Fiɛlɔ 10
10
1Anunu gbogboe haa nɛ tsopa kɛ e he via jeɔ fu. Jã kɛ̃ kuasia jemi bɔɔ gbeɔ nile kɛ hɛ mi nyami a he guɛ.
2Ní lelɔ suɔmi nya ní ji kaa e pee kpakpa daa; se kuasia lɛɛ e suɔ kaa e pee nɔ́ yayami. 3Ke kuasia ngɛ nyɛɛe ngɛ gbɛjegbɛ nɔ ɔ, e ní peepee yeɔ e he odase kɛ tsɔɔ nɔ tsuaa nɔ kaa kuasia ji lɛ.
4Ke o nɔ yelɔ mi mi fu mo ɔ, koo je o ní tsumi he ɔ; he si bami gbeɔ sanehi nɛ he wa a nya la.
5Nɔ́ ko nɛ i na ngɛ je nɛ ɔ mi nɛ dɛ, nɛ matsɛmɛ kɛ nɔ yeli pɔɔ peemi ji kaa 6a haa kuasiahi blɔ he nguanguahi, nɛ niatsɛmɛ mohu hii sisi je. 7I naa tsɔli ngɛ okpɔngɔhi a nɔ, be mi nɛ ganɔhi mohu ngɛ zugba nyɛɛe.
8 #
La 7.15; Abɛ 26.27 Nɔ nɛ tsuaa muɔ ɔ, lɛ nɛ maa nɔ mi; nɔ nɛ gbaa piɛ ɔ, lɛ nɛ sinɔ maa kɔ. 9Nɔ nɛ ywiaa tɛ ɔ, lɛ nɛ tɛ plaa; nɔ nɛ gbaa lɛ́ ɔ, lɛ nɛ lɛ́ plaa. 10Ke o dade nya gbo, nɛ o duɔ we nya a, ja o kɛ o he wami tsu ní wawɛɛ. Se nile haa nɛ nɔ toɔ ga kpakpa. 11Ke sinɔ maa kɔ kunya yelɔ kekle loko e maa wo sinɔ ɔ hɛ mi kunya a, mɛni e ma na? 12Ní lelɔ nya mi munyu haa nɛ e hɛ mi baa nyami. Se kuasia kɛ e munyu kpataa lɛ nitsɛ e hɛ mi. 13E jeɔ sisi kɛ kuasia munyu tumi, nɛ e gbeɔ nya kɛ godo. 14Kuasia tuɔ munyu babauu. Nɔ ko nɔ ko li hwɔɔ se sane; nɔ́ nɛ maa ba ngɛ wa gbenɔ se ɔ, mɛnɔ ma nyɛ ma de?
15Kuasia gboɔ yaka dengme kɛ woɔ lɛ nitsɛ e he pɔtɔ; ejakaa e li blɔ nɛ a guu nɔ kɛ yaa ma mi.
16Ma nɛ jokuɛyo ngɛ a nɔ matsɛ yee, nɛ ganɔ ɔmɛ yeɔ ní, nɛ a nuɔ ní kpɔtɔɔ daa mɔtu ɔ, musu tloo mɛ. 17A gbaa ma nɛ a matsɛ ɔ ngɔɔ lɛ nitsɛ e juɛmi kɛ tsuɔ ní, nɛ ganɔ ɔmɛ yeɔ ní bɔ nɛ sa ngɛ be nɔ, konɛ a nimli tso ɔmɛ nɛ a na he wami; se pi kaa a maa tɔ dã.
18Hejɔtsɛ tsu yi mi kuɔ kɛ woɔ mi, nɛ tsu ɔ dungɔɔ.
19A tsɛɔ ní yemi konɛ a fiɛ nɛ a muɔ; dã haa nɔ bua jɔmi, se sika lɛ peeɔ nɔ́ tsuaa nɔ́.
20Koo gbiɛ matsɛ ngɛ o yi mi po; niatsɛ hu koo gbiɛ lɛ ngɛ o se tsu mi. Lohwe pɛlitsɛ ko maa ngɔ o munyu ɔ kɛ ho nɛ e ya de.
Currently Selected:
Fiɛlɔ 10: Dangme
Highlight
Copy
Compare
Share
Want to have your highlights saved across all your devices? Sign up or sign in
Bible in Dangme © Bible Society of Ghana, 2018.
