matq-Taai 27
27
ye-su zu'g Jiu pun pi-laatq
(peiq mavg maa-Ko 15:1; lu-kaa 23:1-2; yo-han 18:28-32)
1luvb Dxm Ryruq, zwavj sai myenb pyeiq Zauj yiu-Tai myenb Eei myenb koj kapq zunq Zaavb laavb zyavj Navq haiq nx haib taij ye-su. 2ninb Bua zyrug Dob ye-su, Ken mivb Jiu pun lo-maa zuvj, pi-laatq.
yu-Daatg taig mig a'q
(peiq mavg kovb zob 1:18-19)
3maaig ye-su uaq taub yu-Daatg pwatg ye-su zu'g tivg zwid uaq zang, ninb Hruq mun haig cvj txb uaq teij faab zyepg nxm zinb taaib Twij pun sai myenb pyeiq Zauj myenb koj.#kovb zob 1:18-19 4ninb kxvq, “yia zruj txvg zwid a'q, weig zu'g yia maaig maiq maaib zwid Eei myenb pun ninb zu'g taig.”
uaq teij myenb tau, “naaig maaib haiq Euvg Paanj Tauj yia Bua? naaiq meib kanb Eei sig a'q.”
5yu-Daatg zyrug zxi uaq teij Eaanb kwavg uaq zavg Tinb huvb Eei pyauq ka'Euad Zwrtq mivb, zyrug mivb Diuj Jaav taig mig a'q.
6sai myenb pyeiq Raud naaiq teij Eaanb taaib kxvq, “naaiq teij Eaanb se maaid mcvg Eaanb zyrug Navq kua'q Jyenq Ryaamq nx. Zauj Jyenq zavg Tinb huvb Eei pyauq uaq teij Eaanb tapq se txvg leid.” 7ninb Bua zyrug Zaavb laavb taaib lovg naaiq teij Eaanb maaid Rov uaq taub nanq nia zavg Eei Dau, zruj kanb fivj myenb Eei zrub kemb. 8weig naaiq uaq Rov Dau maaib Buaj heug “maaib Ryaamq Eei Dau” taaib Tauj ib Jaaj Nxi.
9naaiq teij sig Zwrtq taaib txib tiug trug waag myenb, ye-le-mi, kxvq Eei waag. ye-le-mi kxvq,
“ninb Bua zx'q faab zyepg nxm zinb,
tovb i-saa-laa-en myenb weig ninb tivg Eei Jaab zinb,#sej-Kaa-li-yaa 11:12-13; ye-le-mi 32:6-9
10lovg maaid nanq nia zavg Eei Dau,
Navq zyruq Buaj yia zruj nx.”
pi-laatq syemq ye-su
(peiq mavg maa-Ko 15:2-5; lu-kaa 23:3-5; yo-han 18:33-38)
11uaq zang, ye-su yem pi-laatq zuvj Eei Ra'Myen. pi-laatq naaig ninb, “meib zruj yiu-Tai myenb Eei huvb?”
ye-su tau, “zeid Eei. se Navq meib kxvq nx.”#27:11 fai “naaiq se meib kanb kxvq”. 12mq paag myenb koj Zauj sai myenb pyeiq koj ninb uaq zang, ninb maiq tau haiq Euvg.
13pi-laatq zyrug naaig ninb, “ninb Bua koj meib naaiq teij yetg zuvq sig meib maiq haid fai?” 14mq paag ye-su yetg Jruj waag maiq tau ninb. pi-laatq za'kevb Bua'g hxvb haig.
pi-laatq tivg Jiu ye-su pun myenb taij
(peiq mavg maa-Ko 15:6-15; lu-kaa 23:13-25; yo-han 18:39—19:16)
15Havb Havj Tauj siaj mcvg zipq, lo-maa zuvj maaib leid puvj taub wrnj lob Eei myenb ziuj zwavj myenb Toq puvj haiq taub. 16uaq zang maaib taub zu'g wrnj Jyenq lob Eei zwib myenb Buaj heug Baa-lapq-Batg. haiq taub yaag hiuq tu'q ninb Eei. 17zwavj myenb kapq zunq uaq zang, pi-laatq naaig kaaj ninb Bua, “meib Bua xij yia puvj haiq taub? puvj Baa-lapq-Batg fai puvj ye-su, tovb myenb heug ki-tug uaq taub?” 18pi-laatq hiuq tu'q zruj Lo uaq teij yiu-Tai myenb mweig Jia'q ye-su Zivj taaib zx'q ye-su Jiu pun ninb.
