Zakaryaasa 10
10
Xoossay Yihuda Anjana
1Balgoy gakiya wode Goday ira immana mela woossite. Goday ira tookida shaara kiittees; asaas ira immees; goshshan atakilte dolisis. 2Eeqati hadaba odoosona; maroti wordo qoncethi be7oosona; amuheysati wordo amuho odoosona; hada minthetho minthethoosona. Hessa gisho, asay dhayida dorsada toylatoosona; enta heemmiya asi bayna gisho, enti qohetidosona.
3Goday haysada yaagees: “Ta hanqoy henthanchota bolla eexi keyis; he kaaletheyisata taani seerana. Ubbaafe Wolqaama Goday ba wudiya Yihuda heemmees. I enta olas giigida wolqaama para mela oothana. 4Yihuda asaa giddofe quste shuchaa mela, dunkaane dhishe melanne ola toora mela hanida kaaletheysati keyana. 5Banta morketa ogiya urqada yedhiya mino olanchota mela gidana. Goday entara de7iya gisho, enti oletidi xoonana.
6“Taani Yihuda asaa minthethana; Yoosefa asaa ashshana. Taani entaw qadhetiya gisho, enta zaarada ehana. Enti taani kaseka enta yeggaboonna asa mela gidana. Taani Godaa enta Xoossaa gidiya gisho, enta woosa si7ana. 7Isra7eele asay mino olancho mela gidana; woyne uyida asada enta wozanay ufaytana. Enta nayti hessa be7idi, hashshu gaana; enta wozanay Godan ufaytana.
8“Taani ta asaa suyqada xeegana; enta issife shiishana. Taani enta wozana; enti kaseysada darana. 9Taani enta kawotethata giddon laallikoka enti banta de7iya haaho biittan gididi tana hassayana. Qassi entinne enta nayti de7on daananne banta biitta simmana.
10“Taani enta Gibxe biittafe zaarana;
Asoore biittafe enta shiishana.
Entaw uttiya bessi dhayana gakanaw
taani enta Galada biittaninne
Libaanose biittan kunthana.
11Enti meto abba giddora aadhiya wode
taani Goday abba seerana.
Ciimmo gidida Nayle shaafay melana.
Asoore biitta otoroy kawuyana;
Gibxe kawotetha xam7ay meqana.
12Taani, enta Goday enta minthana;
enti iya sunthan hemetana.
taani Goday haysa odayis” yaagees.
Currently Selected:
Zakaryaasa 10: GFBLVF
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Ethiopia
