Fiɛlɔ 8
8
1Mɛnɔ kɛ ní lelɔ sɔ? Mɛnɔ lɛ le níhi a sisi tsɔɔmi kɛ lɛ sɔ? Nile haa nɛ nɔ muɔɔ, nɛ e tsɔɔ e hɛ mi kɛ haa nɔ.
Bu matsɛ tue
2Ye matsɛ mlaa a nɔ kaa bɔ nɛ o ka Mawu kita ke o maa pee ɔ. 3Matsɛ ma nyɛ maa pee nɔ́ tsuaa nɔ́ nɛ e suɔ. Lɔ ɔ he ɔ, ke e mi mi fu ɔ, jee e hɛ mi esɔ! 4Ke matsɛ tu munyu ɔ, he wami ngɛ se. Mɛnɔ ma nyɛ ma de matsɛ ke, “Mɛni lɛ o pee nɛ ɔ?” 5Nɔ nɛ yeɔ mlaa nɔ ɔ, haomi bɛ e nɔ. Nɔ nɛ le ní ɔ, e le be nɛ sa, kɛ blɔ nɔ nɛ e maa gu kɛ bu tue. 6Ejakaa be nɛ sa, kɛ blɔ nɔ nɛ a kɛ peeɔ nɔ́ ngɛ. Se akɛnɛ nɔmlɔ adesa li he je ɔ, e ba peeɔ haomi ha lɛ. 7Wa ti nɔ ko nɔ ko li nɔ́ nɛ maa ba hwɔɔ se. Mɛnɔ lɛ ma nyɛ maa tsɔɔ be mi nɛ nɔ́ ko maa ba? 8Nɔmlɔ adesa be he wami ngɛ e mumi nɔ; nɛ e be he wami ngɛ e gbenɔ be nɔ. Gbenɔ ngɛ kaa ta; nɔ ko be nyɛe maa tu nya fo. Yi wu tso ní peemi be nyɛe ma he nɔ ko yi wami.
Yayami peeli kɛ dali
9I na ní nɛ ɔmɛ tsuo, be mi nɛ i ngɛ níhi nɛ nimli adesahi peeɔ ngɛ je nɛ ɔ mi ɔ a he susue. Ni komɛ ngɔɔ blɔ nya nɛ a na a kɛ yeɔ a nyɛmimɛ awi. 10Jehanɛ, i na yayami peeli komɛ nɛ ke pee ɔ, a baa he klɔuklɔu ɔ. Benɛ a gbo nɛ a ya pu mɛ ɔ, a huɛmɛ ɔmɛ a hɛ je a yayami ɔmɛ a nɔ, nɛ a bɔni a yi jemi mohu ngɛ ma mi he nɛ a pee yayami ɔmɛ ngɛ ɔ. Nɔ́ nɛ ɔ hu dɛ.
11Mɛni he je lɛ nihi a he sɔɔ kɛ peeɔ yayami ɔ? Ejakaa a gbla we a tue ngɛ be nɛ sa mi. 12Yayami peelɔ peeɔ yayami si lafa, nɛ e gbo we. Se kɛ̃ ɔ, i le kaa nihi nɛ yeɔ Mawu gbeye anɔkuale mi ɔ, e hii ha mɛ. 13Yayami peeli lɛɛ e be hie ha mɛ gblegbleegble. Mɛɛ lɛɛ a wami ngɛ kaa nini. A se kɛ we ngɛ je mi, ejakaa a yi Mawu gbeye. 14Nɔ́ yayami ko nɛ yaa nɔ ngɛ je ɔ mi ji nɛ ɔ nɛ. Be komɛ ɔ, a ngɔɔ yayami peeli a tue gblami kɛ haa dali, nɛ a kɛ dali a ní kpakpahi a he hiɔwo mohu haa yayami peeli. I ngɛ dee ke nɔ́ nɛ ɔ hu dɛ blɔ.
15Lɔ ɔ he ɔ, i na kaa e sa kaa nɔmlɔ adesa nɛ na bua jɔmi; ejakaa nɔ́ ko pa be je nɛ ɔ mi ha lɛ, pe kaa e ye ní, nɛ e nu ní, nɛ e na bua jɔmi. Ke nɔmlɔ ngɛ dengme gboe ngɛ je nɛ ɔ mi, ngɛ wami bɔɔ nɛ Mawu ha lɛ ɔ mi ɔ, nɔ́ nɛ e ma nyɛ maa pee ji nɛ ɔ nɛ.
16Be tsuaa be nɛ i hla kaa ma le ní, nɛ ma na níhi nɛ yaa nɔ ngɛ je nɛ ɔ mi ɔ, i naa kaa o ma nyɛ maa hi si nyɔ kɛ pia nɛ mahe hwɔmi be mi. 17Se ní tsumi nɛ Mawu ngɛ tsue ngɛ je nɛ ɔ mi ɔ lɛɛ nɔmlɔ be nya nae gblegbleegble. Ke o gbo dengme hluu po, o be nya nae. Ní leli nɛ e peeɔ mɛ kaa mɛɛ a le ɔ, mɛ po a nɛ nya.
Currently Selected:
Fiɛlɔ 8: Dangme
Highlight
Copy
Compare
Share
Want to have your highlights saved across all your devices? Sign up or sign in
Bible in Dangme © Bible Society of Ghana, 2018.
