Yibu 9
9
Biŋkɔbiri kum yɛla
1Di saha ka Yawɛ daa yɛli Musa, “Cham’ Firawuna sani ti yɛl’ o, Yawɛ ŋun nyɛ Hiburunim’ Naawuni ŋɔ yɛliya, ‘Chɛ ka n niriba Izraɛlnim’ maa chaŋ ti jɛm ma. 2A yi zaɣisi ni a ku chɛ ka bɛ chaŋ, ka na kul gbib’ ba, 3man’ Yawɛ ni darig’ a tibili n-chɛ ka alɔbo titali lu a biŋkɔbiri bɛn be mɔɣu ni min’ a yuri ni a bunsi ni laakuma ni a niɣi ni a biŋkɔbbaligu zaa zuɣu. 4Amaa n ni ti woligi Izraɛlnim’ bɛn’ biŋkɔbiri ka chɛ Ijiptinim’ biŋkɔbiri, ka Izraɛlnim’ maa bɛn’ so biŋkɔbigu ti ku kpi.’ ” 5Ka Yawɛ daa zali saha shɛl’ o ni yɛn niŋ li maa ka yɛli, “Biɛɣuni ka man’ Yawɛ sa yɛn niŋ dimbɔŋɔ tiŋgbɔŋ ŋɔ ni.”
6Ka biɛɣu daa neei ka Yawɛ daa shiri niŋ lala. Ka Ijiptinim’ maa biŋkɔbiri zaa daa kpi, amaa ka Izraɛlnim’ bɛn’ so biŋkɔbigu daa bi kpi. 7Ka Firawuna daa tim Izraɛlnim’ maa sani ka bɛ chaŋ ti nya ka bɛn’ biŋkɔbigu zaɣ’ yino gba bi kpi. Amaa ka Firawuna daa lan niŋ tipawumli n-zaɣisi ni o ku chɛ ka bɛ chaŋ.
Bintɔra yɛla
8Ka Yawɛ daa yɛli Musa mini Aduna, “Toomiya daaŋa ni tampiligim nukurigu palipali ka Musa zaŋ li bahi zuɣusaa Firawuna ninni, 9ka di be kaman taŋkpa’ balli Ijipti tiŋgbɔŋ maa zaa ni n-chɛ ka bintɔra din puhigiri niŋdi yuma tɔri ninsalinim’ mini biŋkɔbiri zaa Ijipti tiŋgbɔŋ maa ni luɣilikam zaa.” 10#Kah 16.2 Di saha ka bɛ daa tooi daaŋa ni tampiligim chaŋ ti zani Firawuna tooni, ka Musa daa zaŋ li bahi zuɣusaa, ka di leei bintɔra din puhigiri niŋdi yuma, ka di daa tɔri ninsalinim’ mini biŋkɔbiri. 11Ka timanim’ maa daa naan ku lan tooi zani Musa tooni yaha bintɔra maa zuɣu, dama bintɔra maa daa tola timanim’ maa mini Ijiptinim’ zaa. 12Amaa ka Yawɛ daa lan chɛ ka Firawuna niŋ tipawumli n-zaɣisi ni o ku wum bɛ yɛligu maa kaman Yawɛ ni daa pun yɛli Musa shɛm la.
Sakuɣa yɛla
13Di saha ka Yawɛ daa lan yɛli Musa, “Sa daŋmi yiɣisibu biɛɣ’ asiba n-chaŋ ti zani Firawuna tooni yɛl’ o, Yawɛ ŋun nyɛ Hiburunim’ Naawuni ŋɔ yɛliya, ‘Chɛ ka n niriba maa chaŋ ti jɛm ma. 14Dama pumpɔŋɔ n ni chɛ ka n daalɔbɔnim’ lu amaŋmaŋ’ min’ a kpamba ni a niriba zaa zuɣu din ni chɛ ka a baŋ ni n kpee ka dunia yili zaa. 15Dama pumpɔŋɔ ŋɔ n ni teei n nuu chɛ ka alɔbo lu a min’ a niriba zaa zuɣu n-naai yi balibu zaa dunia ŋɔ ni. 16#Rom 9.17 Amaa daliri shɛli zuɣu n ni chɛ a maa nyɛla m bɔrimi ni n wuh’ a n yiko ni nyɛ shɛm din ni chɛ ka n yuli moli gili dunia ni zaa. 17Amaa a na kul duhirila amaŋa n niriba sani, ka zaɣisi ni a ku chɛ ka bɛ chaŋ. 18Biɛɣuni ŋ-ŋɔ tasaha n sa ni chɛ ka sakuɣ’ kara luna, ka sakuɣa lala na ʒi n-lu Ijipti tiŋgbɔŋ ni di piligu ni hal ni zuŋɔ. 19Dinzuɣu pumpɔŋɔ taɣimiya yi biŋkɔbiri, ka zaŋ yi binshɛɣukam zaa din be mɔɣu ni kulisi yiŋa, dama daadam bee biŋkɔbigu ŋun be mɔɣu ni ka bi kuli yiŋa, sakuɣa maa ni lu n-ku ba.’ ” 20Ka Yawɛ yɛligu maa daa gbaai Firawuna kpamba maa shɛb’ dabiɛm, ka bɛ daa chɛ ka bɛ daba mini bɛ biŋkɔbiri zo n-kuli yiŋ’ yomyom. 21Amaa bɛn baɣa daa ka Yawɛ yɛligu maa ni bɛn’ daa chɛla bɛ daba mini bɛ biŋkɔbiri niŋ mɔɣu ni.
