Leviticus 12

Tsi Ahonsakonhtonhnaʼkanónhni Ne Konhnónhkwe Nó꞉nen Wahotiwiraiéntaʼne

1Ne Roiá꞉ner tahá꞉wen ne Mahís ne tekarihwasónhteres kaianerénseras 2né꞉ne onhkweshón꞉as Nisraerʼró꞉nonke akorihwáke. Né tsáta nónhta onakènhke tsi náhe tsowiraientáhon ne roskenrakéte ne iónhkwe, kwáh kíʼ tsiontonhkwetatkwéniens ísken, tsi kíʼ ní꞉ioht ne iaʼtewenhníthake tsi iotenhnitaránis. 3Né saʼtekonháton niwenhniserakéhaton, ne raksá꞉a ónenk tsi enhonwawarakwétaron. 4Ethóhʼne shé꞉kon asenhniwáhsen-áhsen niwenhniseráke kwáh ientsiotkweniensthónhake né tsi níkon wakanékwa; kwáh iáh tehioterihwíson ne thènen iakaiéna ne iotokénti tó꞉ka ó꞉ni niahontáwehiaʼte ne iotokénti atohsehrákon tsi nióre ienkáhewe nahonsonhtonhnakaʼnónhni ienwatésha.

5Né꞉ne kaiéri-iawénhre niwenhniseráke nónen ne iónhkwe ieksháʼa iowiraientáhon, kwáh kíʼ iáh tehiokwéniens, tsi kíʼ ní꞉ioht nónen iotenhnitaráni. Ethóhʼne iá꞉iak niwáhsenh-iá꞉iak niwenhniseráke nióre ientsiotkweʼniensthónhake ne tsi níkon ionekʼkwáhon.

6Nó꞉nen ioteweienhnenhtáhon tsi tsiotonhnakanonhníhon, né꞉ne roskenrakéte tó꞉ka ó꞉ni ieksáha akénhake, ónenk tsi ienhionthawehiatákwa ienhohiaténhaʼwe né énska tehahoserihiákon teiotinakaronhtónʼa owíra né꞉ne ahonwateskónhten tánon oríhthe né nenhné꞉e ne karihwanerahákʼtshera aorihwáke. 7Ratsihénsthatsi kwáh rahónʼa ienhá꞉ren nahothatawítshera rahohénton ne Roiá꞉ner tánon né enhaterihwathéntsaʼte tsi nihiorenhnáhon nahèren ahonsakahawítonhke tsi iáh tehiotkwéniens, tánon kwáh kíʼ entsiotkwenienstónhake. Né kí꞉ken, èhtho, nihioterihwaiénhni ne iónhkwe nónen iowiraienhtháhon.

8Tó꞉ka ne iónhkwe iáh thaʼkakarakwéni ne teiotinakaronhtónha owíra akénhake, ónenk kíʼ tsi tenihiáse oríhthe enhtsakohiaténhaʼwe, ne saiátha né꞉ne ahonwateskónhten tánon ne sahiátha né nenʼnéʼe ne karihwaneraháktshera aorihwake, tánon ratsihensthatsi enhaterihwatenhtsate ne tsi nihiorenhnáhon naehren ahonsakahawitonhke tsi iáh tehiotkweniens, tánon káti kwáh entsiotkweniensthonhake.

Currently Selected:

Leviticus 12: MHK

Highlight

Copy

Compare

Want to have your highlights saved across all your devices? Sign up or sign in

Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.

The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).

Learn More About Ohiatonhseratokénti