2 TESALONICENSES 1
1
Pablo ekxeyenma apwáxok
1Ko'o Pablo, yetlo nahan selxegexma'a Silvano, tén han Timoteo. Apchakneykekxexa ẽlyáxeg tegma apwányam Tesalónica#Hch 17.1; 1 Ts 1.1. ektáxesásak ko'o s'e weykcha'áhak nak, cham'a ektaha nak apkelyepetcheyo Dios Egyap tén han Wese' egegkok Jesucristo. 2Dios Egyap tén han Wese' egegkok Jesucristo sat etnehek apméso naksa kéxegke m'a ektémakxa nak segemleykekxoho tén han meyke ektahakxa kélwáxok.
Dios sat etnehek apkelyekpelchémo énxet'ák melya'asáxma apwakto sat Cristo.
3Elyáxeg, kéméxchek cha'a negko'o agmések ekxeyenma egwáxok Dios kéxegke eñamakxa, cháxa ekpayhawo nak antehek negko'o xa, hakte yáwegkek kélteme megkólya'áseyam kéxegke, yágwokmok nahan ma'a ektémakxa nak kélásekhamaxkoho kéxegke. 4Tásek cha'a negko'o nenxeyenma kéxegke nepyeseksa Dios énxet'ák apagkok eñama m'a kélwaskápeykekxoho nak, tén han eñama m'a kélxekmósamo nak kéxegke kélteme megkólya'áseyam neyseksa ekyókxoho ektémakxa nak kélmenxeneykha, tén han neyseksa m'a ekyentaxnamo nak kélheykha kéxegke. 5Cháxa senxekmóso ektaha ekpéwomo agko' ma'a ektémakxa nak segyekpelchémo Dios, cham'a ekxeyenma nak apwáxok ekpayhawo kólántexek kéxegke m'a aptémakxa nak Wese' apwányam Dios. Cháxa keñamak kéllegágkoho nak kéxegke xa.
6Payhawók ellegásesagkohok Dios énxet'ák apkellegasáseykegkoho nak kéxegke, 7payhawók nahan ellókasesek kélyampé kéxegke Dios, kéxegke kéltaha nak kéllegeykegkoho, ekhawo yakwánxa nak hentemésesek negko'oxa Dios, cham'a ekhem apwakto sat Wese' egegkok Jesús yetlo apkelásenneykha ekha nak apmopwancha'a, cham'a apkexyekmo sat neyseksa táxa eyálewe apkeñama m'a néten. 8Ewatak sat yakwayam ellegásesagkohok ma'a énxet'ák melyekpelchémo nak Dios, cham'a melyaheykekxoho nak tásek amya'a eñama nak Wese' egegkok Jesús. 9Kóllegásesagkohok sat xa énxet'ák nak, kólmasésamhok agko' sat nahan, meyke teyp. Makhawók sat nahan kólchexakhagwók nápakto' Wese' egegkok, tén han eyátepexa m'a ektémakxa nak apcheymákpoho tén han apmopwána, 10cham'a ekhem apwakto sat Wese' egegkok yakwayam etnehek apcháyo m'a ektaha nak énxet'ák apagkok, cham'a yakwánxa sat nahan menyeksek elanok apyókxoho énxet apteme nak melya'áseyam, kawakxohok sat nahan kéxegkáxa, hakte axta kólya'áseykmok neltennáseykencha'a axta negko'o kéxegke.
11Cháxa keñamak nelmaxnésesa nak cha'a kéxegke xa, nelmaxnakkek cha'a Dios neltamho kaxének apwáxok ekpayhawo m'a apkelwóneykencha'a axta kéxegke, neltamhok nahan elának Dios eñama apmopwána m'a ekyókxoho aksok eltakmela kélmámenyého nak kóllának kéxegke, tén han elának ma'a ektémakxa nak kéllané kéxegke kéltamheykha eñama m'a megkólya'áseyam nak. 12Kéxegke sat kanyék kélteméseso eyeymáxkoho apwesey Wese' egegkok Jesús, keñe sat kéxegke kólxawak ma'a ektémakxa nak apcheymákpoho Wese' egegkok Jesús, eñama apméso naksa Dios ma'a ektémakxa nak segemleykekxoho, tén han eñama m'a Wese' egegkok Jesucristo.
Currently Selected:
2 TESALONICENSES 1: LEGN
Highlight
Copy
Compare
Share
Want to have your highlights saved across all your devices? Sign up or sign in
Lengua Sur (Enxet) New Testament © United Bible Societies, 1992.
