Taybo 34
34
Isra7eele Biitta Zawa
1Goday Museko, 2“Isra7eele asaas haysada gada oda; hinte Kanaane geliya wode ta hintew laata oothada immana biitta zaway haysa. 3Dugeha bagga zaway Siina mela biittafe dendidi Edoome zawa kanthees. Doloha baggara hinte zaway Maxine Abbaafe duge baggara doomidi, 4Aqirabima aadhiya bessaa shaakidi Siina biitta bazzuwa kanthidi dugeha baggara Qaades-Barne gakees. Yaape Hadar-Adaara kanthidi Aximoona gakees. 5Aximoonape dendidi Gibxe shaafa guye simmidi Medetiraane Abbaa gakees.
6“Wuloha bagga zaway Medetiraane Abbaa gaxa gidana.
7“Pudeha bagga zaway Medetiraane Abbaa kaallidi Hoora zuma gakanaw bees. 8Hoora zumaape Hamaata geliya bessaa gakanaw bees; he zawa wursethay Xadaada. 9Yaape dendidi Zifiroona gakidi, Haxar-Enaanan eqees; pudeha bagga zaway haysa.
10“Doloha bagga zaway Haxar-Enaanape Safaama mallaa gakees. 11Safaama mallafe dendidi Aynape doloha baggara Irbila duge wodhidi Kenereeta Abbaafe doloha baggara de7iya zumata gakees. 12Hessafe hinte zaway duge Yordaanose shaafa wodhi zawaydi Maxine Abbaa gakees. Hinte biitta yuusho zawati haysata” yaagis.
13Musey Isra7eele asaa haysada yaagidi Kiittis; “Uddufun bagga kochaas hinte saama yeggidi shaakana laata biittay haysa. 14Robeela kochay, Gaade kochaynne Minaase kochaafe baggay, 15banta laata Iyaarkofe hefinthan, Yordaanose Shaafape doloha baggan ekidosona” yaagis.
16Goday Museko, 17“Kahiniya Alaazaranne Nawe na7aa Iyyasuy he biitta asaas shaako. 18Qassi biitta shaakanaw maadana mela issi issi kochaafe issi issi halaqa doorite.” 19Enta sunthay haysafe kaallidi de7eysa.
Yihuda kochaafe Yoofona na7aa Kaaleba;
20Simoona kochaafe Amhuda na7aa Salam7eela;
21Biniyaame kochaafe Kisiloona na7aa Eldaada;
22Daane kochaafe Yogila na7aa Buuqa;
23Yoosefa na7aa Minaase kochaafe Sufeeda na7aa Hani7eela;
24Yoosefa na7aa Efreema kochaafe Shifixaana na7aa; Qamu7eela;
25Zabloona kochaafe Farnaaka na7aa Elsafaana;
26Yisakoora kochaafe Hooza na7aa Palxi7eela;
27Aseera kochaafe Salooma na7aa Ahuda;
28Niftaaleme kochaafe Amhuda na7aa Padahi7eela;
29Kanaane biitta Isra7eele asaas laata oothidi shaakidi immana mela Goday kiitida asati haysata” yaagis.
Currently Selected:
Taybo 34: GFBLVF
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Ethiopia