22Ka Yawɛ daa yɛli Musa, “Zaŋm’ a nuu tiri zuɣusaa ka sakuɣa lu Ijipti tiŋgbɔŋ ni zaa, di ni lu daadamnim’ mini biŋkɔbiri ni bimbilima din be puri ni Ijipti tiŋgbɔŋ ni zuɣu.” 23Di saha ka Musa daa zaŋ o jaaŋgbee tiri zuɣusaa, ka Yawɛ daa chɛ ka satahiŋga mini sakuɣa ni buɣim lu tiŋgban’ ni na. Ka Yawɛ daa chɛ ka sakuɣa lu Ijipti tiŋgbɔŋ maa ni. 24#Kah 8.7; 16.21 Ka saa daa miri sakuɣ’ kara ka nyaɣisira, ka lala tatabo daa na ʒi n-niŋ Ijipti tiŋgbɔŋ ni saha shɛli di ni daa leei di dahalali tiŋa. 25Ka sakuɣa maa daa ŋme binshɛɣukam din daa be palo ni luhi tiŋa Ijipti tiŋgbɔŋ maa ni zaa, daadamnim’ mini biŋkɔbiri zaa. Ka daa lu n-fiɛri puri ni bimbilima zaa, ka da’ tihi luhi. 26Gbaai yihila Goshɛn, Izraɛlnim’ ni daa be yaɣ’ shɛli polo maa, ka sakuɣa maa daa bi lu.
27Di saha ka Firawuna daa boli Musa mini Aduna ti yɛli ba, “Pumpɔŋɔ n tum taali; Yawɛ mali yɛlimaŋli, m mini n niriba ŋɔ galimya. 28Suhimiya Yawɛ ti ti, dama sakuɣa ŋɔ mini satahinsi ŋɔ saɣiya lala. N ni chɛ ka yi chaŋ, n ku lan chɛ ka yi be kpe yaha.” 29Ka Musa daa yɛl’ o, “Man’ deei yi kul yi tiŋ’ puuni tariga, n yɛn zaŋla n nuhi duhi zuɣusaa n-suhi Yawɛ, ka satahinsi ŋɔ mini sakuɣa ŋɔ zaa chɛ. Sakuɣa ku lan beni, ka yi baŋ ni Yawɛ n-su dunia ŋɔ. 30Amaa nyin’ min’ a niriba ŋɔ na bi zaŋ Yawɛ ŋun nyɛ Naawuni ŋɔ zɔbu kpɛhi yi kɔbili ni.”
31(Ka sakuɣa maa daa saɣim bɛ mihi mini bɛ chi zaa, dama bɛ chi maa daa bimi ka mihi maa pum puma. 32Amaa bɛ daalikama mini bɛ ni daa yi booni alikama shɛli sipɛlit la, din’ daa bi saɣim, dama di daa bi daŋdi niŋbu.) 33Di saha ka Musa daa yiɣisi Firawuna sani yi tiŋ’ maa tariga nti duh’ o nuhi zuɣusaa suhi Yawɛ, ka satahinsi maa mini sakuɣa maa daa chɛ, ka saa maa baai. 34Amaa Firawuna ni daa nya ka saa maa mini sakuɣa ni satahinsi maa zaa naai maa, ka o daa lan gbaai taali tumbu yaha, o min’ o kpamba maa daa lan niŋ tipawumli. 35Firawuna daa lan niŋ tipawumli n-zaɣisi ni o ku chɛ ka Izraɛlnim’ maa chaŋ kaman Yawɛ ni daa pun chɛ ka Musa yɛli shɛm la.
Currently Selected:
Yibu 9: DBwDB
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.
