Haggai 2
2
1Ne tewáhsen siwenhniserakéhaton ne tewáhsen énska siwenhniserakéhaton ne tsatákhaton siwenhnì꞉tare, ne raowén꞉na ne Roiá꞉ner rahonhà꞉ke ne rotokénhse Haggai nontá꞉we, ratónhnionskwe: 2Stáras nó꞉nen ne Zerubbabel ne roʼní꞉ha né꞉ne Shealtiel, ne rakó꞉raʼkwe ne Judah, tánon ó꞉ni ne Joshua né꞉ne roʼní꞉ha ne Jehozadak, né꞉ne kwáh è꞉neken tókte ratsihénstatsi, tánon ne iateiakothaténhron nonkweshón꞉as, tánon tsí꞉ronh, 3Ónhka kenh tsi nítson ne iatesewathaténron nahisewatkátonhke kí kén꞉en kanónshote nohén꞉ton tkénhne tsi nihiononsanerakwáhtonhne? Onhká꞉ti nón꞉wa ní꞉ioht tsi tsisewatkátos? Tsi tesewaká꞉nere ne ken ne kwáh iáh othé꞉non thakénhake? 4Nek kík sá꞉ka saʼnikonranirón꞉hak, Zerubbabel, rá꞉ton ne Roiá꞉ner; saʼnikonranirón꞉hak, Joshua, né Jehozadak, né꞉ne kwáh è꞉neken tókte ratsihénstatsi. Sewaʼnikonhranirón꞉hak, sewakwé꞉kon ne tionhontsakeró꞉nons, asè꞉ken skát꞉ne í꞉tewes ní꞉se, rá꞉ton ne Sakoiá꞉ner ne ratironhiakeró꞉nons. 5Ne kí꞉ken nakaterihwaseronhniá꞉tshera nó꞉nen shatontesewaiá꞉kenhne ne tsi tionontsá꞉ien ne Egypt. Tánon nakeshatsténhsera shé꞉kon sewakwé꞉kon. Tánon tó꞉sa sewatéron.
6Asè꞉ken rá꞉ton ne Sakoiá꞉ner ne ratironhiakeró꞉nons: Kenk nenkarihwésonke, kwáh enkáwake ne tsi karonhiá꞉te óni né tsi ionwenhtsá꞉te ó꞉ni ne kaniatarakeʼkowáhne ó꞉ni ne iahonwenhtsathénhake; 7tánon kwáh enkheiáwake ratikwé꞉kon ne ronhnonhontsakeró꞉nons, ne káti nakotiohkowátsheras onhkweʼtakwé꞉kon ne ronhnonhontsakeró꞉nons nahontakahióntonhke, tánon Kwáh kí ne thentetrá꞉te kí kén꞉en kanónshote ne kaiatanerakwáhtshera, rá꞉ton ne Sakoiá꞉ner ne ratironhiakeró꞉nons. 8Ne kahwistará꞉kens í꞉ih aká꞉wenk, ó꞉ni ne ohwistanó꞉rons í꞉ih aká꞉wenk, rá꞉ton né Sakoiá꞉ner ne ratironhiakeró꞉nons. 9Iáh thahión꞉nise tsi nihiononsanerákwat kí꞉ken Ononsatokentikó꞉wa kwáh sénha ne entionhnonsanerakwátonhke tsi ní꞉ioht nononsakahiónhkwe, rá꞉ton ne Sakoiá꞉ner ne ratironhiakeró꞉nons; tánon ken kí nón꞉we nentkát꞉kawe ne skén꞉nonk thí꞉ken, rá꞉ton ne Sakoiá꞉ner ne ratironhiakeró꞉nons.
10Ne tewáhsen-kaié꞉ri shiwenhniserakéhaton ne tiohtónhaton niwenhnítarahkwe, né꞉ne teiohserahkéhaton né꞉tho Darius, ne raowén꞉na Roiá꞉ner rahonhà꞉ke ne rotokénhse Haggai nontá꞉we, ratónhnionskwe: 11“Ken nahó꞉ten ráton ne Sakoiá꞉ner ne ratironhiakeró꞉nons: ietsirihwanóntons ne ratitsihénstatsis nahó꞉ten wáton ne kaianerénhsera. 12Tóka shí꞉ken shaiá꞉ta rahá꞉wi ne kahwaratokentíston thóh kawenón꞉ni raotiaʼtawíhne ne waʼkóshes, tánon natsherón꞉niat ne kawarakwenonniáton iaʼaʼohseron thikánionʼk kanà꞉taro, khés ne tekakwhaiesthanion, khés nonenharakeri, khés né kénhie, khés tsik nakakhoténhake, iotokénhti ken ienwáton?”
Ne ratsihénstatsis watharihwaʼserá꞉ko, “Iáh.”