2 TESALONICENSES 1
1
Pablo ekxeyenma apwáxok
1Ko'o Pablo, yetlo nahan selxegexma'a Silvano, tén han Timoteo. Apchakneykekxexa ẽlyáxeg tegma apwányam Tesalónica#Hch 17.1; 1 Ts 1.1. ektáxesásak ko'o s'e weykcha'áhak nak, cham'a ektaha nak apkelyepetcheyo Dios Egyap tén han Wese' egegkok Jesucristo. 2Dios Egyap tén han Wese' egegkok Jesucristo sat etnehek apméso naksa kéxegke m'a ektémakxa nak segemleykekxoho tén han meyke ektahakxa kélwáxok.
Dios sat etnehek apkelyekpelchémo énxet'ák melya'asáxma apwakto sat Cristo.
3Elyáxeg, kéméxchek cha'a negko'o agmések ekxeyenma egwáxok Dios kéxegke eñamakxa, cháxa ekpayhawo nak antehek negko'o xa, hakte yáwegkek kélteme megkólya'áseyam kéxegke, yágwokmok nahan ma'a ektémakxa nak kélásekhamaxkoho kéxegke. 4Tásek cha'a negko'o nenxeyenma kéxegke nepyeseksa Dios énxet'ák apagkok eñama m'a kélwaskápeykekxoho nak, tén han eñama m'a kélxekmósamo nak kéxegke kélteme megkólya'áseyam neyseksa ekyókxoho ektémakxa nak kélmenxeneykha, tén han neyseksa m'a ekyentaxnamo nak kélheykha kéxegke. 5Cháxa senxekmóso ektaha ekpéwomo agko' ma'a ektémakxa nak segyekpelchémo Dios, cham'a ekxeyenma nak apwáxok ekpayhawo kólántexek kéxegke m'a aptémakxa nak Wese' apwányam Dios. Cháxa keñamak kéllegágkoho nak kéxegke xa.
6Payhawók ellegásesagkohok Dios énxet'ák apkellegasáseykegkoho nak kéxegke, 7payhawók nahan ellókasesek kélyampé kéxegke Dios, kéxegke kéltaha nak kéllegeykegkoho, ekhawo yakwánxa nak hentemésesek negko'oxa Dios, cham'a ekhem apwakto sat Wese' egegkok Jesús yetlo apkelásenneykha ekha nak apmopwancha'a, cham'a apkexyekmo sat neyseksa táxa eyálewe apkeñama m'a néten. 8Ewatak sat yakwayam ellegásesagkohok ma'a énxet'ák melyekpelchémo nak Dios, cham'a melyaheykekxoho nak tásek amya'a eñama nak Wese' egegkok Jesús. 9Kóllegásesagkohok sat xa énxet'ák nak, kólmasésamhok agko' sat nahan, meyke teyp. Makhawók sat nahan kólchexakhagwók nápakto' Wese' egegkok, tén han eyátepexa m'a ektémakxa nak apcheymákpoho tén han apmopwána, 10cham'a ekhem apwakto sat Wese' egegkok yakwayam etnehek apcháyo m'a ektaha nak énxet'ák apagkok, cham'a yakwánxa sat nahan menyeksek elanok apyókxoho énxet apteme nak melya'áseyam, kawakxohok sat nahan kéxegkáxa, hakte axta kólya'áseykmok neltennáseykencha'a axta negko'o kéxegke.
11Cháxa keñamak nelmaxnésesa nak cha'a kéxegke xa, nelmaxnakkek cha'a Dios neltamho kaxének apwáxok ekpayhawo m'a apkelwóneykencha'a axta kéxegke, neltamhok nahan elának Dios eñama apmopwána m'a ekyókxoho aksok eltakmela kélmámenyého nak kóllának kéxegke, tén han elának ma'a ektémakxa nak kéllané kéxegke kéltamheykha eñama m'a megkólya'áseyam nak. 12Kéxegke sat kanyék kélteméseso eyeymáxkoho apwesey Wese' egegkok Jesús, keñe sat kéxegke kólxawak ma'a ektémakxa nak apcheymákpoho Wese' egegkok Jesús, eñama apméso naksa Dios ma'a ektémakxa nak segemleykekxoho, tén han eñama m'a Wese' egegkok Jesucristo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lengua Sur (Enxet) New Testament © United Bible Societies, 1992.