2 TESALONICENSES 2
2
Kélxéneykekxoho ektémakxa Wese' egegkok apkexyeyam
1Elyáxeg, kaxwo' egmenyék negko'o óltennaksek kéxegke m'a yakwánxa nak katnehek apkexyekmo sat Wese' egegkok Jesucristo, tén han ma'a yakwánxa nak katnehek segáncháseykekxa Jesús,#1 Ts 4.15-17. neltamhok negko'o 2megkóltehek ekmanyehe kólyakmagkasek ektémakxa nak elchetamso kélwáxok, móltamhók nahan kalyegwakkasek kéxegke xama enxoho m'a amya'a ekxénamaxche nak ektaha eñama Dios, tén han ma'a ektahakxa enxoho amya'a kéltenneykha, esenhan ma'a ektahakxa enxoho kéltáxéseso weykcha'áhak kéxegke, ekxeyenma enxoho ekweykmo m'a ekhem yakwánxa nak ewatak makham Wese' egegkok. 3Nágkólho aksa kólyexanchesha xama enxoho, hakte kawak sat sekxo' kélenmexeykha Dios amonye ekwayam xa ekhem yakwánxa nak ewatak Jesucristo, cham'a yakwánxa nak han etyapok énxet megyéso yenmexmakha Dios, cham'a kélpagkanchesama nak han yakwayam kólmasesók. 4Cháxa peya nak yenmexek ekyókxoho aksok kéltéma nak Dios xa énxet nak, tén han yenmexek ma'a ekyókxoho apchayókxa nak énxet,#Dn 11.36; Ez 28.2. kawomhok sat nahan appekkenwayam aptaháno m'a kañe' Dios tegma appagkanamap apagkok nak, eltemésesakpok sat Dios.
5¿Yagkaxénak kélwáxok seltennáseykencha'a axta cha'a kéxegke xa, cham'a sekha axta makham kélnepyeseksa? 6Kaxwo' eyke kélya'ásegkok kéxegke ektaha nak ekméyak xa énxet nak, yakwayam enxoho metyepek megkawokmo enxoho ekhem yakweykenxa etyapok. 7Tamháha kaxwo' ektémakxa nak ekmowána xa aksok eñamakxa nak nentémakxa ekmaso, ektaha nak ekpowasamáxkoho; wánxa eyke aksa eyéméxko kóltekkesek neyseksa m'a ektaha nak apméyak. 8Keñe sat etyapok énxet megyéso nak yenmexmakha Dios, cham'a peya nak eyhegkesek apkennama Wese' egegkok Jesús yakhek xa énxet nak,#Is 11.4. emasesók sat, cham'a apkexyekmo sat yetlo apcheymákpoho. 9Yetlo ekpasmo Satanás sat ewak xa énxet megyéso nak yenmexmakha Dios; ewak sat yetlo ekyawe agko' apmopwána, tén han yetlo apxekmóso ekyókxoho ektémakxa m'a aksok melwetaya nak énxet#Mt 24.24. tén han ma'a aksok ekpelakkasamo nak kataxchek, wánxa agkok, megkamámnaksoho eyke. 10Emha sat nahan ma'a ekyókxoho ektémakxa nak ekmaso nentémakxa yakwayam enxoho elyexanchesha énxet'ák peya nak elmahagkok sẽlmasésamakxa, hakte mopmenyék axta emok takha m'a amya'a ekmámnaksoho nak, mopmenyék axta nahan yásekhohok, yakwayam eykhe exkak apkelwagkásamap teyp. 11Ekeso eñamakxa apcha'awo nak Dios kalyexanchesha m'a magakhémo nak nentémakxa, tén han apcha'awo melya'ásemek ma'a amya'a megkamámnaksoho nak, 12yakwayam enxoho elsexnánekpok ma'a apyókxoho énxet'ák apkelya'áseykmo axta amya'a ekmámnaksoho nak, wánxa aksa apkelyespagkama m'a ekmaso nentémakxa nak.