13Ethò꞉ne ne Haggai wahèn꞉ron, “Tókaʼ shí꞉ken ónhkak teiakoiatátson iaʼeié꞉na ne iotokénhti í꞉ken ne iotokénhti watsiotióntane ken?”
Ne ratsihénstatsis watharihwaʼserá꞉ko, “Hen watsiotióntane.”
14Ne Haggai ethò꞉ne sahèn꞉ron, Káti kwáh ne shaʼorí꞉wa ne kí onkweshón꞉ʼa, tánon kí꞉ken ratitióhkwaien natkénton rónhnes, rá꞉ton ne Roiá꞉ner. Tánon kwáh satéhiot tsi ní꞉kon rotihiothénhen ne rontsá꞉nakes; tánon tsi nahoʼténhsons ne thóh nón꞉we thotiiestánion tsi iáh tehiotʼkwéniens 15Ók ó꞉nenh, sewanontonhniónko tsi niahawenonhátie tsi niiotón꞉ne nohénton shontahontáhsawen ne watahtinenʼiaserónnion ne raononsatokentikówane ne Roiá꞉ner, 16onhnisewaweienóthenhne? Nó꞉nen nón꞉kak wahón꞉we ne tsi iotónhiote nonátsa iahkoraráhtie tewáhsen nikawinotserá꞉ke enhiakotónhnien, ók oié꞉ri khok nikawinotsherá꞉ke wahakotónhnien; nó꞉nenh nónhkak iahá꞉hen tsitkanakwá꞉here nonenhará꞉keri niahienekotsénhte wísk niwáhsen nikaweró꞉kwahke iakoraratiéne ók tewáhsen khok nikaweróhkhwahke wahakonekaiéntane. 17Kwáh wakonhkarón꞉ni tánon akwé꞉kon ne saienʼthó꞉tsheras ó꞉ni tsi nisahiothenʼen ne iakaténiehte ne kwáh ioweraʼtaríhen tánon takakher꞉fonten ó꞉ni wahonenʼón꞉ti; nek kík sá꞉ka iáh thetsisatatrewáton, rá꞉ton ne Roiá꞉ner. 18Sewanontonhnión꞉ko kén꞉en wenhniserá꞉te iewatáhsawen, né꞉ne tewáhsen kaié꞉ri niwenhniserakéhaton né wenhnì꞉tare ne tiotonhá꞉ton niwenhnitakéhaton. Tsi ná꞉he ne thóh tewenhniserátekwe tkenskwahráston ne Roiá꞉ner raononsatokentikówa, sewahnontonhnión꞉ko: 19Thé꞉nenh ken ne kanenhá꞉sonha iotathenrá꞉hon ne tsi iakehnekeraientháhkwah? Tsi nió꞉re nón꞉wa nonénhare, ne tionhnionwaronhtonhakó꞉wa karón꞉ta, ne wé꞉so iotenénha sewaihó꞉wane, tánon ne iakenhiewátha karón꞉ta shé꞉kon iáh othé꞉non tewahianihióntʼtha. Kwáh kén꞉en wenhniserá꞉te ienwatáhsawen kwáh enkonhiataté꞉riste.
20Ne raowén꞉na ne Roiá꞉ner tontá꞉we tekení꞉haton ionshontératste rahonhà꞉ke ne Haggai né꞉ne tewáhsen-kaié꞉ri siská꞉rakwe ne tiotonháton siwenhnì꞉tare ratónhnions: 21Stá꞉ras né Zerubbabel, ne rakó꞉ra ne Judah, né꞉tho ó꞉nen thó꞉wa akáwake ne tsi karonhiá꞉te ó꞉ni tsi ionwenhtsá꞉te, 22tánon enkheshatstenhseráhkhwa tsi kanonhtiiotsheraké꞉rons; kwáh enkatónhte ne raotishatsténhseras ne tsi ratinontiiotsherakérons tánon enkatónhte notiónhkwas ó꞉ni né꞉ne rontihonwí꞉seres; tánon ne akoshá꞉tens ó꞉ni ne rotishá꞉tens kwáh kí enhonhní꞉heie, satihiatatʼtions né꞉ne raosarekó꞉wa ne atatekénhsera enhontirhió꞉te. 23Ne thóh enwenhniserá꞉teke rá꞉ton ne Sakoiá꞉ner ne ratironhiakeró꞉nons, kwáh kí ienkoniaténhawe, Zerubbabel nakehnháhtshera, ne roʼní꞉ha né꞉ne Shealtiel, rá꞉ton ne Roiá꞉ner, tánon enkonhiónhnien tsi ní꞉ioht nakatsikwenhtónhke anisnón꞉sawi; asè꞉ken Í꞉ʼi enkoniatará꞉kwen, rá꞉ton ne Sakoiá꞉ner ne ratironhiakeró꞉nons.
