Kalinlinima 2
2
Bɛ wuhi zuliya kam bɛ suɣa tibu shee
1Ka Yawɛ daa yɛli Musa mini Aduna: 2Chɛliya ka Izraɛlnim’ ti bɛ suɣa gbilligbilli zali di ni simdi ni bɛ ʒi luɣ’ shɛŋa mini bɛ yaannim’ dunoya tuutanim’ ni sa luɣ’ shɛŋa. Bɛ chɛ ka bɛ suɣa maa noya kpa laɣiŋgu suɣili maa luɣilikam polo. 3Ninvuɣ’ shɛb’ bɛn ti yɛn bɛ suɣa wulimpuhili polo kaman di ni simdi ni bɛ ʒiishee nyɛ luɣ’ shɛli n-nyɛ: Juda zuliya. Juda niriba maa toondana n-yɛn nyɛ Aminadab bia Nashɔn. 4O niriba kalinli daa yiɣisila ninvuɣ’ tuhi’ pisopɔinnaanahi ni kɔbisiyɔbu. 5Ka bɛn ti yɛn bɛ suɣa pa bɛ zuɣu nyɛla Isaka zuliya. Isaka niriba maa toondana n-yɛn nyɛ Zua bia Nɛtanɛl. 6O niriba kalinli daa yiɣisila ninvuɣ’ tuhi’ pihinunaanahi ni kɔbisinahi. 7Di nyaaŋa ka Zɛbulɔn zuliya paya. Zɛbulɔn niriba maa toondana n-yɛn nyɛ Hɛlɔn bia Ɛliab. 8O niriba kalinli daa yiɣisila ninvuɣ’ tuhi’ pihinunaayopɔin ni kɔbisinahi. 9Juda zuliya bɛn daa be nimaani gbilligbilli kalinli daa yiɣisila ninvuɣ’ tuhi’ kɔbiga ni tuhi’ pihiniinaayɔbu ni kɔbisinahi. Bɛna nti yɛn be tooni chana.
10Rubin zuliya nti yɛn ti bɛ suɣa gbilligbilli be nudirigu polo. Rubin niriba maa toondana n-yɛn nyɛ Shɛdiu bia Ɛlizu. 11O niriba kalinli daa yiɣisila ninvuɣ’ tuhi’ pihinahinaayɔbu ni kɔbisinu. 12Ka bɛn yɛn ti bɛ suɣa pa bɛ zuɣu n-nyɛ Simiɔn zuliya. Simiɔn niriba maa toondana n-yɛn nyɛ Zurishadai bia Shɛlumiɛl. 13O niriba kalinli daa yiɣisila ninvuɣ’ tuhi’ pihiyɔbuyinika ni kɔbisita. 14Di nyaaŋa ka Gaad zuliya paya. Gaad niriba maa toondan’ n-yɛn nyɛ Riuɛl bia Ɛliasaf. 15O niriba kalinli daa yiɣisila ninvuɣ’ tuhi’ pihinahinaanu ni kɔbisiyɔbu ni pihinu. 16Rubin zuliya bɛn daa ʒiya gbilligbilli zaa kalinli daa yiɣisila ninvuɣ’ tuhi’ kɔbiga ni pihinu ni yini ni kɔbisinahi ni pihinu. Bɛna nti yɛn nyɛ bɛn yɛn doli pahi buyi. 17Di nyaaŋa ka Lɛvinim’ zaŋ laɣiŋgu suɣili la be suɣa maa sunsuuni doli kaman bɛ ni daa ti bɛ suɣa maa zali shɛm, ka sokam ʒe o zaashee o tuuta gbini.
18Ka Ifriim zuliya ti ti bɛ suɣa zali gbilligbilli wulinluhili polo. Ifriim niriba maa toondana n-yɛn nyɛ Ammihud bia Ɛlishama. 19O niriba kalinli daa yiɣisila ninvuɣ’ tuhi’ pihinahi ni kɔbisinu. 20Bɛn yɛn pa bɛ zuɣu n-nyɛ Manaasa zuliya. Manaasa niriba maa toondana n-yɛn nyɛ Pɛdazu bia Gamaliɛl. 21O niriba kalinli daa yiɣisila ninvuɣ’ tuhi’ pihitanaayi ni kɔbisiyi. 22Di nyaaŋa ka Bɛnjamin zuliya paya. Bɛnjamin niriba maa toondana n-yɛn nyɛ Gidiɔni bia Abidan. 23O niriba kalinli daa yiɣisila ninvuɣ’ tuhi’ pihitanaanu ni kɔbisinahi. 24Ifriim zuliya bɛn daa be suɣa ni gbilligbilli zaa kalinli daa yiɣisila ninvuɣ’ tuhi’ kɔbiga ni tusaanii ni kɔbiga. Bɛna n-daa nyɛ bɛn yɛn yiɣisi doli chani pahi buta.
25Ka Dan zuliya ti ti bɛ suɣa zali gbilligbilli nuzaa polo. Dan zuliya niriba maa toondana n-yɛn nyɛ Ammishadai bia Ahiɛza. 26O niriba kalinli daa yiɣisila ninvuɣ’ tuhi’ pihiyɔbunaayi ni kɔbisiyopɔin. 27Ka ninvuɣ’ shɛb’ bɛn yɛn ti bɛ suɣa pa bɛ zuɣu n-nyɛ Asha zuliya. Asha niriba maa toondana n-yɛn nyɛ Okiran bia Pagiɛl. 28O niriba kalinli daa yiɣisila ninvuɣ’ tuhi’ pihinahi ni yini ni kɔbisinu. 29Di nyaaŋa ka Naftali zuliya paya. Naftali niriba maa toondana n-yɛn nyɛ Ɛnan bia Ahira. 30O niriba kalinli daa yiɣisila ninvuɣ’ tuhi’ pihinunaata ni kɔbisinahi. 31Dan zuliya bɛn daa be nimaani zaa kalinli daa yiɣisila ninvuɣ’ tuhi’ kɔbiga ni tuhi’ pihinunaayopɔin ni kɔbisiyɔbu. Bɛna n-nyɛ bɛn yɛn kpalim nyaaŋa doli gbilligbilli ni bɛ tuuta.
32Bɛ ni daa kali Izraɛlnim’ kaman bɛ yaannim’ dunoya ni nyɛ shɛm m-bala. Niriba bɛn daa be nimaani gbilligbilli zaa kalinli daa yiɣisila ninvuɣ’ tuhi’ kɔbisiyɔbunaata ni kɔbisinu ni pihinu. 33Amaa bɛ daa bi kali Lɛvinim’ pahi Izraɛlnim’ kalinli ni kaman Yawɛ ni daa pun zali Musa shɛm la.
34Izraɛlnim’ daa kul niŋmi kaman Yawɛ ni daa zali Musa shɛm. Bɛ ni daa tiri bɛ suɣa ʒiini bɛ tuutanim’ gbini shɛm, lala ka sokam min’ o malibu daa doli chani kaman bɛ yaannim’ dunoya ni nyɛ shɛm.
Currently Selected:
Kalinlinima 2: DBwDB
Highlight
Copy
Compare
Share
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.