Numeros 7
7
Mi' yʌq'uentel Dios jini pulʌntib
1Che' bʌ tsa'ix ujti i wa'chocon jini Tabernáculo, Moisés tsi' tsijca ti aceite, yic'ot i bʌl yic'ot jini pulʌntib yic'ot chuqui tac mu' bʌ i c'ʌjñel ti pulʌntib. Tsi' laj ac'ʌ ti' wenta lac Yum. 2Che' jini pejtelel jini ñuc taco' bʌ i ye'tel ti' tojlel israelob, jini yumʌlob ti mojt ti mojt tsa' bʌ i coltayob ti' chajpʌntel jini lista tac, tsa' caji i ch'ʌmob tilel majtañʌl. 3Tsi' ch'ʌmbeyob tilel i majtan tac lac Yum. Tsi' pʌyʌyob tilel wʌcp'ejl carreta tujc'ʌbil bʌ i cha'an cha'cojt tat wacax. Ti cha'cha'tiquil yumʌlob jujump'ejl carreta. Tsi' yʌq'ueyob lac Yum ya' ti Tabernáculo. 4-5Lac Yum tsi' pejca Moisés: Yom ma' ch'ʌmbeñob jini majtañʌl. Aq'ueñob i c'ʌn jini levíjob che' bajche' añob i ye'tel ti Tabernáculo, che'en.
6Che' jini Moisés tsi' ch'ʌmʌ jini carreta tac yic'ot jini tat wacax. Tsi' yʌq'ueyob jini levíjob. 7Cha'cojt carreta yic'ot chʌncojt tat wacax tsa' aq'uentiyob i yalobilob Gersón cha'an mi' c'ʌñob ti' ye'tel. 8I yalobilob Merari tsa' aq'uentiyob chʌncojt carreta yic'ot waxʌccojt tat wacax cha'an mi' c'ʌñob ti' ye'tel. Añob ti' wenta jini Itamar i yalobil bʌ jini motomaj Aarón. 9Pero jini i yalobilob Coat ma'anic tsa' aq'uentiyob carreta tac, come añob ti' wenta cha'an mi' q'uechob majlel i bʌl jini Tabernáculo. 10Jini ñuc bʌ yumʌlob tsi' ch'ʌmʌyob tilel majtañʌl tac ti jini jach bʌ q'uin che' bʌ tsa' aq'uenti Dios jini pulʌntib. Tsi' yʌq'ueyob i majtan lac Yum ya' ti pulʌntib. 11Lac Yum tsi' sube Moisés: Yom mi' yʌc'ob majtañʌl jini ñuco' bʌ i ye'tel, jujuntiquil yumʌl ti jujump'ejl q'uin, che'en.
12Awilan jini yumʌl tsa' bʌ i yʌc'ʌ majtañʌl che' ti ñaxan bʌ q'uin jiñʌch Naasón i yalobil Aminadab, loq'uem bʌ ti' p'olbal Judá. 13Jini ofrenda tsa' bʌ i yʌc'ʌ jiñʌch jump'ejl colem plato melbil bʌ ti plata, jump'ejl kilo i yalel, yic'ot jump'ejl jarra melbil bʌ ti plata am bʌ i yalel ojlil kilo. Ti' cha'p'ejlel but'ul ti' nich harina wen chʌmen juch'bil bʌ xajc'ubil bʌ yic'ot aceite cha'an majtañʌl. 14Tsi' yʌc'ʌ ja'el lujunts'ijt cuchara melbil bʌ ti oro am bʌ wucc'al (140) gramos i yalel, but'ul yic'ot pom. 15Tsi' yʌc'ʌ ja'el juncojt alʌ tat wacax, yic'ot tat tiñʌme', yic'ot juncojt alʌ tat tiñʌme' an jax to bʌ jump'ejl jab cha'an mi' pulbentel lac Yum, 16yic'ot juncojt i tat chivo cha'an mi' tsʌnsʌntel cha'an mulil. 17Jini majtañʌl cha'an mi' yʌq'uentel wocolix i yʌlʌ Dios jiñʌch cha'cojt tat wacax, yic'ot jo'cojt tat tiñʌme', yic'ot jo'cojt tat chivo, yic'ot jo'cojt alʌ tat tiñʌme' an jax to bʌ jujump'ejl jab. Pejtelel iliyi jiñʌch i majtan jini Naasón i yalobil Aminadab.