Currently Selected:
Haggai 2: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
Haggai 2
2
1Ne tewáhsen siwenhniserakéhaton ne tewáhsen énska siwenhniserakéhaton ne tsatákhaton siwenhnì꞉tare, ne raowén꞉na ne Roiá꞉ner rahonhà꞉ke ne rotokénhse Haggai nontá꞉we, ratónhnionskwe: 2Stáras nó꞉nen ne Zerubbabel ne roʼní꞉ha né꞉ne Shealtiel, ne rakó꞉raʼkwe ne Judah, tánon ó꞉ni ne Joshua né꞉ne roʼní꞉ha ne Jehozadak, né꞉ne kwáh è꞉neken tókte ratsihénstatsi, tánon ne iateiakothaténhron nonkweshón꞉as, tánon tsí꞉ronh, 3Ónhka kenh tsi nítson ne iatesewathaténron nahisewatkátonhke kí kén꞉en kanónshote nohén꞉ton tkénhne tsi nihiononsanerakwáhtonhne? Onhká꞉ti nón꞉wa ní꞉ioht tsi tsisewatkátos? Tsi tesewaká꞉nere ne ken ne kwáh iáh othé꞉non thakénhake? 4Nek kík sá꞉ka saʼnikonranirón꞉hak, Zerubbabel, rá꞉ton ne Roiá꞉ner; saʼnikonranirón꞉hak, Joshua, né Jehozadak, né꞉ne kwáh è꞉neken tókte ratsihénstatsi. Sewaʼnikonhranirón꞉hak, sewakwé꞉kon ne tionhontsakeró꞉nons, asè꞉ken skát꞉ne í꞉tewes ní꞉se, rá꞉ton ne Sakoiá꞉ner ne ratironhiakeró꞉nons. 5Ne kí꞉ken nakaterihwaseronhniá꞉tshera nó꞉nen shatontesewaiá꞉kenhne ne tsi tionontsá꞉ien ne Egypt. Tánon nakeshatsténhsera shé꞉kon sewakwé꞉kon. Tánon tó꞉sa sewatéron.
6Asè꞉ken rá꞉ton ne Sakoiá꞉ner ne ratironhiakeró꞉nons: Kenk nenkarihwésonke, kwáh enkáwake ne tsi karonhiá꞉te óni né tsi ionwenhtsá꞉te ó꞉ni ne kaniatarakeʼkowáhne ó꞉ni ne iahonwenhtsathénhake; 7tánon kwáh enkheiáwake ratikwé꞉kon ne ronhnonhontsakeró꞉nons, ne káti nakotiohkowátsheras onhkweʼtakwé꞉kon ne ronhnonhontsakeró꞉nons nahontakahióntonhke, tánon Kwáh kí ne thentetrá꞉te kí kén꞉en kanónshote ne kaiatanerakwáhtshera, rá꞉ton ne Sakoiá꞉ner ne ratironhiakeró꞉nons. 8Ne kahwistará꞉kens í꞉ih aká꞉wenk, ó꞉ni ne ohwistanó꞉rons í꞉ih aká꞉wenk, rá꞉ton né Sakoiá꞉ner ne ratironhiakeró꞉nons. 9Iáh thahión꞉nise tsi nihiononsanerákwat kí꞉ken Ononsatokentikó꞉wa kwáh sénha ne entionhnonsanerakwátonhke tsi ní꞉ioht nononsakahiónhkwe, rá꞉ton ne Sakoiá꞉ner ne ratironhiakeró꞉nons; tánon ken kí nón꞉we nentkát꞉kawe ne skén꞉nonk thí꞉ken, rá꞉ton ne Sakoiá꞉ner ne ratironhiakeró꞉nons.
10Ne tewáhsen-kaié꞉ri shiwenhniserakéhaton ne tiohtónhaton niwenhnítarahkwe, né꞉ne teiohserahkéhaton né꞉tho Darius, ne raowén꞉na Roiá꞉ner rahonhà꞉ke ne rotokénhse Haggai nontá꞉we, ratónhnionskwe: 11“Ken nahó꞉ten ráton ne Sakoiá꞉ner ne ratironhiakeró꞉nons: ietsirihwanóntons ne ratitsihénstatsis nahó꞉ten wáton ne kaianerénhsera. 12Tóka shí꞉ken shaiá꞉ta rahá꞉wi ne kahwaratokentíston thóh kawenón꞉ni raotiaʼtawíhne ne waʼkóshes, tánon natsherón꞉niat ne kawarakwenonniáton iaʼaʼohseron thikánionʼk kanà꞉taro, khés ne tekakwhaiesthanion, khés nonenharakeri, khés né kénhie, khés tsik nakakhoténhake, iotokénhti ken ienwáton?”
Ne ratsihénstatsis watharihwaʼserá꞉ko, “Iáh.”
