Ecclesiastes 7
7
Nanonhthonhnióntshera Tsi Nòkwah Tsi Iakónhnhe
1Né iakosenhní꞉io sénha ne ioiánere tsi ní꞉ioht ne kwáh tkanóron ionthatsiathakonhonsthákwa; tánon ne tewenhnisehrátheke nónen enshí꞉heie sénha ne ioiánere tsi ní꞉ioht ne sasenhnákerahte.
2Sénha ne tioiánere ne tsík kanónhsohthe ne iakotshónhnion niáhse tsi ní꞉ioht ne tkanónhsohthe ne tiakotenikonhró꞉ri, tsioríhwa né iakónhnhe ónenhk tsi ahionthatehiarahkwenhníhake ne kenhéion tsi tewahkwékon ionkwáhrahre.
3Kanikonhraksénhtshera sénha ioiánere tsi ní꞉ioht ne aiestéristhe; tsioríhwa ne kanikonhraksénhtshera sénha hiontionhniénhnis nahitewathonkwetísa.
4Nónhka né tiókonhthe né ionhnonthonhniónhkwas natʼtsenhnonhniátshera tsiakothónʼnokthe. Ne hiontenikonhratʼtókʼkha né nènhne hionhnonhthonhniónkwa ne kenhéion.
5Sénha tsioiánere né꞉ne ronhtenikonhratʼthókʼkha aiesatewenhnaiéntonhwe tsi ní꞉ioht ne thonathónhnokthe tahiesarihwáhkwaʼse tsi taiesanonhweráton.
6Nónen ne tsiakotónhnhokʼte eniestériste, thóh ní꞉ioht tsi shí꞉ken ní꞉ioht ne ohíkta watʼthathónwaks tsi iotékʼkha. Kwáh iáh othén꞉nen tekéntons.
7Tó꞉ka nónhwa satenikonratʼthókha, ók kíʼ tó꞉ka ónhkak asehnikonhráhten, thóh nisahtierenhátie tsi ní꞉ioht ne thoʼnonhnhótʼte. Tó꞉ka thén꞉enh tahiesatsitkhethá꞉rohse, wasétkenthe ne sahiatorethátshera.
8Né tsi iehiotókʼthe ne thén꞉nen sénha ne iohiá꞉nere tsi ní꞉ioht tsi tsotásahwe.
Ne iakonikonhkátsʼte sénha ne ioiánere tsi ní꞉ioht ne hionthatónhni.
9Tó꞉sa senahkwastó꞉rek, asèken ne kanahkwáhtshera watenaʼtónhnis ronhnenhskwenáhkon ne tonathónʼnokʼthe.
10Tó꞉sa nonhwénhton nasehriwahnónhton, “Onh, nonhtieren tsi sénha ioiánerekwe ne wahónhniseh tkènhne?” Iáh tewatʼthokhatsherí꞉io né ní꞉ioht tsi aieriwahnónhton.
11Ónhka ne iakonnhétie ahó꞉wenk nahiontenikonhratʼthókhake; kwáh et nihioiánere tsi ní꞉ioht nahiontáthon ne kaienthá꞉tshera 12tánon kwáh eh nenhioriwahníronhke tsi nikakwénies nowísta. Natenikonhratʼthokhátshera sahiatanónhstats—né kí꞉ken iokwénies ne karihonnienhnítshera.
13Sanonhthonhniónko tsi nahoténsons ne Rawenni꞉io rohioténʼen. Ónhka ahiekwéni nahonsahiethakwarísi tsi nahó꞉ten ne Rawenni꞉io tehosákton? 14Nónen ne thén꞉nen sahianerastenhnihátie, satsenhnonhníhak, tánon nónen ne kanikonhrarhátshera énwahwe, nék sehiá꞉rak: Rawenni꞉io tetsáron thateniétha atonnharáhtshera ó꞉ni ne kanikonhrarhátshera; iáh nonhwénhton tesahteriéntahre onhʼnientsá꞉wenhne.