18Che' ti' cha'p'ejlel q'uin tsa' c'oti i yʌc' majtañʌl Natanael i yalobil Zuar. Jiñʌch yumʌl ti Isacar. 19Jini ofrenda tsa' bʌ i yʌc'ʌ jiñʌch jump'ejl colem plato melbil bʌ ti plata, jump'ejl kilo i yalel, yic'ot jump'ejl jarra melbil bʌ ti plata am bʌ i yalel ojlil kilo. Ti' cha'p'ejlel but'ul ti' nich harina wen chʌmen juch'bil bʌ xajc'ubil bʌ yic'ot aceite cha'an majtañʌl. 20Tsi' yʌc'ʌ ja'el lujunts'ijt cuchara melbil bʌ ti oro am bʌ wucc'al (140) gramos i yalel, but'ul yic'ot pom. 21Tsi' yʌc'ʌ ja'el juncojt alʌ tat wacax, yic'ot tat tiñʌme', yic'ot juncojt alʌ tat tiñʌme' an jax to bʌ jump'ejl jab cha'an mi' pulbentel lac Yum, 22yic'ot juncojt i tat chivo cha'an mi' tsʌnsʌntel cha'an mulil. 23Jini majtañʌl cha'an mi' yʌq'uentel wocolix i yʌlʌ Dios jiñʌch cha'cojt tat wacax, yic'ot jo'cojt tat tiñʌme', yic'ot jo'cojt tat chivo, yic'ot jo'cojt alʌ tat tiñʌme' an jax to bʌ jujump'ejl jab. Pejtelel iliyi jiñʌch i majtan jini Natanael i yalobil Zuar.
24Che' ti' yuxp'ejlel q'uin jini Eliab i yalobil Helón tsa' c'oti i yʌq'uen i majtan lac Yum. Jiñʌch yumʌl ti Zabulón. 25Jini ofrenda tsa' bʌ i yʌc'ʌ jiñʌch jump'ejl colem plato melbil bʌ ti plata, jump'ejl kilo i yalel, yic'ot jump'ejl jarra melbil bʌ ti plata am bʌ i yalel ojlil kilo. Ti' cha'p'ejlel but'ul ti' nich harina wen chʌmen juch'bil bʌ xajc'ubil bʌ yic'ot aceite cha'an majtañʌl. 26Tsi' yʌc'ʌ ja'el lujunts'ijt cuchara melbil bʌ ti oro am bʌ wucc'al (140) gramos i yalel, but'ul yic'ot pom. 27Tsi' yʌc'ʌ ja'el juncojt alʌ tat wacax, yic'ot tat tiñʌme', yic'ot juncojt alʌ tat tiñʌme' an jax to bʌ jump'ejl jab cha'an mi' pulbentel lac Yum, 28yic'ot juncojt i tat chivo cha'an mi' tsʌnsʌntel cha'an mulil. 29Jini majtañʌl cha'an mi' yʌq'uentel wocolix i yʌlʌ Dios jiñʌch cha'cojt tat wacax, yic'ot jo'cojt tat tiñʌme', yic'ot jo'cojt tat chivo, yic'ot jo'cojt alʌ tat tiñʌme' an jax to bʌ jujump'ejl jab. Pejtelel iliyi jiñʌch i majtan jini Eliab i yalobil Helón.
