Haggai 1
1
1Ne tekeníhaton sihioseratáhtie né꞉tho Darius siononhtí꞉io, ne iahiá꞉ʼkhaton siwenhnì꞉tahre, ne tiothenhniseratierénhton ne wenhnì꞉tare, ne raowén꞉na ne Roiá꞉ner waohiaʼtó꞉renhne ne Haggai raónha ne rotokénhse roterihóntakwe tsi nokwáh ne Zerubbabel ne roʼní꞉ha né꞉ne Shealtiel, ne rakó꞉rakwe ne Judah, tánon né ó꞉ni raorihwà꞉ke ne Joshua ne roʼní꞉ha né꞉ne Jehozadak, né꞉ne kwáh è꞉neken tókte tsi ratsihénstatsi í꞉ken. Tánon Haggai wahèn꞉ron:
2Ken nahó꞉ten ráton ne Sakoiá꞉ner ne ratironhiaʼkeró꞉nons: Kí꞉ken onhkweshón꞉as rónton iáh aré꞉kho tsehióhe nahonsakanonsónhnike ne Roiá꞉ner raonónhsa. 3Eʼthò꞉ne ne raowén꞉na ne Roiá꞉ner rahonhà꞉ke ne rotokénhse Haggai nontá꞉we, ratónhnions: 4Ó꞉nenh ken thóh tsi nikahá꞉wi ní꞉se ne iatesewahiátis thóh nahisewenhterónhtake ne washirowá꞉nens oswénhkare wasthá꞉nion ne sewanonskónhsons, tsi ná꞉he ní꞉i nakénonsa iorihwenhtà꞉on? 5Nón꞉wa rá꞉ton ne Sakoiá꞉ner ne ratironhiaʼkehró꞉nons: Tesewaiaʼtó꞉ret tsi ní꞉ioht tsi tionnhétie. 6Wé꞉so sewaienthóhsheron, tánon kenʼk ní꞉kon sewaienthó꞉kwen; tesewatská꞉hon, ók iáh kí nonhwén꞉ton tiatesewaié꞉rihse; sewanekirenháties nonenhará꞉keri, ók iáh nonhwén꞉ton tesewaniataná꞉wens; sewathatanawénston, ók iáh kí ónhka teiakohiaʼtarí꞉hens; tánon í꞉se ne sewanhá꞉tsheras tsi natesewathentiáhas kaiará꞉kon sewatáhas iohiarakà꞉ronhte nenhʼné꞉e. 7Káti rá꞉ton ne Sakoiá꞉ner ne ratironhiaʼkehró꞉nons: tesewaiaʼtó꞉ret tsi nitiónhnhetie. 8Wás iasewanonhtá꞉raʼn ne tsi ionhniarónhnions iasewaronhtsá꞉kon tánon tasewakonhretsenháseron tánon sasehwanonhsón꞉ni nononsatokentoʼkó꞉wa, ne ká꞉ti nahónton ahonkerienʼtí꞉io tánon ahiontkwénienste, rá꞉ton ne Roiá꞉ner.
9Wesewésake ne wé꞉so akénhake ók kenk nón꞉kon wesewaʼtshén꞉ri. Tsi nahotentontesewáhawe; i꞉se iahonká꞉ti. Nón꞉tieren? rá꞉ton ne Sakoiá꞉ner ne ratironhiaʼkehró꞉nons. Tiorì꞉wa nakenonsatokentikó꞉wa ehtà꞉ke káien iorihwenhtàhon, otsák ní꞉se sewakwé꞉kon iathetsisewatskén꞉ni tsi tisewahnonshó꞉ton nientsisewatátkhe. 10Ne káti aorì꞉wa ne tsi karonhiá꞉te tahionhnéʼke nahawehiátshera, tánon ne tsi ionwenhtsá꞉te tahionhné꞉ke ne kaienʼthó꞉tsheras. 11Wakstá꞉thate tsi ionwentsá꞉te—tsi ionhniarónnion, tsi kaienthóhseron nonátsa, tsi kanenʼharaienthóhseron, tánon noná꞉tas, náse onenharákeri, ne kenhieshón꞉as, tsi nahó꞉tens nonhóntsa tká꞉nios, nonkweshón꞉as tánon ne kontiʼtshé꞉nens, tánon akwé꞉kon ne raotihioʼthénhseras.
