Romnima 2
2
Naawuni ni yɛn kari sokam saria shɛm
1 #
Mat 7.1; Luk 6.37 Dinzuɣu nyin’ ninsala, a yi kul nyɛ so kabo, a yi kariti a kpee saria, a ku nya soli din ni doli yi taali ni; dama a ni karit’ o saria saha shɛli maa ka a karit’ amaŋ’ gba saria, nyin’ ŋun nyɛ o sariakarita maa gba ni tumdila tuun’ shɛŋa o ni tumdi maa zuɣu. 2Ti mi ni Naawuni yi kari ninvuɣ’ shɛb’ bɛn tumdi tuumbiɛri ŋɔ tatabo saria, o sariakaribo maa nyɛla din tuhi. 3Nyin’ ninsala, ka a ni kariti ninvuɣ’ shɛb’ bɛn tumdi tuumbiɛri ŋɔ tatabo saria ka amaŋmaŋ’ gba tumdi li maa, a tɛhiya ni a ni nya soli din ni doli yi Naawuni sariakaribo ni? 4Bee a ʒiɛmla Naawuni nirilim din galisi min’ o nambɔzɔbo ni o suɣilɔdibo la? A bi mi ni din chɛ ka Naawuni niŋd’ a nirilim maa nyɛla o bɔrimi ni a niŋ tuuba? 5Amaa a halibiɛɣu min’ a tipawumli zuɣu chɛ ka a bɔri Naawuni suhuyiɣisili zaani gur’ amaŋ’ zaadali din nyɛ Naawuni ni ti yɛn kari saria din tuhi dahin shɛl’ la. 6#Yila 62.12; Ŋaha 24.12 Dama o ni ti ti sokam o tuma ni simdi shɛli: 7Ninvuɣ’ shɛb’ bɛn mali suɣilo tumdi din tuhi ka bɔri jilima mini paɣibu ni niŋgbuŋ din ku pooi la, Naawuni ni ti ti ba nyɛvili din ka bahigu; 8amaa ninvuɣ’ shɛb’ bɛn kul tɛhirila bɛmaŋmaŋ’ kɔŋko yɛla ka bi bɔri ni bɛ doli yɛlimaŋli soli, amaa ka dolila tuumbiɛtali soli la, Naawuni ni ti zaŋ o suli min’ o suhuyiɣisili darigi bɛ tibili. 9Ninsal’ kam ŋun tumdi tuumbiɛri ni nya nahiŋgu mini wahala, Yɛhudianima n-daŋ tooni ka bɛn pa Yɛhudianim’ paya; 10amaa ŋunkam tumdi din tuhi ni nya jilima mini paɣibu ni suhudoo, Yɛhudianima n-lan daŋ tooni ka bɛn pa Yɛhudianim’ paya. 11#Zal 10.17 Dama Naawuni lihi sokam zaa la yim.
12Ninvuɣ’ shɛb’ bɛn zaa bi mali Naawuni fukumsi zaligu ka tumd’ alahichi ni ti bahi yoli, ka di pala bɛ ni bi mali Naawuni fukumsi zaligu maa zuɣu; ka ninvuɣ’ shɛb’ bɛn mi zaa mali Naawuni fukumsi zaligu ka tumd’ alahichi gba ni ti nya saria karibu kaman Naawuni fukumsi zaligu maa ni wuhi shɛm. 13Pa ninvuɣ’ shɛb’ bɛn zaa wumdi Naawuni fukumsi zaligu maa ni yɛli shɛm n-nyɛ bɛn yiri taali ni Naawuni sani, amaa bɛn doli Naawuni fukumsi zaligu maa n-nyɛ bɛn yiri taali ni Naawuni sani. 14Zuliya shɛb’ bɛn pa Yɛhudianima, ka bi mali Naawuni fukumsi zaligu, amaa ka lee tumdi Naawuni fukumsi zaligu maa ni wuhi shɛm, dindina hal bɛ ni bi mali Naawuni fukumsi zaligu maa zaa yoli, bɛ kul mali fukumsi zaligu bɛ suhuri ni m-bala. 15Bɛ ni niŋdi shɛm wuhiri ni Naawuni fukumsi zaligu ni wuhi shɛm sabi be bɛ suhuri ni, ka bɛ suhuri ni tɛha gba di ba shɛhira ni di nyɛla yɛlimaŋli, dama shɛlini bɛ tɛha galindi ba, ka shɛlini mi ka di zaani bɛ nyaaŋa. 16N ni yihiri lahibal’ suŋ shɛli waazu ŋɔ wuhiri ni lala nti shiri yɛn niŋ dahin’ shɛli Naawuni ni ti yɛn kari ashiya din be ninsalinim’ suhuri ni saria Yisa Masia zuɣu la.