19pi-laatq zweid Jyenq syemq zwid weig uaq zang, ninb Eei auq pun waag mivb Buaj ninb, “maiq tuvq zruj haiq Euvg pun uaq laanb Kuq myenb weig zu'g a'Mwavj#27:19 fai ib Nxi. yia Beij Beij Tauj naaiq laanb myenb zyrug haid Hruq maiq lovj yetg teij.”
20sai myenb pyeiq Zauj myenb koj Duaq zwavj myenb Toq pi-laatq puvj Baa-lapq-Batg, taij ye-su kwavg. 21pi-laatq zyrug naaig zwavj myenb, “naaiq teij i taub, meib Bua xij yia puvj haiq taub?”
ninb Bua tau, “puvj Baa-lapq-Batg.”
22pi-laatq zyrug naaig, “uaq Euvg, ye-su, tovb myenb heug ki-tug uaq taub, meib Bua xij yia Navq haiq nx zruj?”
ninb Bua yetg zuvq tau, “zx'q ninb tiv Jyenq zyepg Ravg Jaaj!”
23pi-laatq cvj naaig ninb Bua, “uaq Euvg, ninb zruj txvg haiq Euvg zwid?”
zwavj myenb Jaa heug kaub Bwi, “zx'q ninb tiv Jyenq zyepg Ravg Jaaj maa'b!”
24pi-laatq pwatg ninb kxvq Jyenq mivb yaag maiq lamb lovg, zuvq kamb Riaj zwavj myenb xij lung Revg. ninb zyrug zx'q uam txv Jyenq zwavj myenb Raauj puad yaag kxvq, “naaiq taub myenb zu'g taig se maiq Paanj Tauj yia. naaiq yetg zuvq Dxtq zu'g meib Bua kanb a'q.”#Ramg leib latg 21:6-9
25zwavj myenb tovb Jruj waag tau, “naaiq taub myenb taig, lyrug Zwrtq ninb Eei Ryaamq, yrub yia Bua Zauj yia Bua kanb Eei funb fa'q Daamb txv.”
26pi-laatq zyrug puvj Baa-lapq-Batg pun ninb Bua. mq paag ye-su, ninb pun zu'g pyaab pin Bx'q liud, Jiu pun pcv txb mivb tiv zyepg Ravg Jaaj.
pcv kwatg to'g Jyetq ye-su
(peiq mavg maa-Ko 15:16-20; yo-han 19:2-3)
27pi-laatq zuvj Eei pcv cvj txb ye-su pia'g zuvj Eei ting ka'Euad. uaq kwanb pcv yetg zuvq zyrug mivb weib Jyenq ninb. 28ninb Bua Jaiq Gxi ye-su Eei lwib hruj cvj zx'q teij lwib Daaub si'q Tevj ninb pwij Jyenq, 29yaag lovg Fimq Zi'q nxm huvb nivq Dovj Jyenq ninb Eei mGxvq. ninb Bua cvj zx'q lua'g ti'g kwcvq pun ninb Eei Byaaug Jia'q puad nanq Jyenq, cvj kweig Fiag ninb Eei Ra'Myen kwatg to'g Jyetq ninb, yaag kxvq, “yiu-Tai myenb Eei huvb aa'b! zyavb tu'q maang fwij a'q!” 30ninb Bua cvj Twiq uamb Rwib nctq ninb, zx'q uaq tiub lua'g ti'g kwcvq Bx'q ninb Eei mGxvq. 31kwatg to'g Jyetq liud, ninb Bua zyrug Jaiq Gxi lwib Daaub si'q, cvj zx'q ninb kanb Eei lwi Tevj ninb zu'q Jyenq zyrug txb ninb mivb tiv zyepg Ravg Jaaj.
ye-su zu'g tiv zyepg Ravg Jaaj
(peiq mavg maa-Ko 15:21-32; lu-kaa 23:26-43; yo-han 19:17-27)
32ninb Bua Zwrtq mivb uaq zang, pwavb zu'g taub sai-lin myenb, Buaj heug si-mon. pcv zyrug aapq si-mon Daam ye-su Eei zyepg Ravg Jaaj. 33ninb Bua mivb Tauj nxm txvj, Buaj heug kon-ko-Taa, eij leid se mGxvb Kx'q txvj. 34Tauj uaq ninb Bua zx'q a'vung tiuq Peuj Jyenq im Eei ka'naaiq pun ye-su hopq.#sivj Ruv 69:21 mq paag ye-su seij liud, zyrug maiq hopq.
