kxvq seij zavg 3

Euvb Euvg maaib tivg Eei zyavb hog

1Euvb Euvg maaib tivg Eei Zunb Zyru.

yem luvb Diaq maang sig maaib tivg Eei zyavb hog.

2maaib zyavb hog Zwrtq seij, maaib zyavb hog kwei seij.

maaib zyavb hog zwavj, maaib zyavb hog pcv Zwrtq.

3maaib zyavb hog taij, maaib zyavb hog zxg lovj.

maaib zyavb hog Zc'q, maaib zyavb hog Zeij Jiad.

4maaib zyavb hog Eyemq, maaib zyavb hog Jyetq.

maaib zyavb hog Raub Eyemq, maaib zyavb hog Zavj heij.

5maaib zyavb hog zxi la'pyeiq kwavg, maaib zyavb hog Raud zunq.

maaib zyavb hog Qam, maaib zyavb hog maiq Qam.

6maaib zyavb hog lxd, maaib zyavb hog mua'q tivj laaib.

maaib zyavb hog syru, maaib zyavb hog kwavg.

7maaib zyavb hog petq, maaib zyavb hog lunb.

maaib zyavb hog sekq, maaib zyavb hog kxvq waag.

8maaib zyavb hog Namq, maaib zyavb hog Rxv.

maaib zyavb hog Bx'q tomb Jaaj, maaib zyavb hog Taaib pcvb.

9laaub lwig zruj Eei kovb myenb tu'q haiq Euvg lovj? 10yia pwatg Tinb huvb pun paamb myenb taub taub maaib ninb kanb Eei kov zruj. 11Tinb huvb pun maang mwrtg ziuj kanb Eei Zunb Zyru Rweig. Tinb huvb zx'q yetg liud Eei Jauq Yetq Jyenq paamb myenb Eei Hruq. mq paag paamb myenb Zxg hiuq maiq Tauj yem kxn Tauj setq mweid Tinb huvb zruj haiq Euvg. 12paamb myenb zyavb seij zavg, maiq maaib haiq Euvg kaub lovj ninb a'Neiq zruj lovj ziuj ninb zruj tu'q Tauj Eei.#3:12 maaib teij sru faan kxvq “zruj Fyenb yrub naug Eitg”. 13Tinb huvb Zeij pun taub taub paamb myenb tu'q Eang tu'q hopq yaag pwavq Hruq ninb laaub lwig zruj Eei kov. 14yia hiuq tu'q Tinb huvb zruj Eei yetg zuvq xij yetg liud yem. maiq haib Tipq teij pia'g, maiq haib zx'q teij Zwrtq. Tinb huvb Navq naaig nx zruj weig xij myenb yem ninb Eei Ra'Myen kamb Riaj ninb, Taaib ninb.

15ib zang maaib Eei, zuvq maaib Jiaj Eei.

haiq Euvg xij Zwrtq Eei, zuvq Zwrtq Jiaj Eei.

Tinb huvb pun Zwrtq liud Eei sig cvj Zwrtq taaib syav.#3:15 fai “Tinb huvb lxd Jiaj liud Eei sig”.

yem luvb Diaq maiq pcvb fim Eei sig

16yia pwatg yem naaiq seij zavg cvj maaib yetg Euvg.

hxpg zu'g maaib pcvb fim Eei txvj,

taauj Rwrnj yem uaq maaib x'q sig.

xij zu'g maaib zruj hxpg Eei txvj,

taauj Rwrnj yem uaq maaib x'q sig.

17yia yem Hruq Namq,

“Tinb huvb xij syemq Kuq myenb

Zauj x'q myenb,

weig zu'g Euvb Euvg sig

Zauj Euvb Euvg zruj Eei Jauq

maaib tivg Eei zyavb hog.”

18yia yem Hruq cvj Namq, “Tinb huvb seij paamb myenb weig pun ninb Bua zia'q tu'q ninb Bua se Navq scvb Kuq. 19weig zu'g paamb myenb pwavb Eei Zauj scvb Kuq pwavb Eei, i Euvg zuvq fib Navq Eei. yetg Euvg Navq haiq nx taig, uaq Euvg yaag Navq uaq nx taig. i Euvg zuvq fib Navq Eei Tauq Qiaj. paamb myenb maiq maaib haiq Euvg kaub lovj scvb Kuq weig zu'g yetg zuvq se Kuvb mxvb Eei sig. 20i Euvg zuvq mivb yetg nxm txvj. yetg zuvq yem niab Buv penj Zwrtq taaib. yetg zuvq cvj Rwrnj penj niab Buv. 21haiq taub haib hiuq tu'q paamb myenb Eei wrnb faauj kub vwaaig fai hiuq tu'q scvb Kuq Eei wrnb pia'g Dau?”

22weig naaiq yia pwatg maiq maaib yetg Euvg kaub lovj Jiaj paamb myenb a'Neiq ninb zruj Eei pwrng kov, weig zu'g penj ninb kanb Eei pwrng. haiq taub haib txb ninb zia'q tu'q ninb kwei seij liud, xij maaib haiq Euvg sig Zwrtq taaib?

Currently Selected:

kxvq seij zavg 3: IuMiNOR

Highlight

Copy

Compare