30Che' ti' chʌmp'ejlel q'uin jini Elisur i yalobil Sedeur tsa' c'oti i yʌq'uen i majtan lac Yum. Jiñʌch yumʌl ti Rubén. 31Jini ofrenda tsa' bʌ i yʌc'ʌ jiñʌch jump'ejl colem plato melbil bʌ ti plata, jump'ejl kilo i yalel, yic'ot jump'ejl jarra melbil bʌ ti plata am bʌ i yalel ojlil kilo. Ti' cha'p'ejlel but'ul ti' nich harina wen chʌmen juch'bil bʌ xajc'ubil bʌ yic'ot aceite cha'an majtañʌl. 32Tsi' yʌc'ʌ ja'el lujunts'ijt cuchara melbil bʌ ti oro am bʌ wucc'al (140) gramos i yalel, but'ul yic'ot pom. 33Tsi' yʌc'ʌ ja'el juncojt alʌ tat wacax, yic'ot tat tiñʌme', yic'ot juncojt alʌ tat tiñʌme' an jax to bʌ jump'ejl jab cha'an mi' pulbentel lac Yum, 34yic'ot juncojt i tat chivo cha'an mi' tsʌnsʌntel cha'an mulil. 35Jini majtañʌl cha'an mi' yʌq'uentel wocolix i yʌlʌ Dios jiñʌch cha'cojt tat wacax, yic'ot jo'cojt tat tiñʌme', yic'ot jo'cojt tat chivo, yic'ot jo'cojt alʌ tat tiñʌme' an jax to bʌ jujump'ejl jab. Pejtelel iliyi jiñʌch i majtan jini Elisur i yalobil Sedeur.
36Che' ti' jo'p'ejlel q'uin jini Selumiel i yalobil Zurisadai tsa' c'oti i yʌq'uen i majtan lac Yum. Jiñʌch yumʌl ti Simeón. 37Jini ofrenda tsa' bʌ i yʌc'ʌ jiñʌch jump'ejl colem plato melbil bʌ ti plata, jump'ejl kilo i yalel, yic'ot jump'ejl jarra melbil bʌ ti plata am bʌ i yalel ojlil kilo. Ti' cha'p'ejlel but'ul ti' nich harina wen chʌmen juch'bil bʌ xajc'ubil bʌ yic'ot aceite cha'an majtañʌl. 38Tsi' yʌc'ʌ ja'el lujunts'ijt cuchara melbil bʌ ti oro am bʌ wucc'al (140) gramos i yalel, but'ul yic'ot pom. 39Tsi' yʌc'ʌ ja'el juncojt alʌ tat wacax, yic'ot tat tiñʌme', yic'ot juncojt alʌ tat tiñʌme' an jax to bʌ jump'ejl jab cha'an mi' pulbentel lac Yum, 40yic'ot juncojt i tat chivo cha'an mi' tsʌnsʌntel cha'an mulil. 41Jini majtañʌl cha'an mi' yʌq'uentel wocolix i yʌlʌ Dios jiñʌch cha'cojt tat wacax, yic'ot jo'cojt tat tiñʌme', yic'ot jo'cojt tat chivo, yic'ot jo'cojt alʌ tat tiñʌme' an jax to bʌ jujump'ejl jab. Pejtelel iliyi jiñʌch i majtan jini Selumiel i yalobil Zurisadai.
42Che' ti' wʌcp'ejlel q'uin jini Eliasaf i yalobil Deuel tsa' c'oti i yʌq'uen i majtan lac Yum. Jiñʌch yumʌl ya' ti Gad. 43Jini ofrenda tsa' bʌ i yʌc'ʌ jiñʌch jump'ejl colem plato melbil bʌ ti plata, jump'ejl kilo i yalel, yic'ot jump'ejl jarra melbil bʌ ti plata am bʌ i yalel ojlil kilo. Ti' cha'p'ejlel but'ul ti' nich harina wen chʌmen juch'bil bʌ xajc'ubil bʌ yic'ot aceite cha'an majtañʌl. 44Tsi' yʌc'ʌ ja'el lujunts'ijt cuchara melbil bʌ ti oro am bʌ wucc'al (140) gramos i yalel, but'ul yic'ot pom. 45Tsi' yʌc'ʌ ja'el juncojt alʌ tat wacax, yic'ot tat tiñʌme', yic'ot juncojt alʌ tat tiñʌme' an jax to bʌ jump'ejl jab cha'an mi' pulbentel lac Yum, 46yic'ot juncojt i tat chivo cha'an mi' tsʌnsʌntel cha'an mulil. 47Jini majtañʌl cha'an mi' yʌq'uentel wocolix i yʌlʌ Dios jiñʌch cha'cojt tat wacax, yic'ot jo'cojt tat tiñʌme', yic'ot jo'cojt tat chivo, yic'ot jo'cojt alʌ tat tiñʌme' an jax to bʌ jujump'ejl jab. Pejtelel iliyi jiñʌch i majtan jini Eliasaf i yalobil Deuel.