35ninb Bua zx'q ye-su tiv Jyenq zyepg Ravg Jaaj, cvj zx'q ninb Eei lwib hruj taaib Druq mavg weig pun Gxi.#sivj Ruv 22:18 36Ga'haaq ninb Bua zweid Jyenq uaq zuaq mavg Jyenq ninb. 37yem ye-su Eei mGxvq kub vwaaig ninb Bua fiaq Jyenq koj ninb uaq teij waag. waag kxvq, “naaiq se yiu-Tai myenb Eei huvb, ye-su.” 38ninb Bua cvj tiv i taub za'g pcv yem ye-su Eei ka'Len. maaib taub yem Byaaug mcvj. maaib taub yem zaaij mcvj.
39Jiaj Jauq Eei myenb Ki ninb, Wavj Jyenq mGxvq kxvq,#sivj Ruv 22:7; 109:25 40“aaq, meib xij Zc'q zavg Tinb huvb Eei pyauq, Ga'haaq pua Nxi cvj kanb Zeij Jiad taaib ni! Fruj meib kanb a'q. sij kxvq meib zruj Tinb huvb Eei txn, Fiag zyepg Ravg Jaaj taaib maa'b!”#matq-Taai 26:61; yo-han 2:19
41sai myenb pyeiq Zauj Faauj leid Eei finb scv Zauj myenb koj fib Navq Eei Jyetq ninb. 42ninb Bua kxvq, “ninb Fruj tu'q myenb mq paag maiq haib Fruj ninb kanb x'g! ninb zruj i-saa-laa-en myenb Eei huvb! sij kxvq ninb ib zang yem zyepg Ravg Jaaj Fiag taaib, yia Bua zyrug syenj ninb a'q. 43ninb Kauj Tinb huvb yaag kxvq ninb zruj Tinb huvb Eei txn. uaq Euvg, Bua mavg kaaj Tinb huvb ib zang za'kevb xij Fruj ninb fai maiq Fruj.”#sivj Ruv 22:8 44lyemb tiv ninb Eei ka'Len uaq teij za'g pcv fib Navq Eei kxvq Ki ninb.
ye-su taig mig a'q
(peiq mavg maa-Ko 15:33-41; lu-kaa 23:44-49; yo-han 19:28-30)
45luvb zyavj aanj Eei zyavb hog, uaq nxm teib puv Mwavj Revg Tauj Fiag aanj pua nxm zyavb hog. 46leib maiq ko Fiag aanj pua nxm zyavb hog, ye-su heug Qiaj Lo Eei kxvq, “e-li, e-li, laa-maa-saa-Bakg-Taa-ni!” eij leid se, “yia Eei Tinb huvb aa'b! yia Eei Tinb huvb! meib weig haiq tiug kwavg yia?”#sivj Ruv 22:1
47maaib teij sruq Jyenq uaq Eei myenb haid ninb kxvq naaiq teij waag zyrug kxvq, “oq, ninb heug e-li-yaa.” 48maaib taub yem uaq Eei myenb lyemb zeib Tiuj mivb zx'q laib Reib sxtq zyemj a'vung tiub swi taaib, lovg lua'g ti'g kwcvq pa'q Jyenq Zunq pun ye-su hopq.#sivj Ruv 69:21 49mq paag maaib teij yem uaq Eei myenb kxvq, “Bua zuaq mavg kaaj, e-li-yaa kevb taaib Fruj ninb Eei fai?”
