Ho^se^yaa 3

Ho^se^yaa Caux Maiv Ziepc Zuoqv Nyei M'sieqv Dorn

1 Ziouv gorngv mbuox yie, “Aengx mingh hnamv dongh maaih ganh dauh mienh hnamv wuov dauh hienx nqox nyei m'sieqv dorn. Meih oix zuqc hnamv ninh hnangv yie, Ziouv, hnamv I^saa^laa^en Mienh, maiv gunv ninh mbuo huin mingh lorz nyiec nyei zienh yaac a'hneiv dorh a'ngunc biouv-nqaai njuov mingh ziec zienh. 2Hnangv naaic yie ziouc longc ziepc hmz norm zinh#3:2 Hipv^lu waac gorngv 15 se^kenx. Se leih maiv go 170 gam nyaanh. caux ziepc luoqc tongv-bienx#3:2 Hipv^lu waac gorngv “yietc ho^me caux yietc le^tekc.” Se leih maiv go 330 litv. mbiauh mbaali maaiz naaiv dauh m'sieqv dorn. 3Yie ziouc gorngv mbuox ninh, “Meih oix zuqc zuov yie#3:3 Fai caux yie yiem. camv-hnoi. Maiv dungx aengx mingh hienx, yaac maiv dungx benx ganh dauh m'jangc dorn nyei auv. Yie ziouc hnangv wuov nor zuov meih.”#3:3 Fai caux meih yiem. 4Weic zuqc I^saa^laa^en nyei zeiv-fun oix zuqc yiem maiv maaih hungh, maiv maaih jien, maiv maaih fongc horc ziec nyei jauv fai zienh nyei dongc, maiv maaih efotv yaac maiv maaih yiem biauv zaangc nyei miuc-fangx lauh nyei.#3:4 Hipv^lu waac gorngv ziex hnoi mv baac yiem naaiv eix leiz se lauh nyei. 5Nqa'haav I^saa^laa^en nyei zeiv-fun oix nzuonx daaih lorz Ziouv, ninh mbuo nyei Tin-Hungh, caux ninh mbuo nyei hungh diex, Ndaawitv. Yiem nqa'haav laai nyei hnoi ninh mbuo oix taaih Ziouv yaac tov ninh longx nyei fuqv.

Currently Selected:

Ho^se^yaa 3: IuMiNR

Highlight

Copy

Compare