48Che' ti' wucp'ejlel q'uin Elisama i yalobil Amiud tsa' c'oti i yʌq'uen i majtan lac Yum. Jiñʌch yumʌl ti Efraín. 49Jini ofrenda tsa' bʌ i yʌc'ʌ jiñʌch jump'ejl colem plato melbil bʌ ti plata, jump'ejl kilo i yalel, yic'ot jump'ejl jarra melbil bʌ ti plata am bʌ i yalel ojlil kilo. Ti' cha'p'ejlel but'ul ti' nich harina wen chʌmen juch'bil bʌ xajc'ubil bʌ yic'ot aceite cha'an majtañʌl. 50Tsi' yʌc'ʌ ja'el lujunts'ijt cuchara melbil bʌ ti oro am bʌ wucc'al (140) gramos i yalel, but'ul yic'ot pom. 51Tsi' yʌc'ʌ ja'el juncojt alʌ tat wacax, yic'ot tat tiñʌme', yic'ot juncojt alʌ tat tiñʌme' an jax to bʌ jump'ejl jab cha'an mi' pulbentel lac Yum, 52yic'ot juncojt i tat chivo cha'an mi' tsʌnsʌntel cha'an mulil. 53Jini majtañʌl cha'an mi' yʌq'uentel wocolix i yʌlʌ Dios jiñʌch cha'cojt tat wacax, yic'ot jo'cojt tat tiñʌme', yic'ot jo'cojt tat chivo, yic'ot jo'cojt alʌ tat tiñʌme' an jax to bʌ jujump'ejl jab. Pejtelel iliyi jiñʌch i majtan jini Elisama i yalobil Amiud.
54Che' ti' waxʌcp'ejlel q'uin jini Gamaliel i yalobil Pedasur tsa' c'oti i yʌq'uen i majtan lac Yum. Jiñʌch yumʌl ti Manasés. 55Jini ofrenda tsa' bʌ i yʌc'ʌ jiñʌch jump'ejl colem plato melbil bʌ ti plata, jump'ejl kilo i yalel, yic'ot jump'ejl jarra melbil bʌ ti plata am bʌ i yalel ojlil kilo. Ti' cha'p'ejlel but'ul ti' nich harina wen chʌmen juch'bil bʌ xajc'ubil bʌ yic'ot aceite cha'an majtañʌl. 56Tsi' yʌc'ʌ ja'el lujunts'ijt cuchara melbil bʌ ti oro am bʌ wucc'al (140) gramos i yalel, but'ul yic'ot pom. 57Tsi' yʌc'ʌ ja'el juncojt alʌ tat wacax, yic'ot tat tiñʌme', yic'ot juncojt alʌ tat tiñʌme' an jax to bʌ jump'ejl jab cha'an mi' pulbentel lac Yum, 58yic'ot juncojt i tat chivo cha'an mi' tsʌnsʌntel cha'an mulil. 59Jini majtañʌl cha'an mi' yʌq'uentel wocolix i yʌlʌ Dios jiñʌch cha'cojt tat wacax, yic'ot jo'cojt tat tiñʌme', yic'ot jo'cojt tat chivo, yic'ot jo'cojt alʌ tat tiñʌme' an jax to bʌ jujump'ejl jab. Pejtelel iliyi jiñʌch i majtan jini Gamaliel i yalobil Pedasur.
