Matiu 15

Adiini kal’ kura wuhibu

(Maak 7.1-13)

1Di saha ka Farisiinim’ mini Naawuni zaligubaŋdiba daa yi Jɛrusalɛm ka Yisa sanna ti bɔh’ o, 2“Bɔ n-niŋ ka a nyaandoliba bi doli ti yaannim’ kali? Dama bɛ bi doli bɛ niŋgbuna ni paɣibu kal’ la m-paɣiri bɛ nuhi ka diri bindirigu.”

3Ka o garigi bɔhi ba, “Ka bɔzuɣu ka yinim’ zaɣisi Naawuni zaligu yi yaannim’ kaya dolibu zuɣu? 4#Yibu 20.12; 21.17; Zal 5.16; Lɛv 20.9 Naawuni zaliya, ‘Tim’ a ba min’ a ma jilima.’ O lan yɛli, ‘Ka ŋunkam tur’ o ba bee o ma, bɛn’ kum’ o.’ 5Amaa yinim’ yɛliya ni so yi yɛl’ o ba bee o ma ni o ni di naan nya shɛli o sani, o pun zaŋ li ti Naawuni, ka di bi lan kpa ni o lu o ba sizuura gba. 6Lala ka yi niŋ zaɣisi Naawuni zaligu yi yaannim’ kaya maa dolibu zuɣu.

7 “Yinim’ bilikɔɣinim’ ŋɔ, Anabi Aizaia ni daa yɛli yi yɛla shɛm la shiri nyɛla yɛlimaŋli. O daa yɛliya ni Naawuni yɛliya:

8 ‘Niriba ŋɔ tiri ma la jilima bɛ nyina zuɣu,

amaa ka bɛ suhuri lee be katiŋ’ ni mani.

9 # Aiz 29.13 Bɛ jɛmdi ma la yoli,

dama bɛ malila salinim’ zaligunim’ wuhiri niriba

kaman Naawuni zaligunima n-nyɛ li la.’ ”

Binshɛŋa din tari sal’ suhu daɣiri

(Maak 7.14-23)

10Ka Yisa daa ti boli niriba na ti yɛli ba, “Luɣimiya yi tiba wum ka baŋ dimbɔŋɔ gbinni: 11Binshɛɣukam din kpɛri ninsal’ nol’ ni pala din tar’ o daɣiri; amaa din yiri ninsal’ nol’ ni na n-naɣ’ tar’ o daɣiri.”

12Ka o nyaandoliba daa ti ka o sanna ti bɔh’ o, “A mi ni Farisiinim’ ni wum a ni yɛli shɛm la bi niŋ ba nyaɣisim bebɔ?”

13Ka o garigi yɛli ba, “M Ba Naawuni ŋun be alizanda ni ŋɔ ni bi sa ti’ shɛlikam ni vuɣi lu. 14#Luk 6.39 Chɛliya ba! Bɛ nyɛla zoomba bɛn vɔri bɛ taba, Ka zom’ yi vɔri zoma, bɛ niriba ayi maa zaa ni ti lula bɔɣili ni.”

15Ka Pita yɛl’ o, “Wuhim’ ti ŋahili la gbinni.”

16Ka Yisa bɔhi ba, “Yi gba na kul ka fahim? 17Yi bi mi ni binshɛɣukam din kpɛri ninsal’ nol’ ni chani ti kpɛrila o pul’ ni n-gariti ti yira? 18#Mat 12.34 Amaa din yiri ninsal’ nol’ ni na yirila o suhu ni na; dina n-nyɛ din tar’ o daɣiri. 19Dama ninsal’ suhu ni ka dimbɔŋɔnim’ zaa ha yirina. Dina n-nyɛ: Tɛhi’ biɛri mini ninvuɣ’ kubo ni zina niŋbu balibu kam ni tayiɣisigu ni ʒiri shɛhiradibo ni nyaanzubo. 20Dimbɔŋɔnima n-nyɛ din tari ninsal’ daɣiri, amaa nir’ yi bi doli ni paɣibu kali soli m-paɣir’ o nuhi ka diri bindirigu, din’ bi tar’ o daɣiri.”

