Romnima PILIGU
PILIGU
Pool ni daa sabi gban shɛli ti Romnim’ ŋɔ nyɛla din yɛn mali soli ti Pool zaŋ chaŋ o ni daa lo nia ni o chaŋ ti kaai Rom Cheechi la polo. O nia daa nyɛla o sɔŋ nimaani Kristiɛnnim’ daba ayi, di nyaaŋa ka bɛ sɔŋ o ka o chaŋ Speen. O daa sabiya wuh’ o ni baŋ Kristiɛn adiini soli ni di yɛlimuɣisira ni nyɛ shɛli zaŋ chaŋ Kristiɛn biɛhigu polo. Pool yɛtɔɣa kpiɔŋ zaa be litaafi ŋɔ ni.
Pool ni daa puhi Rom Cheechi ka yɛli ba o ni daa suhiri Naawuni tiri ba shɛm nyaaŋa, ka o daa yɛli din be o gbaŋ maa ni ni nyɛ shɛli: “Lahibal’ suŋ maa wuhiri Naawuni ni chɛri ka nir’ yiri taali ni ŋun’ Naawuni sani o yɛda niŋbu zuɣu shɛm. Di piligu ni zaŋ hal ni di naabu ni di kul nyɛla yɛda niŋbu zuɣu kaman di ni sab’ Naawuni Kundi ni shɛm la: Ŋun yi taali ni Naawuni sani kul ni bela o yɛda niŋbu zuɣu.” (1.17)
Pool daa yɛligi o yɛtɔɣa maa. Zuliya balibu kam, Yɛhudianim’ mini bɛn pa Yɛhudianim’ zaa simdi ni bɛ yi taali ni Naawuni sani, dama sokam zaa bela alahichi dabitim ni. Yisa Masia yɛda niŋbu ni ka nir’ yiri taali ni Naawuni sani. Din pahi nyɛla, Pool wuhiya ni nir’ mini Masia laɣim leei zaɣ’ yini ŋɔ yirila nir’ ni nya biɛri palli shɛli Naawuni san’ la ni na.
Yɛdaniŋda nyari suhudoo Naawuni sani, ka Naawuni Shia tir’ o yolisim, ka o yiri alahichi mini kum ni. Suura anu zaŋ hal ni suura anii (5-8) puuni, Pool lan wuhi Naawuni zaligu daliri mini Naawuni Shia yiko ni nyɛ shɛm yɛdaniŋda biɛhigu ni. Di saha ka di daa niŋ Pool muɣisigu zaŋ chaŋ Yɛhudianim’ mini bɛn pa Yɛhudianim’ ni ni tooi laɣim be Naawuni ni lo shɛm puuni maa zuɣu. O daa yɛliya naabu ni ni Yɛhudianim’ ni daa zaɣisi Yisa la, di daa dolila Naawuni ni daa lo ni o zaŋ zuliya kam kpɛhi o ni daa lo shɛm maa ni Yisa Masia daalibarika zuɣu, ka daa niŋ yɛda ni Yɛhudianim’ pala bɛn zaɣisi Yisa zaa sahakam. Din bahindi nyaaŋa, Pool daa sabi wuhi Kristiɛn biɛhigu ni simdi ni di nyɛ shɛm, di bahi bamdi yurilim yɛla ni nyɛ shɛm nir’ min’ o kpee sunsuuni. O daa wuhiya ni o ni yɛli binshɛŋa yɛla maa nyɛla Naawuni tuma ni di ni simdi ni Kristiɛn tum tuun’ shɛŋa ti o tiŋgbɔŋ min’ o taba ni bɔhigu shɛŋa din be nir’ tɛha ni. Omaŋmaŋ’ yɛtɔɣa mini niriba puhigu ni Naawuni paɣibu ka o daa zaŋ naag’ o gbaŋ maa.
Din be litaafi ŋɔ puuni
Piligu mini yɛlikpani 1.1-17
Di simdi ni dunia daadam kam bo tiliginsim 1.18—3.20
Naawuni wuhi tiliginsim soli 3.21—4.25
Nyɛvili palli din be Masia ni 5.1—8.39
Izraɛlnim’ be Naawuni nia lɔbu ni 9.1—11.36
Kristiɛn biɛhigu ni nyɛ shɛm 12.1—15.13
Naabu min’ o ni puhi niriba shɛm 15.14—16.27
Currently Selected:
Romnima PILIGU: DBwDB
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.