Yɛhudianima mini Naawuni fukumsi zaligu
17Nyin’ ŋun bol’ amaŋa Yɛhudia ŋɔ, wula n-lee nyɛ li a sani? A niŋ Naawuni fukumsi zaligu naani ka nyuri bara a Naawuni milinsi zuɣu, 18ka lan mi o yubu, ka ʒe din tuhi nyaaŋa, ka di nyɛla Naawuni fukumsi zaligu ni wuh’ a lala zuɣu. 19A mi ni a nyɛla zoomba sowuhira mini bɛn be zibisim ni firila 20ni ŋun saɣisiri jɛra ni bihi karimba, ka di nyɛla a ni mi ni baŋsim mini yɛlimaŋli zaa bela Naawuni fukumsi zaligu ni zuɣu. 21Ka nyin’ ŋun wuhir’ a tab’ ŋɔ, a ku wuh’ amaŋa? Nyin’ ŋun wuhiri niriba ni bɛ di zu, a nyɛla ŋun zura? 22Nyin’ ŋun wuhiri niriba ni bɛ di niŋ zina, a nyɛla ŋun niŋdi zina? Nyin’ ŋun je buɣa, a nyɛla ŋun zuri buɣa jɛmbu duu nɛma? 23Nyin’ ŋun mali Naawuni fukumsi zaligu nyuri bara, a nyɛla ŋun saɣindi Naawuni fukumsi zaligu maa n-dihiri ŋun’ Naawuni vi? 24#Aiz 52.5 Dama di sabiya, “Yinim’ Yɛhudianim’ zuɣu ka bɛn pa Yɛhudianim’ kul ʒiɛmdi Naawuni yuli.”
25Di nyɛla yɛlimaŋli, gunibu mali buchi la a yi doli Naawuni fukumsi zaligu ni wuhi shɛm; amaa a yi bi doli Naawuni fukumsi zaligu ni wuhi shɛm, dindina a bemi kaman ŋun bi guni. 26Dinzuɣu ŋun bi guni, amaa ka doli Naawuni fukumsi zaligu maa ni wuhi shɛm, Naawuni ku lih’ o kaman ŋun guni? 27Lala zuɣu bɛn bi guni, amaa ka doli Naawuni fukumsi zaligu maa ni wuhi shɛm la ni wuhi ni yinim’ bɛn guni ka mali Naawuni fukumsi zaligu din sabi doya ka yi bi dol’ li ŋɔ mali taali. 28Dama ŋun nyɛ Yɛhudia la palɔni kɔŋko pala Yɛhudia alali, ka gunibu maŋli mi pala din niŋ niŋgbuŋ palɔni kɔŋko. 29#Zal 30.6 Ŋun nyɛ Yɛhudia alali nyɛla ŋun nyɛ Yɛhudia o suhu ni, ka gunibu maŋli mi nyɛ suhu ni yɛla din nyɛ Naawuni Shia ni niŋdi shɛli, ka di pala niŋgbuŋ ni kɔŋko yɛla. Ka dilana nyari paɣibu la Naawuni sani, ka pa ni ninsalinim’ sani.#Zal 30.6
Currently Selected:
Romnima 2: DBwDB
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.