12Ethò꞉ne ne Zerubbabel ne roʼní꞉ha né꞉ne Shealtiel, tánon ne Joshua ne roʼní꞉ha né꞉ne Jehozadak, né꞉ne kwáh è꞉neken tokʼte ratsihénstatsi, skátne ne iateonathathénron nonkweshón꞉as, wahontewenhnárakwe ne raowén꞉na ne Roiá꞉ner raotiní꞉io, tánon ne raowenhnaó꞉kons ne rotokénhse Haggai, tsi kí ní꞉ioht ne Roiá꞉ner raotiní꞉io tsi toteniéhton. Tánon nonkweshón꞉as wahonwakwéniensthe ne Roiá꞉ner. 13Ethò꞉ne ne Haggai, ne rorihwakarenién꞉nis ne Roiá꞉ner, washakotháhrase nonkweshón꞉as tsi nihotherihwanietonhátie ne Roiá꞉ner, rá꞉ton, skátne í꞉tewes ní꞉se, rá꞉ton ne Roiá꞉ner. 14Tánon ne Roiá꞉ner wathonikòn꞉raren ne raotón꞉nhets ne Zerubbabel ne roʼní꞉ha né꞉ne Shealtiel, ne rakórakwe ne Judah, tánon ne raotón꞉nhets ne Joshua né꞉ne roʼní꞉ha ne Jehozadak, né꞉ne kwáh è꞉neken tókʼte ratsihénstatsi, tánon ne raohnatón꞉nhets ratikwé꞉kon ne ietehonathaténhron nonkweshón꞉as. Tánon tahón꞉ne tánon wahotiiò꞉then raononsatokentikowáhne ne Sakoiá꞉ner ne ratironhiaʼkeró꞉nons, raotiní꞉io í꞉ken, 15ne tewáhsen-kaié꞉ri shiwenhniserahkéhaton ne shiwenhní꞉tare, ne iáh-iá꞉khaton niwenhnitakéhaton ne tekeníhaton siioseratá꞉se sionontí꞉iokwe ne Darius.
Currently Selected:
Haggai 1: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
Haggai 1
1
1Ne tekeníhaton sihioseratáhtie né꞉tho Darius siononhtí꞉io, ne iahiá꞉ʼkhaton siwenhnì꞉tahre, ne tiothenhniseratierénhton ne wenhnì꞉tare, ne raowén꞉na ne Roiá꞉ner waohiaʼtó꞉renhne ne Haggai raónha ne rotokénhse roterihóntakwe tsi nokwáh ne Zerubbabel ne roʼní꞉ha né꞉ne Shealtiel, ne rakó꞉rakwe ne Judah, tánon né ó꞉ni raorihwà꞉ke ne Joshua ne roʼní꞉ha né꞉ne Jehozadak, né꞉ne kwáh è꞉neken tókte tsi ratsihénstatsi í꞉ken. Tánon Haggai wahèn꞉ron:
2Ken nahó꞉ten ráton ne Sakoiá꞉ner ne ratironhiaʼkeró꞉nons: Kí꞉ken onhkweshón꞉as rónton iáh aré꞉kho tsehióhe nahonsakanonsónhnike ne Roiá꞉ner raonónhsa. 3Eʼthò꞉ne ne raowén꞉na ne Roiá꞉ner rahonhà꞉ke ne rotokénhse Haggai nontá꞉we, ratónhnions: 4Ó꞉nenh ken thóh tsi nikahá꞉wi ní꞉se ne iatesewahiátis thóh nahisewenhterónhtake ne washirowá꞉nens oswénhkare wasthá꞉nion ne sewanonskónhsons, tsi ná꞉he ní꞉i nakénonsa iorihwenhtà꞉on? 5Nón꞉wa rá꞉ton ne Sakoiá꞉ner ne ratironhiaʼkehró꞉nons: Tesewaiaʼtó꞉ret tsi ní꞉ioht tsi tionnhétie. 6Wé꞉so sewaienthóhsheron, tánon kenʼk ní꞉kon sewaienthó꞉kwen; tesewatská꞉hon, ók iáh kí nonhwén꞉ton tiatesewaié꞉rihse; sewanekirenháties nonenhará꞉keri, ók iáh nonhwén꞉ton tesewaniataná꞉wens; sewathatanawénston, ók iáh kí ónhka teiakohiaʼtarí꞉hens; tánon í꞉se ne sewanhá꞉tsheras tsi natesewathentiáhas kaiará꞉kon sewatáhas iohiarakà꞉ronhte nenhʼné꞉e. 7Káti rá꞉ton ne Sakoiá꞉ner ne ratironhiaʼkehró꞉nons: tesewaiaʼtó꞉ret tsi nitiónhnhetie. 8Wás iasewanonhtá꞉raʼn ne tsi ionhniarónhnions iasewaronhtsá꞉kon tánon tasewakonhretsenháseron tánon sasehwanonhsón꞉ni nononsatokentoʼkó꞉wa, ne ká꞉ti nahónton ahonkerienʼtí꞉io tánon ahiontkwénienste, rá꞉ton ne Roiá꞉ner.
