Kessa 22
22
Shalo Naago Woga
1“Issi asi boori woyko dorse kaysidi shukiko, woyko bayziko, boora gisho ichashu boorata, dorsaa gisho oyddu dorsata ciggo.
2“Kaysoy keethe bookishe oyketidi shocetidi hayqiko, shoci wodhidaysi oyshetenna. 3Shin hessi haniday gallas gidiko, I he gusida suuthaa acuwan oyshetees. Kaysoy ba kaysidaysa zaaro, shin iyaw zaaranabay dhayko ba huuphen aylletethas bayzeto. 4I kaysida mehey paxa de7ishe iya kushen bentiko, boori woyko hare woyko dorse gidiko, I kaysidaysas nam7u kushe ciggo.
5“Issi asi ba mehiya denban woyko woyne gaden heemmishin, mehey hara asa kathi miiko, I ba kathaafe woyko ba woyniyape lo77uwa aca qanxo.
6“Issi asi ba gaden tama xuuggishin tamay buuriya kanthidi hara asa gaden dicciya kathaanne dooriya miiko, tama oythida uray aco qanxo.
7“Issi asi bira woyko hara al7o miishe ba shooruwas hadara immin, he shooruwa soope kaysoy he miishiya ekikonne he kaysoy oyketiko, he kaysoy miishiya nam7u kushe ciggo. 8Shin kaysoy bentonna ixiko, uray Xoossaa sinthe shiiqidi, ba shooruwa miishiya, I ekonnaysa erisanaw caaqo.
9“Nam7u asati boora gaason woyko hare gaason woyko dorsa gaason woyko ma7o gaason woyko hara dhaydaba gaason mootetidi, Xoossaa sinthe shiiqiko, Xoossay iya bolla pirdidaysi nam7u kushe ciggo.
10“Issi asi hare woyko boori woyko dorse woyko hara mehe hadara immidasuwan hayqiko woyko me7iko woyko oonika be77onna kaysotetiko, 11hadaro ekidaysi ba laggiya mehiya kaysotonaysa Godaa sinthan caaqo. He mehiya goday caaquwa eko; mehey iyape dhayida uray cigganaw koshshenna. 12Shin mehey kaysotetidaba gidiko, mehiya godaas ciggo. 13He mehiya do7i midaba gidiko, marka gidanaada gawuxaa eho; do7i midaba gidiko iyaw ciggofo.
14“Asi ba shooruwape mehe woossi ekiko iya goday bayna bessan he mehey deshetiko woyko hayqiko, he mehiyas ciga immo. 15Shin iya goday iyara de7ishin hessi hanidaba gidiko aca qanxofo. Hashe ekidaba gidiko, he hashe miishey aco gate gido.
Duussa Wogata
16“Issi asi issi geela7iw cimmidi, iira zin7etiyaba gidiko, iw aca immidi, baw macho ootho. 17I aaway iyo iyaw immanaw koyona ixiko, geela7o ekiya uray aca immiya miishe mela I aawas immidi acco.
18“Bita bitiya maccasi hayqo.#Zaare 18:10-11.
19“Mehera tuniya oonika hayqo.#Leewe 18:23; 20:15.
20“Xoossaafe hara godatas yarshiya oonika hayqo. 21Hinte Gibxe biittan bete asi gididi, de7ida gisho, bete asi qohopite woyko un7ethofite. 22Am7etanne yi7ota un7ethofite. 23Hinte enta un7ethiko, enti taako waassana; 24taani enta waasuwa si7ana. He wode ta hinte bolla hanqetada hintena olan wursana. Hinte macheti am7o, hinte naytika aawu baynayisata gidana.
25“Hinte giddon de7iya manqo gidida ta asaape oodeska miishe tal7iko, yelon tal7iya asada yelo oychofite. 26Neeni issiba gisho, iya ma7uwa oykida asi de7iko, awi wullonna de7ishin iya ma7uwa zaara. 27I ma7idi aqey I xalaala. I hara ay ma7idi aqanaw danda7ii? Taani qadhetiya Xoossi gidiya gisho, I taako waassiya wode si7ana.
28“Xoossaa bolla#22:28 Xoossa bolla: “Daynnata bolla” cashsha qaala haasayopa, woyko ne deriya ayseysa baaddofa. 29Ne kathaafe, ne woyne ushshafenne ne shamaho zaytiyape taw yarsho yarsha.
“Bayra gididi yeletida adde na7aa taw imma. 30Ne miizapenne ne dorsaafe bayra yeletidaysa taw imma. Enti laapun gallas gakanaw, banta aayetara gam7o; hospuntho gallasan enta taw imma.
31“Hinte taw geeshsha asi gidanaw koshshees. Hessa gisho, do7i menthidi wodhida mehe asho moopite; hessa kanas yeggite.”
Currently Selected:
Kessa 22: GFBLVF
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Ethiopia
