- नहेम्याह 1
1
यरूशलेम के लाने नहेम्याह चिन्तित
1हकल्याह कौ मोंड़ा नहेम्याह के बचन। बीसवें साल के किसलेव नाओं के मईना में, जब मैं शूशन नाओं राजगढ़ में रैत हतो, 2तब हनानी नाओं मोरो एक भईया और यहूदा सें आए भए भौत से मान्सन आए; तब मैंने उनसें उन बचे भए यहूदियन के बारे में जो गुलामी सें छूट गए हते, और यरूशलेम के बारे में पूंछो। 3उनोंरन ने मोय सें कई, “जो बचे भए मान्सन गुलामी सें छूटकें ऊ देस में रैत आंय, बे बड़ी बुरई दसा में पड़े आंय, और उनकी निन्दराई होत आय; कायसें यरूशलेम की सहरपनाह टूटी भई, और ऊके फाटक जले-भए आंय।”
4जे बातें मैं सुनतई बैठकें रोऊन लगो और बिलात दिना लौ रोऊत रओ; और सरग के यहोवा परमेसुर के सामूं उपास करत रओ और ऐसो कहकें बिन्तवाई करत रओ, 5“हे सरग के यहोवा परमेसुर, हे महान और भयजोग ईसुर! तें जो अपने प्रेम रखबेवारे और हुकम मानबेवारे के बारे में अपनी बाचा पालत और उनपै दया करत आय; 6तें कान लगाए और आंखें खोलें रईयो कि जौन बिन्तवाई मैं तोरो दास ई बेरा तोरे दास इस्राएलियन के लाने दिन-रात करत रैत आंव, ऊहों तें सुन ले। मैं इस्राएलियन के पापन हों जो हमोंरन ने तोरे बिरोद में करे आंय, मान लेत आंव। मैं और मोरे बाप के घराने दौनऊ ने पाप करो आय। 7हमने तोरे बिरूद्ध में भौत बुराई करी आय, और जो हुकम, तौर-तरीके और बिधियां जो तेंनें अपने दास मूसा हों दए हते, उनहों हमने नईं मानो। 8ऊ बचन हों याद कर, जो तेंनें अपने दास मूसा सें कय हते, ‘तुमोंरें बिसवासघात करौ, तौ मैं तुमोंरन हों देस देस के मान्सन में तितर-बितर करहों। 9परन्त जदि तुमोंरें मोरी कोद फिरौ, और मोरे हुकम मानौ, और उन पै चलौ, तौ चाए तुमोंरन में सें निकारे भए मान्सन आकास की छोर में भी होबें, तौभी मैं उनहों उतै सें इकट्ठो करकें ऊ जागां में पोंचाहों, जीहों मैंने अपने नाओं के रैबे के लाने चुन लओ आय।’ 10अब बे तोरे दास और तोरी परजा के लोग आंय जिनहों तेंनें अपनी बड़ी ताकत और ताकतवारे हांथन सें छुड़ा लओ आय। 11हे पिरभु तोसें जा बिनती आय, कि तें अपने दास की बिन्तवाई पै, और अपने उन दासों की बिन्तवाई पै, जो तोरे नाओं कौ डर मानबो चाहत आंय, कान लगाकें सुन ले और आज अपने दास कौ काम सफल कर, और ऊ मान्स हों ऊपै दयालु कर दे।” मैं तौ राजा कौ पियाबेवारो हतो।
Currently Selected:
- नहेम्याह 1: BHB
Highlight
Copy
Compare
Share
Want to have your highlights saved across all your devices? Sign up or sign in
New Testament books: © 2018 Central India Christian Mission.
Old Testament books: © 2018 Central India Christian Mission and Pioneer Bible Translators