Sẽlyéseykha yakwayam ólmeyawaxche'
13Agmések sat cha'a negko'o ekxeyenma egwáxok Dios kéxegke eñamakxa, elyáxeg ektaha nak apkelásekhayo Wese' egegkok, hakte apkelyésáha axta kéxegke Dios sekxo' agko', yakwayam kólxawak kélmonye'e kélwagkásamáxche teyp eñama m'a Espíritu aptaha nak apteméseso kélpagkanamaxche kéxegke, tén han eñama kélteme megkólya'áseyam ma'a amya'a ekmámnaksoho nak. 14Axta keñamak apkelwóneykencha'a kéxegke Dios eñama m'a tásek amya'a neltennáseykencha'a axta negko'o kéxegke, yakwayam enxoho kólmok kéxegke ektémakxa nak Jesucristo Wese' egegkok apcheymákpoho.
15Elyáxeg, kóllenxanmoho kélwaskápeykekxoho, nágkalwagkamák aksa nentahakxa axta nelxekmóso kéxegke, tén han ma'a nentahakxa axta negapháseso weykcha'áhak.#1 Co 11.2. 16-17Nelmaxnakkek negko'o Wese' egegkok Jesucristo, tén han Dios Egyap, neltamho etnésesek kéxegke ekmayheykegkoho kélwáxok, tén han etnésesek kéxegke ekha kélwaskapma, yakwayam enxoho katnehek ektakmalma m'a ekyókxoho kéltahakxa enxoho kélpeywa, tén han ma'a kéllanakxa enxoho, cham'a Dios aptaha nak segásekhayo eñama m'a ektémakxa nak ektakmeleykha apwáxok, tén han segmésama negko'o ektakmelwayam egwáxok megkatnegwayam enéxa, tén han segmésama negko'o ektakmela nak nelhaxneykha.
Currently Selected:
2 TESALONICENSES 2: LEGN
Highlight
Copy
Compare
Share
Want to have your highlights saved across all your devices? Sign up or sign in
Lengua Sur (Enxet) New Testament © United Bible Societies, 1992.
2 TESALONICENSES 2
2
Kélxéneykekxoho ektémakxa Wese' egegkok apkexyeyam
1Elyáxeg, kaxwo' egmenyék negko'o óltennaksek kéxegke m'a yakwánxa nak katnehek apkexyekmo sat Wese' egegkok Jesucristo, tén han ma'a yakwánxa nak katnehek segáncháseykekxa Jesús,#1 Ts 4.15-17. neltamhok negko'o 2megkóltehek ekmanyehe kólyakmagkasek ektémakxa nak elchetamso kélwáxok, móltamhók nahan kalyegwakkasek kéxegke xama enxoho m'a amya'a ekxénamaxche nak ektaha eñama Dios, tén han ma'a ektahakxa enxoho amya'a kéltenneykha, esenhan ma'a ektahakxa enxoho kéltáxéseso weykcha'áhak kéxegke, ekxeyenma enxoho ekweykmo m'a ekhem yakwánxa nak ewatak makham Wese' egegkok. 3Nágkólho aksa kólyexanchesha xama enxoho, hakte kawak sat sekxo' kélenmexeykha Dios amonye ekwayam xa ekhem yakwánxa nak ewatak Jesucristo, cham'a yakwánxa nak han etyapok énxet megyéso yenmexmakha Dios, cham'a kélpagkanchesama nak han yakwayam kólmasesók. 4Cháxa peya nak yenmexek ekyókxoho aksok kéltéma nak Dios xa énxet nak, tén han yenmexek ma'a ekyókxoho apchayókxa nak énxet,#Dn 11.36; Ez 28.2. kawomhok sat nahan appekkenwayam aptaháno m'a kañe' Dios tegma appagkanamap apagkok nak, eltemésesakpok sat Dios.