Paɣ’ so yɛda niŋbu yɛla

(Maak 7.24-30)

21Ka Yisa daa yi nimaani n-chaŋ Taai mini Sidɔn tiŋgbɔŋ ni. 22Ka Keenan paɣ’ so ŋun daa be di tiŋgbɔŋ maa ni daa ka Yisa sanna ti kuhiri yɛra, “N Duuma ŋun nyɛ Naa Dauda yaaŋa ŋɔ, zom’ ma nambɔɣu! Alizin’ biɛɣu n-ʒi m bipuɣiŋga zuɣu m-muɣisir’ o pam.”

23Amaa ka Yisa bi garig’ o. Ka o nyaandoliba balim o yɛli, “Karim’ paɣ’ maa, dama o kuhiri doli ti.”

24Ka o yɛli, “Izraɛlnim’ bɛn bɔrigi kaman piɛri la kɔŋko zuɣu ka n kana.”

25Ka paɣ’ maa daa kana ti gbani Yisa tooni yɛl’ o, “N Duuma, sɔŋm’ ma!”

26Ka o yɛl’ o, “Di bi simdi ni nir’ zaŋ bihi bindirigu ti bahi.”

27Ka paɣ’ maa yɛli, “Yɛlimaŋli n Duuma, amaa ba’ shɛb’ bɛn do bɛ lan’ laa gbini diri bindir’ burisa din luri tiŋa.”

28Di saha ka Yisa yɛl’ o, “Paɣa, a yɛda galisiya pam! Di ni niŋ kaman a ni bɔri shɛm maa.” Ka o bipuɣiŋga maa daa dii kpaŋ di saha maa.

Yisa ni tib’ niriba pam shɛm

29Ka Yisa daa yi nimaani baɣisiri Galili Teeku n-daa ti du zo’ shɛli zuɣu ti ʒini. 30Ka salo pam daa ʒi gbariti mini bɛn mali dalima bɛ niŋgbuna ni ni zoomba ni biriti ni dɔro balibu kam ni mali shɛb’ pam tahi o sanna, ka o daa chɛ ka bɛ kpaŋ. 31Salo maa ni daa nya ka biriti maa leei bɛn tɔɣisira, ka bɛn mali dalima bɛ niŋgbuna ni maa kpaŋ, ka gbariti chana, ka zoomba gba nina neei maa, ka bɛ daa tibigi Izraɛlnim’ Naawuni ŋun be ŋɔ pam.

Niriba tusaanahi dihibu

(Maak 8.1-10)

32Di saha ka Yisa daa bol’ o nyaandoliba na ti yɛli ba, “Salo ŋɔ yɛla niŋ ma nambɔɣu pam, dama zuŋɔ daba ata m-bɔŋɔ ka bɛ kul be n sani ka lan ka bindirigu dira; ka m bi bɔri ni bɛ kuli ni kum, dama di pa shɛli ka bɛ ti tarigi sol’ ni.”

33Ka o nyaandoliba maa bɔh’ o, “Ka ya polo ka ti lee yɛn nya bindirigu mɔɣu ŋɔ ni ti ninvuɣ’ gbaliŋ ŋɔ zaa ka bɛ di n-tiɣi?”

34Ka Yisa bɔhi ba, “Bɔrɔbɔro kpila ala ka yi lee mali?”

Ka bɛ yɛl’ o, “Diba ayopɔin m-pahi zim’ bihi biɛla.”

35Ka o yɛli salo maa ni bɛ ʒinim’ tiŋa; 36ka daa zaŋ bɔrɔbɔro kpila ayopɔin mini zahim maa n-niŋ alibarika niŋ di ni, ka ŋmahiŋmahi li ti o nyaandoliba maa, ka bɛ mi zaŋ li tari salo maa. 37Ka bɛ zaa ha daa di li tiɣi, ka bɛ daa laɣisi bɔrɔbɔro chɛhi mini zimburisa din guui pali piɛr’ ayopɔin. 38Bɛn daa di li maa kalinli daa nyɛla dɔb’ tusaanahi m-pahi paɣiba ni bihi.

39Dimbɔŋɔ nyaaŋa ka Yisa daa chɛbisi salo maa, ka kpe ŋariŋ chaŋ Magadan tiŋgbɔŋ ni.

Currently Selected:

Matiu 15: DBwDB

Highlight

Copy