Zakaryaasa 4
4
Xompe Wothiya Kocaa Qoncethi
1Hessafe guye, taara haasaya kiitanchoy simmidi yidi, dhiskida asi barkiya mela tana barkisis. 2I taako, “Neeni ay be7ay?” yaagis.
Taani zaarada, “Taani worqa xalaalape oosetida xompe wothiya kocaa be7ayis; iya xeeran zayte xaaroy de7ees. Qassi iya bolla laapun xompeti de7oosona; he laapun xompetas laapun laapun piiqeti de7oosona. 3He xompiya wothiya kocaa matan nam7u shamaho mithati de7oosona. Enti zayte xaaruwape ushacha baggaranne haddirsa baggara de7oosona” yaagas.
4Taara haasaya kiitanchuwa, “Ta godaw, haysi aybee?” yaagada oychas.
5Kiitanchoy zaaridi, “Haysati aybeko erikii?” yaagis.
Taani zaarada, “Ta godaw, taani erike” yaagas.
6I taako, “Zarubaabelas Goday odida qaalay haysa; ‘Ta Ayyaananape attishin, wolqan woyko minotethan gidenna’ yaagees Ubbaafe Wolqaama Goday. 7Gita zumaw, neeni aybee? Neeni Zarubaabela sinthan lichi gida demba gidana. Zarubaabeli xoossa keethaa keexi polidi, wursetha shuchaa kessiya wode asay, ‘Hashshu! Hashshu poletis’ ” yaagana.
8Qassika Godaa qaalay taako haysada yaagidi yis. 9“Xoossaa keetha baasuwa Zarubaabela kusheti baasidosona; iya kusheti keexidi polana. Hessafe guye, Ubbaafe Wolqaama Goday tana hinteko kiittidaysa hinte erana. 10Ha guutha doomethaa kadhiya oonika guyepe ufaytana; enti Zarubaabela kushen tumbiya be7ana. Haysati laapun xompeti biitta ubbaa yuuyidi xeelliya Godaa ayfeta” yaagis.
11Taani kiitanchuwa zaarada, “Ha xompe wothiya kocaape ushacha baggaranne haddirsa baggara de7iya ha nam7u shamahoti aybee?” yaagada oychas. 12Gujadaka, “Zaytey entafe goggiya nam7u worqa piiqeta matan de7iya nam7u shamaho mitha tasheti aybee?” yaagada oychas.
13I zaaridi, “Haysati aybeko neeni erikii?” yaagis.
Taani zaarada, “Ta godaw, taani erike” yaagas.
14I zaaridi, “Haysati sa7a ubbaa Godaas oothiya nam7u tiyetida asata” yaagis.
Currently Selected:
Zakaryaasa 4: GFBLVF
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Ethiopia
