Hiburunima PILIGU
PILIGU
Bɛ daa sabi Hiburunim’ gbaŋ ŋɔ tila niriba ni daa ŋmɛri Kristiɛn laɣiŋgu shɛŋa naŋgbankpeeni hal ka bɛ ti bɔri ni bɛ zaŋ bɛ Kristiɛn yɛda bahi la. Ŋun daa sabi gbaŋ maa daa kpaŋsi ba zaŋ chaŋ bɛ Kristiɛn yɛda polo. O daa daŋ wuhi ba ni Yisa Masia n-nyɛ Naawuni ni kahig’ omaŋ’ wuhi niriba ni yɛlimaŋli kpaliŋkpaa. Dimbɔŋɔ puuni, o kpaŋsila yɛla ata: (1) Yisa nyɛla Naawuni Bia ʒiɛman’ kam ni, ŋun daa bɔhim o Ba noli deebu ni yɛlimaŋli o wahala dibu puuni.
Yisa ni nyɛ Naawuni Bia maa zuɣu, o biɛhigu gari anab’ kura la biɛhigu. Hal di gari malaikanim’ mini anab’ Musa biɛhigu gba. (2) Naawuni n-daa zaŋ Yisa zali ni o leei maligumaana ŋun biɛhigu du n-gari kurimbuni ha maligumaaniba la biɛhigu. (3) Yisa kɔbili ni ka yɛdaniŋdiba tiligi alahichi ni mini dabiɛm ni ni kum ni. Yisa ŋun nyɛ Maligumaaniba Zuɣulan’ ŋɔ nyɛla ŋun maani sara din tiri tiliginsim maŋli. Di ŋmahinli n-nyɛ Yɛhudianim’ daadiini puuni bɛ ni daa niŋdi binshɛŋa mini bɛ ni daa zaŋdi biŋkɔbiri maani sara shɛŋa la. Ŋun daa sabi gbaŋ ŋɔ daa zaŋla lzraɛl ninvuɣ’ shɛb’ bɛn yuya daa du la yɛda ni daa nyɛ shɛm kurimbuni ha lahibaya ŋmahindi (suurili piniyini). O kpamdi bɛn karind’ o sabbu maa jaande ni bɛ na kul gbibi bɛ yɛda, ka suurili pinaayi puuni, o kpaŋsiri bɛn karind’ o sabbu ŋɔ ni bɛ kul gbibi yɛda hal ni di bahigu, ka kul zaŋ bɛ nina kpa ti Duuma Yisa, ka deei wahala shɛlikam mini nahiŋgu shɛlikam din yɛn paai ba. O daa zaŋ ninkurilim mini saɣisigu yɛtɔɣa naai litaafi ŋɔ.
Din be litaafi ŋɔ puuni
Piligu: Masia ŋun nyɛ Naawuni zahira yibu pali 1.1-3
Masia biɛhigu du n-gari Malaikanim’ biɛhigu 1.4—2.18
Masia biɛhigu du n-gari (Anabi) Musa mini Jɔshua biɛhigu 3.1—4.13
Masia Maligumaanitali du n-gari sokam dini 4.14—7.28
Masia alikauli gari alikauli kam 8.1—9.22
Masia sara maligu gari sara maligu kam 9.23—10.39
Yɛda niŋbu ni nyɛ yɛlikpani shɛm 11.1—12.29
Din ni chɛ ka Naawuni nini tiɣi nira 13.1-19
Naabu Wunsuhigu 13.20-21
Yɛtɔɣa din bahindi nyaaŋa 13.22-25
Currently Selected:
Hiburunima PILIGU: DBwDB
Highlight
Copy
Compare
Share
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.