5¿Yagkaxénak kélwáxok seltennáseykencha'a axta cha'a kéxegke xa, cham'a sekha axta makham kélnepyeseksa? 6Kaxwo' eyke kélya'ásegkok kéxegke ektaha nak ekméyak xa énxet nak, yakwayam enxoho metyepek megkawokmo enxoho ekhem yakweykenxa etyapok. 7Tamháha kaxwo' ektémakxa nak ekmowána xa aksok eñamakxa nak nentémakxa ekmaso, ektaha nak ekpowasamáxkoho; wánxa eyke aksa eyéméxko kóltekkesek neyseksa m'a ektaha nak apméyak. 8Keñe sat etyapok énxet megyéso nak yenmexmakha Dios, cham'a peya nak eyhegkesek apkennama Wese' egegkok Jesús yakhek xa énxet nak,#Is 11.4. emasesók sat, cham'a apkexyekmo sat yetlo apcheymákpoho. 9Yetlo ekpasmo Satanás sat ewak xa énxet megyéso nak yenmexmakha Dios; ewak sat yetlo ekyawe agko' apmopwána, tén han yetlo apxekmóso ekyókxoho ektémakxa m'a aksok melwetaya nak énxet#Mt 24.24. tén han ma'a aksok ekpelakkasamo nak kataxchek, wánxa agkok, megkamámnaksoho eyke. 10Emha sat nahan ma'a ekyókxoho ektémakxa nak ekmaso nentémakxa yakwayam enxoho elyexanchesha énxet'ák peya nak elmahagkok sẽlmasésamakxa, hakte mopmenyék axta emok takha m'a amya'a ekmámnaksoho nak, mopmenyék axta nahan yásekhohok, yakwayam eykhe exkak apkelwagkásamap teyp. 11Ekeso eñamakxa apcha'awo nak Dios kalyexanchesha m'a magakhémo nak nentémakxa, tén han apcha'awo melya'ásemek ma'a amya'a megkamámnaksoho nak, 12yakwayam enxoho elsexnánekpok ma'a apyókxoho énxet'ák apkelya'áseykmo axta amya'a ekmámnaksoho nak, wánxa aksa apkelyespagkama m'a ekmaso nentémakxa nak.
Sẽlyéseykha yakwayam ólmeyawaxche'
13Agmések sat cha'a negko'o ekxeyenma egwáxok Dios kéxegke eñamakxa, elyáxeg ektaha nak apkelásekhayo Wese' egegkok, hakte apkelyésáha axta kéxegke Dios sekxo' agko', yakwayam kólxawak kélmonye'e kélwagkásamáxche teyp eñama m'a Espíritu aptaha nak apteméseso kélpagkanamaxche kéxegke, tén han eñama kélteme megkólya'áseyam ma'a amya'a ekmámnaksoho nak. 14Axta keñamak apkelwóneykencha'a kéxegke Dios eñama m'a tásek amya'a neltennáseykencha'a axta negko'o kéxegke, yakwayam enxoho kólmok kéxegke ektémakxa nak Jesucristo Wese' egegkok apcheymákpoho.
15Elyáxeg, kóllenxanmoho kélwaskápeykekxoho, nágkalwagkamák aksa nentahakxa axta nelxekmóso kéxegke, tén han ma'a nentahakxa axta negapháseso weykcha'áhak.#1 Co 11.2. 16-17Nelmaxnakkek negko'o Wese' egegkok Jesucristo, tén han Dios Egyap, neltamho etnésesek kéxegke ekmayheykegkoho kélwáxok, tén han etnésesek kéxegke ekha kélwaskapma, yakwayam enxoho katnehek ektakmalma m'a ekyókxoho kéltahakxa enxoho kélpeywa, tén han ma'a kéllanakxa enxoho, cham'a Dios aptaha nak segásekhayo eñama m'a ektémakxa nak ektakmeleykha apwáxok, tén han segmésama negko'o ektakmelwayam egwáxok megkatnegwayam enéxa, tén han segmésama negko'o ektakmela nak nelhaxneykha.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lengua Sur (Enxet) New Testament © United Bible Societies, 1992.