Fiɛlɔ 11
11
Ní lelɔ ní tsumi
1Mo sake o nɔ́ kpakpa ko ngɔ fɔ nyu hɛ, nɛ hwɔɔ se ko ɔ, o ma ba ná he se. 2Ngɔɔ o ní kpakpahi ngɔ to hehi munomuno; ejakaa o li matahu ko nɛ ma ba po mo ngɛ je mi.
3Ke hiɔwe yu bluublu kɛ bɔku ɔ, hiɔmi nɛɛ. He nɛ tso ku fɔ si ngɛ ɔ, leneyi je jio, omleyi je jio, lejɛ ɔ e hii. 4Nɔ nɛ slaa kɔɔhiɔ ɔ, e du we ní; nɔ nɛ hyɛɛ bɔku mi ɔ, e kpa we ní. 5Níhi nɛ Mawu pee ɔ, o juɛmi su a he lo? Ke o juɛmi sui a he ɔ, lɛɛ kɛ o maa pee kɛ le bɔ nɛ wami he jeɔ sisi ngɛ yohɔyo mi mi kɛɛ? 6Du ní mɔtu kɛ gbɔkuɛ tsuo. O li a kpɛti nɔ́ nɛ maa ba; mɔtu nɔ́ ɔ jio, gbɔkuɛ nɔ́ ɔ jio. Enyɔ ɔmɛ tsuo maa hi jio, o li.
7La ngɔɔ; ke hɛngmɛ na pu la a, e suɔ. 8Ke nɔ ko ye jeha babauu ngɛ je mi ɔ, e ná bua jɔmi daa ligbi. Se mohu, e kai kaa ke e gbo ɔ, be nɛ e maa ye ngɛ lejɛ ɔ hiɛ kulaa pe be nɛ e maa ye ngɛ je nɛ ɔ mi. Níhi nɛ maa ba a tsuo ji yaka níhi.
Nihewi a slɔmi
9Nihewi, nyɛ fiɛ nyɛ yi nɔ ngɛ nyɛ nihe mi; nyɛɛ pee nyɛ suɔmi nya ní, nɛ nyɛ na bua jɔmi. Se nyɛ na nɛ nyɛɛ le kaa Mawu maa kojo nyɛ ngɛ ní nɛ ɔmɛ tsuo a he.
10Lɔ ɔ he ɔ, nyɛ ko ye tsui, nɛ nyɛ ko hao; ejakaa jokuɛwi a si, kɛ nihe be ɔ tsuo yaka.
Currently Selected:
Fiɛlɔ 11: Dangme
Highlight
Copy
Compare
Share
Want to have your highlights saved across all your devices? Sign up or sign in
Bible in Dangme © Bible Society of Ghana, 2018.
