiʼhiorihwakáhion iotkwéniensʼkwe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.