15Né tsi kónnhe kwáh iáh othé꞉nen tehioríhonte, ók thóh kíʼ nónhwe akwékon niwahkatʼkáton. Ótsiake tionkwetaiéri iakawenhéion ók ótsiake iakonnhétie nenhʼné꞉e, iawerohátien tsi iakonhkwetahétken. 16Káti tó꞉sa sóhtsi sahiá꞉nerek tó꞉ka ó꞉ni ashatenikonhratʼthókʼkhake—nonhtiéren tsi ahsathatenonhwarhiákon? 17Ók tó꞉sa sóhtsi shonkwetahetkéntak tó꞉ka ó꞉ni kwáh íken tsi ahontesathonnókʼthake, kakʼnhikáien, onhnonhtiéren tsi ohénton ashí꞉heie nohénton niakáhewe? 18Tetsáron éhren shá꞉wit kí꞉ken nahorihoténsons. Tó꞉ka tsánhnaiens ne Rawenni꞉io, kwáh kíʼ ensahianerásten tsi nahontahiotseráhthonhke.
19Natenikonhratʼtokhátshera sénha ne iakoiénawase nónhkwe tsi ní꞉ioht ne oiéri nahatíhake ratikoráhsons tsi nahatí꞉iere ne kanatowáhnen.
20Kwáh iáh ónhka nonhwenhtsáke ienáhkere ne tiókonhte iohiá꞉nere tsi nahiakotiéren tánon iáh nonhwénhton tatehionterientawénhries.
21Tó꞉sa thénen kariwaʼsónhni tsi nahiontónnheʼke nonhkweshón꞉ʼa—onhtiérenk ensatʼthóntene ne sahnáhtshera iakenrensehrónhnis, 22tánon iateshá꞉ti sateriéntare tsi sehkenrensehronhníhon nonhkweshón꞉ʼa wéso ioriwáhke.
23Akatʼthokhátshera wakátston tsi wakátkenhse noriwahkwékon kí꞉ken. Iatewakeriwaiéntase nakatenikonhratʼthókhake, ók ínonh tkaiénthakwe nakonháke. 24Onh naiáwenhne nónhkak ahieriwahtsénri nahó꞉ten kéntons ne tsi iakónnhe? Sóhtsi tehionhótes nonhkwariwáhke, sóhtsi ioníronh nahiakonikonhraiéntane. 25Kwáh wahkathaʼtsiatakweʼní꞉iosthe ne karihonnienhnítshera tánon nakatewéiensthe; kwáh iatewakeriwahiénthase naketsénhri natʼthokhátshera tánon takariwahsehráhkwen tsi nikeriwahnónhtons, tánon nahonkateriéntarahne onhʼní꞉ioht ne ononhwaroríhta tánon ne kanahkwáhtshera tsi nióre tsi tehiotenonhwahroríthonthe.
26Waketʼtsénri knahótenk sénha ionikonhráksat tsi ní꞉ioht ne kenhéion—né iónhkwe né thóh nihiónnhothe tsi ní꞉ioht ne waterísthaien. Né kanoronhkwáhtshera thiʼsáwis kwáh thóh ní꞉ioht tsi ensahiéna tsi ní꞉ioht ne ahá꞉re, tánon ne kanenhtsáke ne tesahwahnákʼthon thóh ní꞉ioht tsi ensahiéna tsi ní꞉ioht noronhkwása. Né rónhkwe ne thonikonhraiérits ne Rawenni꞉io enhakwéni nahatèko, ók kíʼ enhiakohiéna nenènhʼne ne rotiriwáhneren. 27Hén, wahénron ne sakorihonhniénhni, kénk nikonhátie tsi wakeriwatʼtsénhri tsi náhe kèsaskwe ne tekariwahseráhkwen. 28Kèsaskwe ó꞉ni nóia ní꞉ioht tsi takariwahseráhkwenke ók iáh kíʼ thén꞉nen tewaketʼtsénhrion. Saiáta wahihiatatʼtsénhri né꞉ne énska tewenhniawehetʼtseráhsen niérahthe nahónton ahikwéniensthe, ók iáh kíʼ nenhné꞉e ne skaiáta ne tionthonwísen tetsiatatʼtsénhrion. 29Tók kí꞉ken níkonh wakeweientheʼtáhon: Ne Rawenni꞉io tsi sonkwahiatíson kwáh íken tsi iáh tewateriwenhtó꞉re tánon wateriwatsésen, ók wetewahthathónhnien ne kwáh ahonteriwenhtó꞉rehke.
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.