Saauv Mienh 34
34
Kaa^naa^an Deic-Bung Nyei Gapv-Jaaix
1 Ziouv gorngv mbuox Mose, 2“Oix zuqc mbuox I^saa^laa^en Mienh, ‘Meih mbuo bieqc Kaa^naa^an Deic-Bung, dongh yie bun weic zoux meih mbuo nzipc nyei buonc wuov norm deic-bung nyei gapv-jaaix, ziouc maaih hnangv naaiv.
3“+‘Naamh bung nyei gapv-jaaix se yangh Sin Deic-Bung-Huaang, gan E^ndom nyei gapv-jaaix mingh. Yiem dong bung se yiem Koiv-Daic#34:3 Koiv-Daic aengx maaih ganh norm mbuox heuc Koiv-Nzauv. jomc nyei dorngx jiez gorn, 4aengx huing mingh naamh bung taux Aakc^lapv^mbim#34:4 Aakc^lapv^mbim nyei eix leiz se ziepc nyeic ndaangh. Zorng, jiex Sin Deic-Bung-Huaang, aengx hungx jienv naamh bung taux Kaa^ndetc Mbaanie. Aengx jiex mingh taux Haasaa Latv^ndaa, aengx jiex taux Atc^mon. 5Yiem Atc^mon ziouc huing mingh taux I^yipv Ndoqv aengx cuotv mingh taux Me^ndi^de^le^nien Koiv.
6“+‘Fai bung nyei gapv-jaaix se Me^ndi^de^le^nien Koiv. Naaiv se meih mbuo fai bung nyei gapv-jaaix.
7“+‘Baqv bung nyei gapv-jaaix oix zuqc yiem Me^ndi^de^le^nien Koiv baeng zaqc nyei mingh Ho^aa Mbong. 8Yiem Ho^aa Mbong mingh taux bieqc Haamatv#34:8 Haamatv maaih deix heuc Le^mbo Haamatv. Eix leiz se “bieqc Haamatv wuov norm dorngx.” nyei jauv. Aengx jiex taux Se^ndatc, 9mingh taux Sifon, aengx mingh jomc Haasaa Enan. Naaiv oix zoux meih mbuo baqv bung nyei gapv-jaaix.
10“+‘Dong bung nyei gapv-jaaix oix zuqc yiem Haa^saa^le^nan, baeng zaqc nyei mingh taux Sefaam. 11Yiem Sefaam gapv-jaaix ziouc njiec taux Lipv^laa Zingh, yiem Aayin dong bung maengx, aengx gan Gaa^li^li Koiv-Dorn dong bung maengx nyei mbaiv njiec. 12Gapv-jaaix ziouc yiem naaic gan Jor^ndaen Ndaaih njiec, mingh taux jomc Koiv-Daic.#34:12 Beiv mangc Saauv Mienh 34:3.
“+‘Naaiv ziouc benx meih mbuo nyei deic-bung ziux bung-bung nyei gapv-jaaix huing jienv.’+”
13Mose mbuox I^saa^laa^en Mienh, “Naaiv se meih mbuo oix zuqc dingc maengc mangc, paaiv bun nqoi nyei ndau weic zoux meih mbuo nzipc nyei buonc. Se Ziouv paaiv bun nduoh fingx caux ndaamv-fingx nyei ndau,#Saauv Mienh 26:52-56; Yo^su^waa 14:1-5 14weic zuqc Lu^mben Fingx caux Gaatc Fingx caux Maa^natv^se nyei ndaamv-fingx, ziux ninh mbuo nyei bungh buonc, duqv ninh mbuo nzipc nyei buonc mi'aqv. 15Naaiv deix i fingx caux ndaamv-fingx duqv nzipc nyei buonc yiem Jor^ndaen Ndaaih dong bung maengx, mba'hnoi cuotv wuov bung, Ye^li^ko Zingh doix-ngaanc.”
Paaiv Ndau Nyei Bieiv Zeiv
16 Ziouv gorngv mbuox Mose, 17“Tengx meih paaiv ndau bun baeqc fingx nzipc wuov deix mienh nyei mbuox maaih hnangv naaiv. Maaih E^le^aa^saa sai mienh, caux Nun nyei dorn, Yo^su^waa. 18Yaac oix zuqc paaiv yietc fingx yietc dauh bieiv zeiv tengx jienv. 19Naaiv deix bieiv zeiv nyei mbuox maaih hnangv naaiv.
| Fingx nyei mbuox | Fingx nyei bieiv zeiv |
|---|---|
| Yu^ndaa Fingx | Ye^fun^ne nyei dorn, Kaalepv |
| 20Si^me^on Fingx | Am^mi^hutv nyei dorn, Se^mu^en |
| 21Mben^yaa^min Fingx | Qitv^lon nyei dorn, E^li^ndaatc |
| 22Ndaan Fingx | Yokv^li nyei dorn, Mbukc^ki |
| 23 Yosepv nyei zeiv-fun, | |
| Maa^natv^se Fingx | Efotv nyei dorn, Han^ni^en |
| 24 Yosepv nyei zeiv-fun, | |
| E^faa^im Fingx | Sipv^taan nyei dorn, Ke^mu^en |
| 25Se^mbu^lun Fingx | Baanaakv nyei dorn, E^li^saa^faan |
| 26Itc^saax^kaa Fingx | Atc^saan nyei dorn, Ban^ti^en |
| 27Aa^se Fingx | Se^lo^mi nyei dorn, Aa^hi^hutv |
| 28Napv^taa^li Fingx | Am^mi^hutv nyei dorn, Be^ndaa^hen” |
29Naaiv se Ziouv paaiv tengx I^saa^laa^en Mienh yiem Kaa^naa^an Deic-Bung bun nqoi ninh mbuo nzipc nyei ndau.
Currently Selected:
Saauv Mienh 34: IuMiNR
Highlight
Copy
Compare
Share
Want to have your highlights saved across all your devices? Sign up or sign in
ฉบับอักษรโรมันใหม่ © Thailand Bible Society, 2007.