9Wesewésake ne wé꞉so akénhake ók kenk nón꞉kon wesewaʼtshén꞉ri. Tsi nahotentontesewáhawe; i꞉se iahonká꞉ti. Nón꞉tieren? rá꞉ton ne Sakoiá꞉ner ne ratironhiaʼkehró꞉nons. Tiorì꞉wa nakenonsatokentikó꞉wa ehtà꞉ke káien iorihwenhtàhon, otsák ní꞉se sewakwé꞉kon iathetsisewatskén꞉ni tsi tisewahnonshó꞉ton nientsisewatátkhe. 10Ne káti aorì꞉wa ne tsi karonhiá꞉te tahionhnéʼke nahawehiátshera, tánon ne tsi ionwenhtsá꞉te tahionhné꞉ke ne kaienʼthó꞉tsheras. 11Wakstá꞉thate tsi ionwentsá꞉te—tsi ionhniarónnion, tsi kaienthóhseron nonátsa, tsi kanenʼharaienthóhseron, tánon noná꞉tas, náse onenharákeri, ne kenhieshón꞉as, tsi nahó꞉tens nonhóntsa tká꞉nios, nonkweshón꞉as tánon ne kontiʼtshé꞉nens, tánon akwé꞉kon ne raotihioʼthénhseras.
12Ethò꞉ne ne Zerubbabel ne roʼní꞉ha né꞉ne Shealtiel, tánon ne Joshua ne roʼní꞉ha né꞉ne Jehozadak, né꞉ne kwáh è꞉neken tokʼte ratsihénstatsi, skátne ne iateonathathénron nonkweshón꞉as, wahontewenhnárakwe ne raowén꞉na ne Roiá꞉ner raotiní꞉io, tánon ne raowenhnaó꞉kons ne rotokénhse Haggai, tsi kí ní꞉ioht ne Roiá꞉ner raotiní꞉io tsi toteniéhton. Tánon nonkweshón꞉as wahonwakwéniensthe ne Roiá꞉ner. 13Ethò꞉ne ne Haggai, ne rorihwakarenién꞉nis ne Roiá꞉ner, washakotháhrase nonkweshón꞉as tsi nihotherihwanietonhátie ne Roiá꞉ner, rá꞉ton, skátne í꞉tewes ní꞉se, rá꞉ton ne Roiá꞉ner. 14Tánon ne Roiá꞉ner wathonikòn꞉raren ne raotón꞉nhets ne Zerubbabel ne roʼní꞉ha né꞉ne Shealtiel, ne rakórakwe ne Judah, tánon ne raotón꞉nhets ne Joshua né꞉ne roʼní꞉ha ne Jehozadak, né꞉ne kwáh è꞉neken tókʼte ratsihénstatsi, tánon ne raohnatón꞉nhets ratikwé꞉kon ne ietehonathaténhron nonkweshón꞉as. Tánon tahón꞉ne tánon wahotiiò꞉then raononsatokentikowáhne ne Sakoiá꞉ner ne ratironhiaʼkeró꞉nons, raotiní꞉io í꞉ken, 15ne tewáhsen-kaié꞉ri shiwenhniserahkéhaton ne shiwenhní꞉tare, ne iáh-iá꞉khaton niwenhnitakéhaton ne tekeníhaton siioseratá꞉se sionontí꞉iokwe ne Darius.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.