Taybo 27
27
Selophaada Macca Nayta Oysha
1Selophaadi Hefeera na7a; Hefeeri Galada na7a; Galadi Makira na7a; Makiri Minaase na7a; Minaasey Yoosefa na7a. Selophaada macca nayti Mahilo, No7o, Hoglo, Milkonne Tirxo. 2Ha macca nayti geeshsha dunkaaniya pengen Muse sinthan, kahiniya Alaazara sinthan, halaqata sinthaninne maabara ubbaa sinthan eqidi, 3“Nu aaway mela biittan hayqis; I ba nagaraa gaason hayqisipe attishin, Godaa bolla dendida Qore kaalleyisata giddon deenna. Iyaw adde na7i baawa. 4Yaatin, nu aaway adde na7a yeliboona gisho iya sunthay iya kochaa giddofe waanidi dhayii? Nu aawa dabbota giddon nuus laata biitta imma” gidoosona.
5Yaatin, Musey enta oysha Godaa sinthe shiishis. 6Goday Museko, 7“Selophaada macca nayta oyshay like; enta aawa dabbota giddon neeni entaw laata biitta imma; iya gishoy enta laata gido. 8Qassi Isra7eele asaako, ‘Issi asi adde na7a yelonna hayqiko iya macca nayti laatto. 9Iyaw macca na7i baynaba gidiko iya ishati laatto. 10Iyaw ishi baynaba gidiko iya aawa ishati laatto. 11Iyaw aawa ishi baynaba gidiko iya mata dabboy laatto. Taani Goday nena kiitidaysada haysi Isra7eele asaas woga gido’ ” yaagis.
Muse Bessan Iyyasu Dooretetha
12Goday Museko, “Abariima Zumaa bolla keyada ta Isra7eele asaas immida biitta be7a. 13Ne be7idaape guye, ne ishaa Aaronada neka hayqada ne mayzatan gahetana. 14Xiina mela biittan, Mariba haatha matan asay ta bolla zuuzumida wode hinte nam7ay enta sinthan tana geeshshi oothidi bonchibeeketa” yaagis. (Mariba haathay Xiina mela biittan, Qaadesa geetetiya bessan de7iya pulto.)
15Musey Godaako, 16“Asa ubbaas de7o immiya Godaa Xoossaw, ne asay henthanchoy bayna wude mela gidonnaada, 17ha asaa sinthan keyaanne geliya qassi enta kaalethidi kessiyanne gelsiya issi asi ha maabara bolla shuuma” yaagis.
18Goday Museko, “Ayyaanay iyan de7iya Nawe na7aa Iyyasu ekada ne kushiya iya bolla wotha. 19Iya kahiniya Alaazara sinthaninne maabara ubbaa sinthan essada enti be7ishin shuuma. 20Isra7eele ubbay iyaw kiitetana mela ne maatape iyaw shaakada imma. 21Ika Uriimen Godaa sheniya oychidi shaakiya kahiniya Alaazara sinthan eqo. Iyyasuynne Isra7eele maabaray ubbay Alaazara kiitan keyonne gelo” yaagis.
22Musey Goday kiitidaysada oothis; Iyyasu efidi, kahiniya Alaazara sinthaninne maabara ubbaa sinthan essis. 23Goday kiitidaysada Musey ba kushiya iya bolla wothidi shuumis.
Currently Selected:
Taybo 27: GFBLVF
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Ethiopia
