Leeweta 4
4
Nagara Yarsho
1Goday Museko haysada yaagis; 2Neeni Isra7eele asaas haysada yaagada oda; oonika qoponna nagara oothiko woyko Godaa kiitatape issuwa menthiko, 3Dooretida kahiney nagara oothidi asaa gomen gathiko, I ba oothida nagaraa gisho borey bayna wofaano Godaas nagara yarsho oothidi eho. 4He wofaanuwa Geeshsha Dunkaaniya penge ehidi, huuphen ba kushiya wothidi Godaa sinthan shuko. 5Dooretida kahiney wofaanuwa suuthaafe guuthara ekidi Geeshsha Dunkaaniya gelsidi, 6ba biradhiya suuthan yeddi ekidi Geeshsha Dunkaaniya magarajuwa sinthan Godaa sinthan laapun toho wurxo. 7Kahiney guutha suuthi ekidi Geeshsha Dunkaaniyan Godaa sinthan sawiya ixaane cuyisiya bessan de7iya kaceta tiyo. Attida suuthaa Geeshsha Dunkaaniya geliya penge baggara de7iya xuussa yarsho bessa garsan gusso. 8Nagara yarshos shuketida wofaanuwa modhuwa ubbaa, ulo ashuwa ma7ida modhuwa, 9nam7u kilahota, enta kammida moodhiyanne tiriya xeera baggaa eko. 10Issifetetha yarshos shuketida wofaanuwa modhuwa kessidaysada iyape modhuwa kesso. Kahiney xuussa yarsho oothidi yarsho bessan xuuggo. 11Shin wofaanuwa galbaa, iya ashuwa ubbaa, iya huuphiya, iya tohota, ulo ashuwa, tociya, 12ashuwape attidaysa ubbaa gutaape kare kessidi bido yeggiya woga mela geeshsha bessi efidi yan taman xuuggo.
13Isra7eele maabara ubbay qoponna nagara oothikonne Godaa kiitatape issuwa menthiko hessi entafe qosetikoka entaw bala gididi taybetana. 14Enti oothida nagaraa akeekiya wode nagara yarshos haniya wofaano Geeshsha Dunkaaniya sinthe eho. 15Maabara cimati banta kushiya wofaanuwa huuphen wothidi Godaa sinthan shuko. 16Dooretida kahiney wofaanuwa suuthaafe guuthara ekidi Geeshsha Dunkaaniya gido gelo. 17I ba biradhiya suuthan yeddi ekidi magarajuwa sintha baggara Godaa sinthan laapun toho wurxo. 18Qassi guutha suuthi ekidi, Geeshsha Dunkaaniya giddon Godaa sinthan ixaane cuyisiya bessan de7iya kaceta bolla tiyo. Attida suuthaa Geeshsha Dunkaaniya geliya pengiya baggara de7iya xuussa yarsho bessa garsan gusso. 19Modho ubbaa ekidi yarsho bessan xuuggo. 20Ha wofaanuwaka nagara yarshos shuketida wofaanuwa mela oothada shiisha. Hessada oothidi, kahiney nagara atotetha wogaa polana; asaa nagaray atto geetetana. 21Kahiney wofaanuwa gutaape kare kessidi, koyro wofaanoy xuugetidaysada iyaka xuuggo; hessi maabaraas yarshetiya nagara yarsho.
22Asaa kaalethiya shuumatape issoy qoponna nagara oothikonne Godaa Xoossaa kiitaape issuwa menthiko he uray bala. 23I ba oothida nagaraa akeekidaape guye, borey bayna issi kole eho. 24He koliya huuphen ba kushiya wothidi xuussa yarshoy yarshetiya bessan Godaa sinthan shuko; hessi nagara yarsho. 25Kahiney ba biradhiya suuthan yeddi ekidi, xuussa yarsho bessan de7iya kaceta bolla tiyo; attida suuthaa qassi xuussa yarsho bessa garsan gusso. 26Issifetetha yarshos shiiqida modhuwa ubbaa xuuggidaysada ha koliya modhuwa xuuggo. Hessada oothidi, kahiney he uraa nagara qushisees; he uraa nagaray atto geetetana.
27Maabaraape issi asi qoponna nagara oothikonne Godaa kiitaape issuwa menthiko he uray bala gidees. 28I ba oothida nagaraa akeekidaape guye borey bayna macca deeshi ba nagaraa gisho eho. 29Ba kushiya he deeshe huuphen wotho; yaatidi xuussa yarsho bessan nagara yarsho oothidi shuko. 30Hessafe guye, kahiney he deeshe suuthan ba biradhiya yeddi ekidi xuussa yarsho bessan de7iya kaceta bolla tiyo. Attida suutha ubbaa yarsho bessaafe garsan gusso. 31Issifetetha yarshos shuketida mehiyape modhuwa kessidaysa mela he deeshe modhuwa qaari kessidi, yarsho bessan Godaas sawo tonku giya yarsho oothidi xuuggo. Hessada oothidi, kahiney he uraa nagaraa qushisees; iya nagaray atto geetetana.
32He uray ba nagaraa gisho yarshey dorse gidiko, borey bayna macca dorse gido. 33I ba kushiya he dorse huuphen wotho; yaatidi, xuussa yarsho mehe shukiya bessan shuko. 34Hessafe guye, kahiney dorse suuthan ba biradhiya yeddi ekidi xuussa yarshoy yarshetiya bessan de7iya kaceta bolla tiyo. Attida suuthaa yarsho bessaafe garsan gusso. 35Issifetetha yarshos shuketida mehiyape modhuwa kessidaysada he dorse modhuwa qori kessidi, yarsho bessan Godaas xuussa yarsho oothidi xuuggo. Hessada oothidi, kahiney he uraa nagaraa qushisees; iya nagaray atto geetetana.
Currently Selected:
Leeweta 4: GFBLVF
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Ethiopia