50ye-su cvj heug Rung Bwi Eei liud, zyrug tavj Qiaj mig a'q. 51yem zavg Tinb huvb Eei pyauq ka'Euad uaq Kwaaiq Bc'g kcvb Dia yem kub vwaaig Baaij txv ka'Diaq, zruj i mcvj mig a'q. Dau yaag tovd, la'pyeiq yaag Baaij Revg.#Zwrtq i-yipq 26:31-33 52Janb taig zruq yaag Gxi mig a'q. Tinb huvb Eei Zivb Revg pc'g fivj, tovb taig mivb uaq teij, maaib Zamq Eei navb taaib 53Zwrtq zruq mivb. ye-su navb taaib uaq zang, uaq teij myenb pia'g uaq nxm Zivb Revg Eei zivb, ye-lu-saa-lem. maaib myenb Zamq Eei tu'q pwatg ninb Bua.
54zuaq ye-su uaq taub pcvb pyeiq Zauj ninb Eei pcv pwatg Dau tovd yaag pwatg Euvb Euvg sig Zwrtq, hc'q ninb Bua kamb Riaj haig. ninb Bua kxvq, “naaiq taub za'kevb Tinb huvb Eei txn a'q.”
55yem kaa-li-li kan Jyenq ye-su taaib fub suj ninb uaq teij msia'q txn Zamq Eei yaag yem uaq ko teij Eei mavg.#lu-kaa 8:2-3 56uaq teij msia'q txn maaib taub makq-Daa-laa muvq Eei maa-li-yaa, maaib yaa-kxpg Zauj yo-sepq Eei maa maa-li-yaa, yaag maaib sej-Be-Di Eei i taub txn Eei maa.
ninb Bua zavj ye-su
(peiq mavg maa-Ko 15:42-47; lu-kaa 23:50-56; yo-han 19:38-42)
57luvb maanb Mwavj a'q, maaib taub yem aa-li-maa-Tia muvq Eei putg zxib myenb, Buaj heug yo-sepq, taaib Tauj. ninb yaag zruj ye-su Eei saib kxj. 58yo-sepq mivb lxd pi-laatq, Toq ye-su Eei sei. pi-laatq zyrug Gxi Rwib Jiu ye-su Eei sei pun yo-sepq. 59yo-sepq zyrug lovg syavb la'maab Dia peu Jyenq ye-su Eei sei, 60txb mivb zavj syavb la'pyeib zruq. naaiq nxm zruq yo-sepq Zo'q ho'g zu'g taaib lyrub ninb kanb lovg. zavj liud, ninb Twi Kwaaiq tomb la'pyeiq Bc'g Jyenq zrub kcvb, zyrug mivb mig a'q. 61makq-Daa-laa muvq Eei maa-li-yaa cvj Zauj kanb taub maa-li-yaa zweid uaq, Myen Win mivb zruq uaq puv.
pcv zuaq zruq
62ta'Eeig Nxi, se Tauj tivb kov Nxi, sai myenb pyeiq Zauj faa-li-sij myenb mivb lxd pi-laatq, 63yaag kxvq, “tomb kxj aag, yia Bua Javj zu'g zinb Daavg Duaq myenb uaq taub loq maiq kcvb taig uaq zang ninb kxvq, ‘Ga'haaq pua Nxi yia cvj navb taaib.’#matq-Taai 16:21; 17:23; 20:19; maa-Ko 8:31; 9:31; 10:33-34; lu-kaa 9:22; 18:31-33 64Navq naaig, Toq tomb kxj Fiag livg Paaiq pcv mivb lovb lovj zuaq Jyenq zruq Tauj ta'faam Nxi. Riaj ninb Eei saib kxj haib mivb nimg sei. Ga'haaq haib Buaj zwavj myenb, ‘ninb taig mivb cvj navb taaib a'q.’ sij kxvq Navq naaig, kxvb pc'g naaiq Rung kaub waaig zinb Daavg uaq Rung a'q.”
65pi-laatq Buaj ninb Bua, “uaq Euvg, kunq txb pcv mivb ei meib Bua haib zruj Eei lovb lovj Eei zuaq Jyenq zruq maa'b!”
66ninb Bua zyrug mivb Gaapq Jyenq yenj zrub kcvb, yaag pun pcv lovb lovj Eei zuaq Jyenq.
Currently Selected:
matq-Taai 27: IuMiNOR
Highlight
Share
Copy
Want to have your highlights saved across all your devices? Sign up or sign in
ฉบับอักษรโรมันโบราณ © Thailand Bible Society, 2007.