Yibu 9
9
Biŋkɔbiri kum yɛla
1Di saha ka Yawɛ daa yɛli Musa, “Cham’ Firawuna sani ti yɛl’ o, Yawɛ ŋun nyɛ Hiburunim’ Naawuni ŋɔ yɛliya, ‘Chɛ ka n niriba Izraɛlnim’ maa chaŋ ti jɛm ma. 2A yi zaɣisi ni a ku chɛ ka bɛ chaŋ, ka na kul gbib’ ba, 3man’ Yawɛ ni darig’ a tibili n-chɛ ka alɔbo titali lu a biŋkɔbiri bɛn be mɔɣu ni min’ a yuri ni a bunsi ni laakuma ni a niɣi ni a biŋkɔbbaligu zaa zuɣu. 4Amaa n ni ti woligi Izraɛlnim’ bɛn’ biŋkɔbiri ka chɛ Ijiptinim’ biŋkɔbiri, ka Izraɛlnim’ maa bɛn’ so biŋkɔbigu ti ku kpi.’ ” 5Ka Yawɛ daa zali saha shɛl’ o ni yɛn niŋ li maa ka yɛli, “Biɛɣuni ka man’ Yawɛ sa yɛn niŋ dimbɔŋɔ tiŋgbɔŋ ŋɔ ni.”
6Ka biɛɣu daa neei ka Yawɛ daa shiri niŋ lala. Ka Ijiptinim’ maa biŋkɔbiri zaa daa kpi, amaa ka Izraɛlnim’ bɛn’ so biŋkɔbigu daa bi kpi. 7Ka Firawuna daa tim Izraɛlnim’ maa sani ka bɛ chaŋ ti nya ka bɛn’ biŋkɔbigu zaɣ’ yino gba bi kpi. Amaa ka Firawuna daa lan niŋ tipawumli n-zaɣisi ni o ku chɛ ka bɛ chaŋ.
Bintɔra yɛla
8Ka Yawɛ daa yɛli Musa mini Aduna, “Toomiya daaŋa ni tampiligim nukurigu palipali ka Musa zaŋ li bahi zuɣusaa Firawuna ninni, 9ka di be kaman taŋkpa’ balli Ijipti tiŋgbɔŋ maa zaa ni n-chɛ ka bintɔra din puhigiri niŋdi yuma tɔri ninsalinim’ mini biŋkɔbiri zaa Ijipti tiŋgbɔŋ maa ni luɣilikam zaa.” 10#Kah 16.2 Di saha ka bɛ daa tooi daaŋa ni tampiligim chaŋ ti zani Firawuna tooni, ka Musa daa zaŋ li bahi zuɣusaa, ka di leei bintɔra din puhigiri niŋdi yuma, ka di daa tɔri ninsalinim’ mini biŋkɔbiri. 11Ka timanim’ maa daa naan ku lan tooi zani Musa tooni yaha bintɔra maa zuɣu, dama bintɔra maa daa tola timanim’ maa mini Ijiptinim’ zaa. 12Amaa ka Yawɛ daa lan chɛ ka Firawuna niŋ tipawumli n-zaɣisi ni o ku wum bɛ yɛligu maa kaman Yawɛ ni daa pun yɛli Musa shɛm la.
Sakuɣa yɛla
13Di saha ka Yawɛ daa lan yɛli Musa, “Sa daŋmi yiɣisibu biɛɣ’ asiba n-chaŋ ti zani Firawuna tooni yɛl’ o, Yawɛ ŋun nyɛ Hiburunim’ Naawuni ŋɔ yɛliya, ‘Chɛ ka n niriba maa chaŋ ti jɛm ma. 14Dama pumpɔŋɔ n ni chɛ ka n daalɔbɔnim’ lu amaŋmaŋ’ min’ a kpamba ni a niriba zaa zuɣu din ni chɛ ka a baŋ ni n kpee ka dunia yili zaa. 15Dama pumpɔŋɔ ŋɔ n ni teei n nuu chɛ ka alɔbo lu a min’ a niriba zaa zuɣu n-naai yi balibu zaa dunia ŋɔ ni. 16#Rom 9.17 Amaa daliri shɛli zuɣu n ni chɛ a maa nyɛla m bɔrimi ni n wuh’ a n yiko ni nyɛ shɛm din ni chɛ ka n yuli moli gili dunia ni zaa. 17Amaa a na kul duhirila amaŋa n niriba sani, ka zaɣisi ni a ku chɛ ka bɛ chaŋ. 18Biɛɣuni ŋ-ŋɔ tasaha n sa ni chɛ ka sakuɣ’ kara luna, ka sakuɣa lala na ʒi n-lu Ijipti tiŋgbɔŋ ni di piligu ni hal ni zuŋɔ. 19Dinzuɣu pumpɔŋɔ taɣimiya yi biŋkɔbiri, ka zaŋ yi binshɛɣukam zaa din be mɔɣu ni kulisi yiŋa, dama daadam bee biŋkɔbigu ŋun be mɔɣu ni ka bi kuli yiŋa, sakuɣa maa ni lu n-ku ba.’ ” 20Ka Yawɛ yɛligu maa daa gbaai Firawuna kpamba maa shɛb’ dabiɛm, ka bɛ daa chɛ ka bɛ daba mini bɛ biŋkɔbiri zo n-kuli yiŋ’ yomyom. 21Amaa bɛn baɣa daa ka Yawɛ yɛligu maa ni bɛn’ daa chɛla bɛ daba mini bɛ biŋkɔbiri niŋ mɔɣu ni.
