Kahigibu 10

Malaika mini litaafi bila

1Di saha ka n daa lan nya malaika so ŋun mali yiko pam ka o yi zuɣusaa siɣirina ka zaŋ sagbani n-ye kaman chinchin’ la, ka sagani booi gil’ o zuɣu, ka o ninni be kaman wuntaŋa, ka o biɛhi mi be kaman buɣim zilima la. 2Ka o daa mal’ litaafi bil’ shɛli ka di kpabigi be o nuu ni, ka o zaŋ o nudirigu napɔŋ zali teeku ni, ka zaŋ o nuzaa napɔŋ mi zali duli 3ka kuhi pam kaman gbuɣinli ni yi ŋum shɛm la. O ni daa kuhi maa, ka satahins’ ayopɔin tahi. 4Satahins’ ayopɔin maa ni daa tahi saha shɛli maa ka n niŋ shili ni n sabi, amaa ka daa wum kukol’ shɛli ka di yi zuɣusaa na n-yɛra, “Gbib’ satahins’ ayopɔin maa ni yɛli shɛm maa ashilɔni, ka di sab’ li sɔŋ!”

5 # Yibu 20.11; Zal 32.40; Dan 12.7; Amɔs 3.7 Ka n ni daa nya malaika so ka o tam teeku kom zuɣu mini dul’ la daa kpuɣ’ o nudirigu zuɣusaa, 6ka po Naawuni ŋun ni be hal ni saha din ka bahigu, ka nyɛ ŋun nam zuɣusaa mini binshɛɣukam din be di ni ni dunia ŋɔ mini binshɛɣukam din be di ni ni teeku mini binshɛɣukam din be di ni ŋɔ n-yɛli ni guhibu lan kani. 7Amaa ni malaika ŋun pah’ ayopɔin ni ti yɛn piɛb’ o kikaa dahin shɛl’ la ka Naawuni daashili yɛl’ shɛŋa o ni daa yɛl’ o daanabinim’ la ni ti niŋ pali.

8Di saha ka n ni daa pun wum kukol’ shɛli ka di yi zuɣusaa na la lan yɛli ma yaha, “Cham’ ti deei litaafi bil’ shɛli din bɔɣi be malaika so ŋun tam teeku kom zuɣu mini duli zuɣu ŋɔ nuu ni.”

9Ka n daa chaŋ malaika maa sani nti yɛl’ o ni o zaŋm’ litaafi bila maa ti ma. Ka o yɛli ma, “Zaŋm’ li ŋubi; di ni malis’ a nol’ ni kaman shir’ la, amaa ka lee to a puuni.”

10 # Ɛzɛk 2.8—3.3 Ka n daa deei litaafi bila maa malaika maa nuu ni n-zaŋ ŋubi; ka di shiri malisi n nol’ ni kaman shir’ la, ka n ni daa ti ŋub’ li naai, ka di shiri to m puuni. 11Ka bɛ daa yɛli ma, “A na ni tɔɣisi anabitali yɛtɔɣa zaŋ chaŋ niriba balibu pam mini zuliya pam ni tinzun yɛligu pam nima ni nanim’ pam polo.”

Currently Selected:

Kahigibu 10: DBwDB

Highlight

Copy

Compare