60Che' ti' bolomp'ejlel q'uin Abidán i yalobil Gedeoni tsa' c'oti i yʌq'uen i majtan lac Yum. Jiñʌch yumʌl ti Benjamín. 61Jini ofrenda tsa' bʌ i yʌc'ʌ jiñʌch jump'ejl colem plato melbil bʌ ti plata, jump'ejl kilo i yalel, yic'ot jump'ejl jarra melbil bʌ ti plata am bʌ i yalel ojlil kilo. Ti' cha'p'ejlel but'ul ti' nich harina wen chʌmen juch'bil bʌ xajc'ubil bʌ yic'ot aceite cha'an majtañʌl. 62Tsi' yʌc'ʌ ja'el lujunts'ijt cuchara melbil bʌ ti oro am bʌ wucc'al (140) gramos i yalel, but'ul yic'ot pom. 63Tsi' yʌc'ʌ ja'el juncojt alʌ tat wacax, yic'ot tat tiñʌme', yic'ot juncojt alʌ tat tiñʌme' an jax to bʌ jump'ejl jab cha'an mi' pulbentel lac Yum, 64yic'ot juncojt i tat chivo cha'an mi' tsʌnsʌntel cha'an mulil. 65Jini majtañʌl cha'an mi' yʌq'uentel wocolix i yʌlʌ Dios jiñʌch cha'cojt tat wacax, yic'ot jo'cojt tat tiñʌme', yic'ot jo'cojt tat chivo, yic'ot jo'cojt alʌ tat tiñʌme' an jax to bʌ jujump'ejl jab. Pejtelel iliyi jiñʌch i majtan jini Abidán i yalobil Gedeoni.
66Che' ti lujump'ejlel q'uin Ahiezer i yalobil Amisadai tsa' c'oti i yʌq'uen i majtan lac Yum. Jiñʌch yumʌl ti Dan. 67Jini ofrenda tsa' bʌ i yʌc'ʌ jiñʌch jump'ejl colem plato melbil bʌ ti plata, jump'ejl kilo i yalel, yic'ot jump'ejl jarra melbil bʌ ti plata am bʌ i yalel ojlil kilo. Ti' cha'p'ejlel but'ul ti' nich harina wen chʌmen juch'bil bʌ xajc'ubil bʌ yic'ot aceite cha'an majtañʌl. 68Tsi' yʌc'ʌ ja'el lujunts'ijt cuchara melbil bʌ ti oro am bʌ wucc'al (140) gramos i yalel, but'ul yic'ot pom. 69Tsi' yʌc'ʌ ja'el juncojt alʌ tat wacax, yic'ot tat tiñʌme', yic'ot juncojt alʌ tat tiñʌme' an jax to bʌ jump'ejl jab cha'an mi' pulbentel lac Yum, 70yic'ot juncojt i tat chivo cha'an mi' tsʌnsʌntel cha'an mulil. 71Jini majtañʌl cha'an mi' yʌq'uentel wocolix i yʌlʌ Dios jiñʌch cha'cojt tat wacax, yic'ot jo'cojt tat tiñʌme', yic'ot jo'cojt tat chivo, yic'ot jo'cojt alʌ tat tiñʌme' an jax to bʌ jujump'ejl jab. Pejtelel iliyi jiñʌch i majtan jini Ahiezer i yalobil Amisadai.
72Che' ti' junlujump'ejlel q'uin Pagiel i yalobil Ocrán tsa' c'oti i yʌq'uen i majtan lac Yum. Jiñʌch yumʌl ti Aser. 73Jini ofrenda tsa' bʌ i yʌc'ʌ jiñʌch jump'ejl colem plato melbil bʌ ti plata, jump'ejl kilo i yalel, yic'ot jump'ejl jarra melbil bʌ ti plata am bʌ i yalel ojlil kilo. Ti' cha'p'ejlel but'ul ti' nich harina wen chʌmen juch'bil bʌ xajc'ubil bʌ yic'ot aceite cha'an majtañʌl. 74Tsi' yʌc'ʌ ja'el lujunts'ijt cuchara melbil bʌ ti oro am bʌ wucc'al (140) gramos i yalel, but'ul yic'ot pom. 75Tsi' yʌc'ʌ ja'el juncojt alʌ tat wacax, yic'ot tat tiñʌme', yic'ot juncojt alʌ tat tiñʌme' an jax to bʌ jump'ejl jab cha'an mi' pulbentel lac Yum, 76yic'ot juncojt i tat chivo cha'an mi' tsʌnsʌntel cha'an mulil. 77Jini majtañʌl cha'an mi' yʌq'uentel wocolix i yʌlʌ Dios jiñʌch cha'cojt tat wacax, yic'ot jo'cojt tat tiñʌme', yic'ot jo'cojt tat chivo, yic'ot jo'cojt alʌ tat tiñʌme' an jax to bʌ jujump'ejl jab. Pejtelel iliyi jiñʌch i majtan jini Pagiel i yalobil Ocrán.