Romnima 2
2
Naawuni ni yɛn kari sokam saria shɛm
1 #
Mat 7.1; Luk 6.37 Dinzuɣu nyin’ ninsala, a yi kul nyɛ so kabo, a yi kariti a kpee saria, a ku nya soli din ni doli yi taali ni; dama a ni karit’ o saria saha shɛli maa ka a karit’ amaŋ’ gba saria, nyin’ ŋun nyɛ o sariakarita maa gba ni tumdila tuun’ shɛŋa o ni tumdi maa zuɣu. 2Ti mi ni Naawuni yi kari ninvuɣ’ shɛb’ bɛn tumdi tuumbiɛri ŋɔ tatabo saria, o sariakaribo maa nyɛla din tuhi. 3Nyin’ ninsala, ka a ni kariti ninvuɣ’ shɛb’ bɛn tumdi tuumbiɛri ŋɔ tatabo saria ka amaŋmaŋ’ gba tumdi li maa, a tɛhiya ni a ni nya soli din ni doli yi Naawuni sariakaribo ni? 4Bee a ʒiɛmla Naawuni nirilim din galisi min’ o nambɔzɔbo ni o suɣilɔdibo la? A bi mi ni din chɛ ka Naawuni niŋd’ a nirilim maa nyɛla o bɔrimi ni a niŋ tuuba? 5Amaa a halibiɛɣu min’ a tipawumli zuɣu chɛ ka a bɔri Naawuni suhuyiɣisili zaani gur’ amaŋ’ zaadali din nyɛ Naawuni ni ti yɛn kari saria din tuhi dahin shɛl’ la. 6#Yila 62.12; Ŋaha 24.12 Dama o ni ti ti sokam o tuma ni simdi shɛli: 7Ninvuɣ’ shɛb’ bɛn mali suɣilo tumdi din tuhi ka bɔri jilima mini paɣibu ni niŋgbuŋ din ku pooi la, Naawuni ni ti ti ba nyɛvili din ka bahigu; 8amaa ninvuɣ’ shɛb’ bɛn kul tɛhirila bɛmaŋmaŋ’ kɔŋko yɛla ka bi bɔri ni bɛ doli yɛlimaŋli soli, amaa ka dolila tuumbiɛtali soli la, Naawuni ni ti zaŋ o suli min’ o suhuyiɣisili darigi bɛ tibili. 9Ninsal’ kam ŋun tumdi tuumbiɛri ni nya nahiŋgu mini wahala, Yɛhudianima n-daŋ tooni ka bɛn pa Yɛhudianim’ paya; 10amaa ŋunkam tumdi din tuhi ni nya jilima mini paɣibu ni suhudoo, Yɛhudianima n-lan daŋ tooni ka bɛn pa Yɛhudianim’ paya. 11#Zal 10.17 Dama Naawuni lihi sokam zaa la yim.
12Ninvuɣ’ shɛb’ bɛn zaa bi mali Naawuni fukumsi zaligu ka tumd’ alahichi ni ti bahi yoli, ka di pala bɛ ni bi mali Naawuni fukumsi zaligu maa zuɣu; ka ninvuɣ’ shɛb’ bɛn mi zaa mali Naawuni fukumsi zaligu ka tumd’ alahichi gba ni ti nya saria karibu kaman Naawuni fukumsi zaligu maa ni wuhi shɛm. 13Pa ninvuɣ’ shɛb’ bɛn zaa wumdi Naawuni fukumsi zaligu maa ni yɛli shɛm n-nyɛ bɛn yiri taali ni Naawuni sani, amaa bɛn doli Naawuni fukumsi zaligu maa n-nyɛ bɛn yiri taali ni Naawuni sani. 14Zuliya shɛb’ bɛn pa Yɛhudianima, ka bi mali Naawuni fukumsi zaligu, amaa ka lee tumdi Naawuni fukumsi zaligu maa ni wuhi shɛm, dindina hal bɛ ni bi mali Naawuni fukumsi zaligu maa zaa yoli, bɛ kul mali fukumsi zaligu bɛ suhuri ni m-bala. 15Bɛ ni niŋdi shɛm wuhiri ni Naawuni fukumsi zaligu ni wuhi shɛm sabi be bɛ suhuri ni, ka bɛ suhuri ni tɛha gba di ba shɛhira ni di nyɛla yɛlimaŋli, dama shɛlini bɛ tɛha galindi ba, ka shɛlini mi ka di zaani bɛ nyaaŋa. 16N ni yihiri lahibal’ suŋ shɛli waazu ŋɔ wuhiri ni lala nti shiri yɛn niŋ dahin’ shɛli Naawuni ni ti yɛn kari ashiya din be ninsalinim’ suhuri ni saria Yisa Masia zuɣu la.
