Kahigibu 11

Shɛhiranima ayi

1 # Ɛzɛk 40.3; Zak 2.1-2 Di saha ka bɛ daa zaŋ bimbuɣisirigu din ŋmani jaaŋgbee ti ma ka yɛli ma: “Yiɣisima m-buɣisi Naawuni jɛmbu duu mini di bimbini, ka kali bɛn jɛmdi Naawuni di ni, 2#Luk 21.24 amaa di buɣisi di dundɔŋ la dina, dama bɛ zaŋ li tila bɛn pa Yɛhudianima, ka bɛ ni ti no n-gili tiŋ’ kasi la puuni chir’ pihinahinaayi. 3Ka n ni ti chɛ ka n shɛhiranima ayi pil’ buri, ka n niŋ ba yiko ka bɛ tɔɣisi anabitali yɛtɔɣa biɛɣ’ tuhili ni kɔbisiyi ni pihiyɔbu.” 4#Zak 4.3, 11-14 Bɛna n-nyɛ olivi tih’ ayi mini firilatamdis’ ayi din ʒe dunia tiŋgbani Duuma tooni la. 5Ka so yi ti yɛn nahim ba, buɣim ni yi bɛ ni na n-di bɛn nyɛ bɛ dimnim’ maa, ka ŋunkam ti yɛn nahim ba lala n-yɛn niŋ o ka o kpi. 6#1 Nan 17.1; Yibu 7.17-19; 1 Sam 4.8 Bɛ mali yiko din ni tooi chɛ ka saa ku mi bɛ daanabitali yɛtɔɣa tɔɣisibu maa saha, ka mali yiko din ni tooi chɛ ka koma lɛbigi ʒim, ka ni tooi chɛ ka alɔbo balibu kam lu dunia ni kaman bɛ suhu ni yu shɛm. 7#Dan 7.7, 21; Kah 13.5-7; 17.8 Bɛ yi ti naai bɛ shɛhira tuma maa, biŋkɔb’ so ŋun yi bɔɣ’ zilinli din ziliŋ ka tariga la ni na ni ti tuhi ba tɔbu n-nyaŋ ba ku ba. 8#Aiz 1.9-10 Ka bɛ ni ti do’ tin’ tital’ shɛl’ ni bɛ ni daa kpahi bɛ Duuma tabili dapulli zuɣu la solɔɣu zuɣu. Tiŋ’ maa yupaa n-nyɛ Sɔdom bee Ijipti. 9Ka bɛn yi dɔɣim kam zaa ni mini zuliya balibu kam ni ni niriba balibu kam ni ni tinzun yɛligu kam nim’ ni na ni ti lihiri ba ka zaɣisi ba sɔɣibu, ka bɛ ni do nimaani dabisi’ muna ata ni pirigili. 10Ka dunianim’ suhuri ni paligi bɛ kum maa zuɣu, ka bɛ ni mali suhupiɛlli ka tiri tab’ pina, anabinima ayi maa ni daa yi nahindi dunianim’ shɛm la zuɣu. 11#Ɛzɛk 37.10 Ka n nya ka vuhim daa yi Naawuni sanna nti kpe bɛ ni di daba ata ni pirigili maa dali ka bɛ vaai yiɣisi zani, ka dabiɛm daa gbahi bɛnkam nya ba. 12#2 Nan 2.11 Di saha maa ka anabinim’ ayi maa daa wum ka kukol’ shɛli yi zuɣusaa na n-yɛri ba, Dumiya kpe na! Ka bɛ daa kpe sagban’ ni n-du alizanda ni bɛ dimnim’ maa ninni. 13#Kah 6.12; 16.18 Ka tiŋgbani daa dam pam, ka tiŋ’ maa yiya pia kam puuni zaɣ’ yini lu, ka ninvuɣ’ tusaayopɔin daa kpi tiŋgbani dambu maa ni, ka dabiɛm gbahi bɛn kpalim, ka bɛ ti Naawuni ŋun be alizanda ni ŋɔ jilima.

14Nyama, mbusim din pah’ ayi gariya; ka din pah’ ata yɛn doli di nyaaŋ’ na pumpɔŋɔ.

Kikaa din pah’ ayopɔin piɛbbu

15 # Yibu 15.18; Dan 2.44; 7.14, 27 Di saha ka malaika ŋun pah’ ayopɔin la piɛb’ o kikaa, ka kukol’ kara kul kuhiri pampam alizanda ni yɛra, “Dunia nam leela ti Duuma Naawuni min’ o Masia dini hal ni saha din ka bahigu!” 16Ka kpamba pisinaanahi bɛn daa ʒi bɛ nam ʒiishɛhi Naawuni tooni la gbani n-jɛmdi Naawuni 17yɛra,

“Ti Duuma Naawuni Zallakudura Naa ŋun be

ka daa pun be ŋɔ,

ti paɣir’ a a ni deeg’ a yiko din galisi

n-diri nam zuɣu.

18 # Yila 2.5; 110.5; 115.13 Zuliya kam je suli, ka a gba suhu yiɣisi.

Ka saha paai ni a kari kpiimba saria,

ka bahi bɛn saɣindi dunia la yoli.

Ka saha lan paai ni a zaŋ laara ti a daba

bɛn nyɛ anabinim’ mini ninvuɣ’ gahinda

ni tarimba mini wɔɣira bɛn zɔr’ a la.”

19 # Kah 8.5; 16.18, 21 Di saha maa ka Naawuni jɛmbu duu din be alizanda ni la daa yooi ka o Daalikauli Adaka la be di puuni; ka saa daa nyaɣisiri ka tahira, ka vuri yiɣisi mɔni ka tiŋgbani damda, ka sakuɣ’ kara luri na.

Currently Selected:

Kahigibu 11: DBwDB

Highlight

Copy

Compare