Taybo 17
17
Aarona Xam7a Aacetha
1Goday Museko, 2“Isra7eele asay issi issi kochaa halaqatape issi issi xam7a ekidi tammanne nam7u xam7a new ehana mela entaw oda. He xam7aa bolla issi issi asaa sunthaa xaafa. 3Issi issi kochaa halaqaas issi xam7a koshshiya gisho, Leewe xam7aa bolla Aarona sunthaa xaafa. 4He xam7ata geeshsha dunkaaniya giddon ta neera gahetiya Taabotiya sinthan wotha. 5Ta dooriya uraa xam7ay aacana; hessada oothada hinte bolla Isra7eele asaa zuuzuntha ta teqana” yaagis.
6Hessa Musey Isra7eele asaas odin, tammanne nam7u halaqati huuphen huuphen issi issi xam7a ehidosona. Aarona xam7ayka he xam7ata giddon de7ees. 7Musey he xam7ata ubbaa geeshsha dunkaaniya giddon Godaa sinthan wothis.
8Wontetha gallas Musey geeshsha dunkaaniya giddo geliya wode Leewe koche gidida Aarona xam7ay aacidaysa, gambuxidaysa, ciiyidaysanne lawuze mitha ayfe ayfidaysa be7is. 9Musey xam7a ubbaa Godaa sinthafe ehidi Isra7eele asaa bessis. Enti hanidaba be7idaape guye issi issi halaqay banta xam7aa xam7aa ekidosona. 10Goday Museko, “Aarona xam7aa Taabotiya sinthan zaarada wotha. Makallida Isra7eele asay ta bolla zuuzuntha aggonna ixiko hayqanaysa entaw malaata oothada wotha” yaagis. 11Musey, Goday kiitidaysada oothis.
12Isra7eele asay Museko, “Hessa gidiko, nu ubbay hayqana; dhayana. 13Geeshsha dunkaaniyako shiiqiya ubbay hayqana gidiko, nu ubbayka hayqoos guusseyee?” yaagidosona.
Currently Selected:
Taybo 17: GFBLVF
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Ethiopia