Yɛhudianima mini Naawuni fukumsi zaligu
17Nyin’ ŋun bol’ amaŋa Yɛhudia ŋɔ, wula n-lee nyɛ li a sani? A niŋ Naawuni fukumsi zaligu naani ka nyuri bara a Naawuni milinsi zuɣu, 18ka lan mi o yubu, ka ʒe din tuhi nyaaŋa, ka di nyɛla Naawuni fukumsi zaligu ni wuh’ a lala zuɣu. 19A mi ni a nyɛla zoomba sowuhira mini bɛn be zibisim ni firila 20ni ŋun saɣisiri jɛra ni bihi karimba, ka di nyɛla a ni mi ni baŋsim mini yɛlimaŋli zaa bela Naawuni fukumsi zaligu ni zuɣu. 21Ka nyin’ ŋun wuhir’ a tab’ ŋɔ, a ku wuh’ amaŋa? Nyin’ ŋun wuhiri niriba ni bɛ di zu, a nyɛla ŋun zura? 22Nyin’ ŋun wuhiri niriba ni bɛ di niŋ zina, a nyɛla ŋun niŋdi zina? Nyin’ ŋun je buɣa, a nyɛla ŋun zuri buɣa jɛmbu duu nɛma? 23Nyin’ ŋun mali Naawuni fukumsi zaligu nyuri bara, a nyɛla ŋun saɣindi Naawuni fukumsi zaligu maa n-dihiri ŋun’ Naawuni vi? 24#Aiz 52.5 Dama di sabiya, “Yinim’ Yɛhudianim’ zuɣu ka bɛn pa Yɛhudianim’ kul ʒiɛmdi Naawuni yuli.”
25Di nyɛla yɛlimaŋli, gunibu mali buchi la a yi doli Naawuni fukumsi zaligu ni wuhi shɛm; amaa a yi bi doli Naawuni fukumsi zaligu ni wuhi shɛm, dindina a bemi kaman ŋun bi guni. 26Dinzuɣu ŋun bi guni, amaa ka doli Naawuni fukumsi zaligu maa ni wuhi shɛm, Naawuni ku lih’ o kaman ŋun guni? 27Lala zuɣu bɛn bi guni, amaa ka doli Naawuni fukumsi zaligu maa ni wuhi shɛm la ni wuhi ni yinim’ bɛn guni ka mali Naawuni fukumsi zaligu din sabi doya ka yi bi dol’ li ŋɔ mali taali. 28Dama ŋun nyɛ Yɛhudia la palɔni kɔŋko pala Yɛhudia alali, ka gunibu maŋli mi pala din niŋ niŋgbuŋ palɔni kɔŋko. 29#Zal 30.6 Ŋun nyɛ Yɛhudia alali nyɛla ŋun nyɛ Yɛhudia o suhu ni, ka gunibu maŋli mi nyɛ suhu ni yɛla din nyɛ Naawuni Shia ni niŋdi shɛli, ka di pala niŋgbuŋ ni kɔŋko yɛla. Ka dilana nyari paɣibu la Naawuni sani, ka pa ni ninsalinim’ sani.#Zal 30.6
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.