13Ethò꞉ne ne Haggai wahèn꞉ron, “Tókaʼ shí꞉ken ónhkak teiakoiatátson iaʼeié꞉na ne iotokénhti í꞉ken ne iotokénhti watsiotióntane ken?”
Ne ratsihénstatsis watharihwaʼserá꞉ko, “Hen watsiotióntane.”
14Ne Haggai ethò꞉ne sahèn꞉ron, Káti kwáh ne shaʼorí꞉wa ne kí onkweshón꞉ʼa, tánon kí꞉ken ratitióhkwaien natkénton rónhnes, rá꞉ton ne Roiá꞉ner. Tánon kwáh satéhiot tsi ní꞉kon rotihiothénhen ne rontsá꞉nakes; tánon tsi nahoʼténhsons ne thóh nón꞉we thotiiestánion tsi iáh tehiotʼkwéniens 15Ók ó꞉nenh, sewanontonhniónko tsi niahawenonhátie tsi niiotón꞉ne nohénton shontahontáhsawen ne watahtinenʼiaserónnion ne raononsatokentikówane ne Roiá꞉ner, 16onhnisewaweienóthenhne? Nó꞉nen nón꞉kak wahón꞉we ne tsi iotónhiote nonátsa iahkoraráhtie tewáhsen nikawinotserá꞉ke enhiakotónhnien, ók oié꞉ri khok nikawinotsherá꞉ke wahakotónhnien; nó꞉nenh nónhkak iahá꞉hen tsitkanakwá꞉here nonenhará꞉keri niahienekotsénhte wísk niwáhsen nikaweró꞉kwahke iakoraratiéne ók tewáhsen khok nikaweróhkhwahke wahakonekaiéntane. 17Kwáh wakonhkarón꞉ni tánon akwé꞉kon ne saienʼthó꞉tsheras ó꞉ni tsi nisahiothenʼen ne iakaténiehte ne kwáh ioweraʼtaríhen tánon takakher꞉fonten ó꞉ni wahonenʼón꞉ti; nek kík sá꞉ka iáh thetsisatatrewáton, rá꞉ton ne Roiá꞉ner. 18Sewanontonhnión꞉ko kén꞉en wenhniserá꞉te iewatáhsawen, né꞉ne tewáhsen kaié꞉ri niwenhniserakéhaton né wenhnì꞉tare ne tiotonhá꞉ton niwenhnitakéhaton. Tsi ná꞉he ne thóh tewenhniserátekwe tkenskwahráston ne Roiá꞉ner raononsatokentikówa, sewahnontonhnión꞉ko: 19Thé꞉nenh ken ne kanenhá꞉sonha iotathenrá꞉hon ne tsi iakehnekeraientháhkwah? Tsi nió꞉re nón꞉wa nonénhare, ne tionhnionwaronhtonhakó꞉wa karón꞉ta, ne wé꞉so iotenénha sewaihó꞉wane, tánon ne iakenhiewátha karón꞉ta shé꞉kon iáh othé꞉non tewahianihióntʼtha. Kwáh kén꞉en wenhniserá꞉te ienwatáhsawen kwáh enkonhiataté꞉riste.
20Ne raowén꞉na ne Roiá꞉ner tontá꞉we tekení꞉haton ionshontératste rahonhà꞉ke ne Haggai né꞉ne tewáhsen-kaié꞉ri siská꞉rakwe ne tiotonháton siwenhnì꞉tare ratónhnions: 21Stá꞉ras né Zerubbabel, ne rakó꞉ra ne Judah, né꞉tho ó꞉nen thó꞉wa akáwake ne tsi karonhiá꞉te ó꞉ni tsi ionwenhtsá꞉te, 22tánon enkheshatstenhseráhkhwa tsi kanonhtiiotsheraké꞉rons; kwáh enkatónhte ne raotishatsténhseras ne tsi ratinontiiotsherakérons tánon enkatónhte notiónhkwas ó꞉ni né꞉ne rontihonwí꞉seres; tánon ne akoshá꞉tens ó꞉ni ne rotishá꞉tens kwáh kí enhonhní꞉heie, satihiatatʼtions né꞉ne raosarekó꞉wa ne atatekénhsera enhontirhió꞉te. 23Ne thóh enwenhniserá꞉teke rá꞉ton ne Sakoiá꞉ner ne ratironhiakeró꞉nons, kwáh kí ienkoniaténhawe, Zerubbabel nakehnháhtshera, ne roʼní꞉ha né꞉ne Shealtiel, rá꞉ton ne Roiá꞉ner, tánon enkonhiónhnien tsi ní꞉ioht nakatsikwenhtónhke anisnón꞉sawi; asè꞉ken Í꞉ʼi enkoniatará꞉kwen, rá꞉ton ne Sakoiá꞉ner ne ratironhiakeró꞉nons.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.