78Che' ti' lajchʌmp'ejlel q'uin Ahira i yalobil Enán tsa' c'oti i yʌq'uen i majtan lac Yum. Jiñʌch yumʌl ti Neftalí. 79Jini ofrenda tsa' bʌ i yʌc'ʌ jiñʌch jump'ejl colem plato melbil bʌ ti plata, jump'ejl kilo i yalel, yic'ot jump'ejl jarra melbil bʌ ti plata am bʌ i yalel ojlil kilo. Ti' cha'p'ejlel but'ul ti' nich harina wen chʌmen juch'bil bʌ xajc'ubil bʌ yic'ot aceite cha'an majtañʌl. 80Tsi' yʌc'ʌ ja'el lujunts'ijt cuchara melbil bʌ ti oro am bʌ wucc'al (140) gramos i yalel, but'ul yic'ot pom. 81Tsi' yʌc'ʌ ja'el juncojt alʌ tat wacax, yic'ot tat tiñʌme', yic'ot juncojt alʌ tat tiñʌme' an jax to bʌ jump'ejl jab cha'an mi' pulbentel lac Yum, 82yic'ot juncojt i tat chivo cha'an mi' tsʌnsʌntel cha'an mulil. 83Jini majtañʌl cha'an mi' yʌq'uentel wocolix i yʌlʌ Dios jiñʌch cha'cojt tat wacax, yic'ot jo'cojt tat tiñʌme', yic'ot jo'cojt tat chivo, yic'ot jo'cojt alʌ tat tiñʌme' an jax to bʌ jujump'ejl jab. Pejtelel iliyi jiñʌch i majtan jini Ahira i yalobil Enán.
84-86Pejtelel ili majtañʌl tac tsi' yʌc'ʌyob israelob che' bʌ tsa' aq'uenti Dios jini pulʌntib, jintacʌch iliyi:
12 colem latu melbil bʌ ti plata, jump'ejl kilo i yalel ti jujump'ejl; 12 jarra melbil bʌ ti plata, ojlil kilo i yalel ti jujump'ejl, che' ti pejtelel jiñʌch 18 kilo; 12 alʌ latu melbil bʌ ti oro 100 gramo ti jujump'ejl, ñumen ti jump'ejl kilo ti pejtelel.
87Pejtelel jini alʌc'ʌl tac tsa' bʌ i pʌyʌyob tilel cha'an mi' tsʌnsʌntel, jiñʌch lajchʌncojt alʌ tat wacax, yic'ot lajchʌncojt tat tiñʌme', yic'ot lajchʌncojt alʌ tat tiñʌme' an tac bʌ jujump'ejl i jabilel, yic'ot lajchʌncojt jini tat chivo mu' bʌ i tsʌnsʌntel cha'an mulil. Tsi' ch'ʌmʌyob tilel ja'el majtañʌl tac melbil bʌ ti trigo. 88Jini majtañʌl (cha'an mi' yʌq'uentel wocolix i yʌlʌ Dios) jiñʌch chʌncojt i cha'c'al alʌ tat wacax yic'ot uxc'al tat tiñʌme', yic'ot uxc'al tat chivo, yic'ot uxc'al alʌ tat tiñʌme' an tac bʌ jujump'ejl i jabilel. Pejtelel iliyi jiñʌch majtañʌl tac tsa' bʌ aq'uenti Dios che' bʌ tsi' yʌq'ueyob jini pulʌntib. 89Che' bʌ tsa' ochi ti Tabernáculo Moisés cha'an mi' pejcan Dios, tsi' yubibe i T'an ya' ba' tsi' pʌsʌ i yutslel Dios ti' yojlil i yejtal ángelob am bʌ ti' pam Arca.
Currently Selected:
Numeros 7: CTU77
Highlight
Copy
Compare
Share
Want to have your highlights saved across all your devices? Sign up or sign in
Chol de Tumbalá Bible © Bible Society of Mexico, 1977. Active Translation in Process