22Ka Yawɛ daa yɛli Musa, “Zaŋm’ a nuu tiri zuɣusaa ka sakuɣa lu Ijipti tiŋgbɔŋ ni zaa, di ni lu daadamnim’ mini biŋkɔbiri ni bimbilima din be puri ni Ijipti tiŋgbɔŋ ni zuɣu.” 23Di saha ka Musa daa zaŋ o jaaŋgbee tiri zuɣusaa, ka Yawɛ daa chɛ ka satahiŋga mini sakuɣa ni buɣim lu tiŋgban’ ni na. Ka Yawɛ daa chɛ ka sakuɣa lu Ijipti tiŋgbɔŋ maa ni. 24#Kah 8.7; 16.21 Ka saa daa miri sakuɣ’ kara ka nyaɣisira, ka lala tatabo daa na ʒi n-niŋ Ijipti tiŋgbɔŋ ni saha shɛli di ni daa leei di dahalali tiŋa. 25Ka sakuɣa maa daa ŋme binshɛɣukam din daa be palo ni luhi tiŋa Ijipti tiŋgbɔŋ maa ni zaa, daadamnim’ mini biŋkɔbiri zaa. Ka daa lu n-fiɛri puri ni bimbilima zaa, ka da’ tihi luhi. 26Gbaai yihila Goshɛn, Izraɛlnim’ ni daa be yaɣ’ shɛli polo maa, ka sakuɣa maa daa bi lu.
27Di saha ka Firawuna daa boli Musa mini Aduna ti yɛli ba, “Pumpɔŋɔ n tum taali; Yawɛ mali yɛlimaŋli, m mini n niriba ŋɔ galimya. 28Suhimiya Yawɛ ti ti, dama sakuɣa ŋɔ mini satahinsi ŋɔ saɣiya lala. N ni chɛ ka yi chaŋ, n ku lan chɛ ka yi be kpe yaha.” 29Ka Musa daa yɛl’ o, “Man’ deei yi kul yi tiŋ’ puuni tariga, n yɛn zaŋla n nuhi duhi zuɣusaa n-suhi Yawɛ, ka satahinsi ŋɔ mini sakuɣa ŋɔ zaa chɛ. Sakuɣa ku lan beni, ka yi baŋ ni Yawɛ n-su dunia ŋɔ. 30Amaa nyin’ min’ a niriba ŋɔ na bi zaŋ Yawɛ ŋun nyɛ Naawuni ŋɔ zɔbu kpɛhi yi kɔbili ni.”
31(Ka sakuɣa maa daa saɣim bɛ mihi mini bɛ chi zaa, dama bɛ chi maa daa bimi ka mihi maa pum puma. 32Amaa bɛ daalikama mini bɛ ni daa yi booni alikama shɛli sipɛlit la, din’ daa bi saɣim, dama di daa bi daŋdi niŋbu.) 33Di saha ka Musa daa yiɣisi Firawuna sani yi tiŋ’ maa tariga nti duh’ o nuhi zuɣusaa suhi Yawɛ, ka satahinsi maa mini sakuɣa maa daa chɛ, ka saa maa baai. 34Amaa Firawuna ni daa nya ka saa maa mini sakuɣa ni satahinsi maa zaa naai maa, ka o daa lan gbaai taali tumbu yaha, o min’ o kpamba maa daa lan niŋ tipawumli. 35Firawuna daa lan niŋ tipawumli n-zaɣisi ni o ku chɛ ka Izraɛlnim’ maa chaŋ kaman Yawɛ ni daa pun chɛ ka Musa yɛli shɛm la.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.