Fiɛlɔ 7
7
Susumi komɛ nɛ kɔɔ wami he
1 #
Abɛ 22.1
Biɛ kpakpa hi pe nu je via nɛ he jua wa. Ligbi nɛ o gbo ɔ hi pe ligbi nɛ a fɔ mo.
2E hi kaa o maa ya we mi he nɛ a ngɛ kɔmɔ yee ngɛ, pe kaa o maa ya he nɛ a tsɛ ní yemi ngɛ. Ejakaa e hia kaa nihi nɛ ngɛ wami mi kɛ mwɔɔ ɔ, a kai be tsuaa be kaa gbenɔ ji wɔ tsuo wa nyagbe.
3Kɔmɔ yemi hi pe muɔmi. Ke o hɛ mi pee mɔbɔmɔbɔ ɔ, o leɔ ní.
4Daa nɛ ɔ, ní lelɔ ngɛ gbenɔ he susue, se kuasia lɛɛ e susumi pɛ ji bua jɔmi.
5E hi kaa ní lelɔ ma ka o hɛ mi, pe kaa kuasia ma je o yi.
6Ke kuasia ngɛ muɔe ɔ, e ngɛ kaa mio nɛ ngɛ pɛe ngɛ la mi. Enɛ ɔ hu ji yaka nɔ́ ko.
7Amimi yemi haa ní lelɔ peeɔ kuasia, nɛ nyɔ mi ní hemi puɛɔ nɔ je mi bami.
8Nyagbe hi pe sisije. Tsui si tomi hi pe he nɔ womi.
9 #
Yak 1.19
Hyɛ nɛ o mi mi ko fu mlamlaamla, ejakaa kuasia lɛ ngɔɔ nɔ́ kɛ toɔ e tsui mi.
10Ko bi ke, “Mɛni he je blema ngɔɔ pe mwɔnɛmwɔnɛ ɔ?” Tsa pi nile gbi ji lɔ ɔ.
11Nɔ tsuaa nɔ nɛ ngɛ je nɛ ɔ mi ɔ, e sa kaa e le ní. Ejakaa nile ngɛ kaa weto ní; e he ngɛ se nami 12kaa bɔ nɛ sika ngɛ ɔ pɛpɛɛpɛ. Nile faa nɔ he kaa bɔ nɛ sika faa nɔ he ɔ. Nile haa nɛ nɔ yeɔ e he.
13Hyɛ Mawu nine nya ní tsumi! Nɔ́ nɛ Mawu ha nɛ e kpɛ̃ ɔ, mɛnɔ ma nyɛ maa pee lɛ nɛ e da? 14Ke níhi a mi hi ha mo ɔ, nya. Ke haomi ba hu, kai kaa Mawu lɛ pee bua jɔmi ɔ kɛ haomi ɔ tsuo, bɔ nɛ pee nɛ nɔmlɔ adesa nɛ ko le nɔ́ nɛ maa ba hwɔɔ se.
15Ye wami be ɔ he be se nami ko lɛɛ, se níhi tsuo nɛ ngɛ mi ɔ, i le. E pɔɔ mi bami kaa dalɔ hɛ mi kpataa, be mi nɛ yayami peelɔ mohu wami se kɛɔ. 16Lɔ ɔ he ɔ, koo pee o he dalɔ, aloo ní lelɔ tsɔ. Mɛni he je lɛ o ma kpata mo nitsɛ o hɛ mi? 17Se kɛ̃ ɔ, o yi mi ko wa tsɔ, nɛ o ko je kuasia hulɔ. Mɛni he je o ma gbo nɛ́ o be sui lolo ɔ? 18E hi kaa o maa pɛtɛ ga womi nɛ ɔ he nɛ o be he ngmɛɛe. Nɔ nɛ yee Mawu gbeye ɔ, e maa ye manye kɛ̃.
19Nile woɔ ní lelɔ he wami kulaa pe ma nɔ yeli nyɔngma nɛ ngɛ ma ko mi.
20Niinɛ, dalɔ ko dalɔ ko be zugba nɛ ɔ nɔ. Nɔ ko nɔ ko be nɛ peeɔ kpakpa daa nɛ ɔ, nɛ lɛɛ e pee we yayami gblegbleegble.
21Koo bu nɔ́ tsuaa nɔ́ nɛ nihi ngɛ dee ɔ tue, nɛ́ o ko ba nu kaa o tsɔlɔ ngɛ mo gbiɛe. 22Mo nitsɛ o le ngɛ o tsui mi kaa behi fuu ɔ, mo hu o gbiɛɛ ni komɛ.
23Nile lɛ i kɛ kpa ní nɛ ɔmɛ tsuo si. I to ye yi mi kaa ma kase ní, nɛ ma le ní. Se e ya yɛ nya. 24Kɛ nɔ ko maa pee kɛ le bɔ nɛ wami ngɛ ha kɛɛ? Mɛnɔ ma nyɛ? Wa juɛmi sui he. 25Jehanɛ, i ba bɔni ní kasemi, kɛ níhi a si kpami. I pee ye yi mi kaa ma na nile, nɛ ma na ye ní bimi ɔmɛ a heto. Nɔ́ nɛ i na ji kaa yi mi wami ɔ, e ji kuasia jemi, nɛ biɛmi hu godo.
26Nɔ́ ko hu nɛ i na nɛ dooɔ pe gbenɔ ji yo nɛ e tsui mi ngɛ kaa klama nɛ a tsɔ, aloo ya nɛ a wo nɛ a kɛ maa du nɔ. E nine ngɛ kaa kɔsɔkɔsɔ nɛ a kɛ maa wo nɔ. Nyumu nɛ peeɔ Mawu suɔmi nya ní ɔ maa je e dɛ mi. Se yayami peelɔ lɛɛ yo ɔ nine maa su e nɔ. 27-28Fiɛlɔ ɔ ke, benɛ i kpa níhi a si hluu nɛ e yɛ nya a, i ba bɔni níhi a he susumi kakaaka; nɛ nɔ́ nɛ i na ji nɛ ɔ nɛ. Ngɛ nyumuhi akpe a kpɛti ɔ, i na nɔ kake nɛ bu ngɛ e he, se yihi akpe a kpɛti lɛɛ i nɛ nɔ ko kaa jã. 29Nɔ́ nɛ i na kɛkɛ ji kaa Mawu bɔ nɔmlɔ adesa nɛ e hi si saminya, se nɔmlɔ ba kase gɔdɔgɔdɔ si himi.
Currently Selected:
Fiɛlɔ 7: Dangme
Highlight
Copy
Compare
Share
Want to have your highlights saved across all your devices? Sign up or sign in
Bible in Dangme © Bible Society of Ghana, 2018.
