Zakaryaasa 2
2
Yegetha Wodoro Oykida Ura
1Hara qoncethan ba kushen wadha wodoro oykida issi asi be7as. 2Taani, “Neeni aw bay?” yaagada oychas.
I zaaridi, “Taani Yerusalaame dalgatethaynne adussatethay ay meleko wadhanaw bayis” yaagis.
3Hessafe guye, taara haasaya kiitanchoy keyidi bis; iyara gahetanaw hara kiitanchoy yis. 4Yida kiitanchoy, “Woxa bada, na7atetha addiyako, ‘Yerusalaamen daro asinne daro mehey daana gisho, katamaa yuushon gimbe dirsi koshshenna. 5Taani iya yuushuwan tama dirsi gidana; taani iyaw boncho gidana’ yaagees Goday.
6“Taani hintena biitta oyddu baggaa laallida gisho, yaape keyite; elle keyite; pudeha bagga biittafe baqatite” yaagees Goday.
7“Neno, Xiyoone keya; Babiloone macca nayta giddon de7iyare, enta giddofe baqata” yaagees Goday.
8Ubbaafe Wolqaama Goday iya bonchuwa qoncisana mela, ba asaa bonqida kawotethatako tana kiittidi, “Hintena bochiya uray iya ayfiya buluwa bochees. 9Taani ta kushiya enta bolla denthana; enta aylleti enta zaaridi bonqana. He wode hinte Ubbaafe Wolqaama Goday tana kiittidaysa erana.”
10“Taani yada hinte giddon daana gisho, Xiyoone asaw, zamarite; ufaytite!” yaagees Goday.
11He wode daro kawotethati Godaara gahetidi iya ase gidana. I hinte giddon daana; Ubbaafe Wolqaama Goday tana hinteko kiittidaysa he wode hinte erana. 12Geeshsha biittan Yihuda, bana gakida gisho oothidi laattana; Yerusalaame zaaridi doorana. 13Goday ba de7iya geeshsha bessan dendida gisho, asho ma77ida ubbay iya sinthan si77i go!
Currently Selected:
Zakaryaasa 2: GFBLVF
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Ethiopia
