Yibu 8
8
Poloya yiya
1Di saha ka Yawɛ daa lan yɛli Musa, “Cham’ Firawuna sani ti yɛl’ o, Yawɛ yɛliya, ‘Chɛ ka n niriba maa chaŋ ti jɛm ma. 2Amaa a yi zaɣisi ni a ku chɛ ka bɛ chaŋ, n ni chɛ ka poloya yina yɛrigi a tiŋgbɔŋ ŋɔ ni zaa. 3Poloya maa ni pali Nail Mɔɣili maa ni luɣilikam hal ka palo ti lan kani, ka bɛ ni ti yi mɔɣili maa ni kpe a yiŋa ni a dudoonigu puuni ni a bindoo zuɣu zaa, ka kpe a niriba min’ a kpamba zaa yinsi ni a yiŋ’ daansi ni min’ a yiŋ’ saɣiduɣuri ni ʒɛduɣuri ni zaa. 4Poloya maa ni ti lir’ a min’ a kpamba ni a niriba zaa.’ ”
5Ka Yawɛ daa lan yɛli Musa yaha, “Yɛlim’ Aduna ni o zaŋm’ o jaaŋgbee niŋ o nuu ni n-teei li tiri kulibɔna mini ko’ soya ni kopurim ni be luɣ’ shɛlikam zaa n-chɛ ka poloya yi Ijipti n-yɛrigi tiŋgbɔŋ maa ni luɣilikam.” 6Di saha ka Aduna daa teeg’ o nuu tiri Ijipti koma zaa, ka poloya daa yina n-yɛrigi Ijipti tiŋgbɔŋ maa ni zaa. 7Amaa ka timanim’ gba daa niŋ tabibi n-chɛ ka poloya yi Ijipti tiŋgbɔŋ ni.
8Di saha ka Firawuna daa boli Musa mini Aduna nti yɛli ba, “Suhimiya Yawɛ ka o yihi poloya maa ka chɛ m mini n niriba ŋɔ, ka n chɛ ka yi niriba maa chaŋ ti mali sara ti Yawɛ.”
9Ka Musa daa yɛli Firawuna, “Zalim’ ma saha shɛli a ni bɔri ni n suhi Naawuni ti a min’ a niriba ni a kpamba zaa, ka poloya maa kpi yi yinsi, ka chɛla bɛn be Nail Mɔɣili ni la kɔŋko.”
10Ka o yɛli, “Biɛɣuni.” Ka Musa daa yɛli, “Di ni niŋ kaman a ni yɛli shɛm maa, ka yi baŋ ni Naawuni so lan kani ŋ-ŋmani Yawɛ ŋun nyɛ ti Naawuni ŋɔ. 11Dinzuɣu, poloya ŋɔ zaa ni yi a min’ a yiŋnim’ zaa yinsi, ka lan yi a kpamba min’ a niriba zaa yinsi. Bɛ ni bela Nail Mɔɣili la ni kɔŋko.” 12Ka Musa mini Aduna daa yi Firawuna sani chaŋ, ka Musa daa ti fabili niŋ Yawɛ zaŋ chaŋ poloya maa polo kaman o mini Firawuna ni daa saɣi shɛm maa. 13Ka Yawɛ daa niŋ kaman Musa ni suh’ o shɛm maa, ka poloya bɛn daa be bɛ yinsi dundɔna ni mini bɛ puri ni zaa daa kpi. 14Ka bɛ daa va ba duhiduhi, ka bɛ nyɔni tiŋgbɔŋ maa ni zaa. 15Amaa Firawuna ni daa nya ka poloya maa lan kani, ka o suhu daa lan kpaŋ yaha, ka o zaɣisi bɛ ni yɛli shɛm maa niŋbu kaman Yawɛ ni daa pun yɛli ni o ni zaɣisi bɛ ni yɛli shɛm la.
Pɔri yɛla
16Di saha ka Yawɛ daa yɛli Musa, “Yɛlim’ Aduna ni o kpuɣim’ o jaaŋgbee zuɣusaa fiɛbi taŋkpaɣu, ka taŋkpaɣu maa leei pɔri n-yɛrigi Ijipti tiŋgbɔŋ ni zaa.” 17Ka bɛ daa niŋ lala, ka Aduna kpuɣ’ o jaaŋgbee fiɛb’ taŋkpaɣu, ka pɔri daa yi n-lu daadamnim’ mini biŋkɔbiri zuɣu, taŋkpaɣu maa zaa daa leela pɔri n-yɛrigi Ijipti tiŋgbɔŋ maa ni zaa. 18Ka timanim’ gba daa niŋ bɛ tabibi ni bɛ chɛ ka pɔri yina, ka wolim je. Ka pɔri maa daa kul dimdi ninsalinim’ mini biŋkɔbiri. 19#Luk 11.20 Ka timanim’ maa daa yɛli Firawuna, “Dimbɔŋɔ din’ nyɛla Naawuni yiko tuma.” Amaa ka Firawuna daa niŋ tipawumli n-zaɣisi ni o ku wum kaman Yawɛ ni daa pun yɛli shɛm la.
Zɔhi yɛla
20Ka Yawɛ daa yɛli Musa, “Sa daŋmi yibu biɛɣ’ asiba n-chaŋ ti chirigi Firawuna saha shɛl’ o ni chani mɔɣili ni la n-yɛl’ o ni Yawɛ yɛliya, ‘Chɛ ka n niriba maa chaŋ ti jɛm ma. 21Di yi pa lala, n ni chɛ ka zɔhi pam yi n-yɛrigi a tiŋgbɔŋ ŋɔ puuni n-lir’ a min’ a kpambaliba ni a niriba zaa. A yiŋ’ mini Ijipti yili kam ni ti palila zɔhi; ka bɛ ni be luɣ’ shɛŋa zaa gba ni ti palila zɔhi. 22Amaa dindali maa, n ni woligi Goshɛn, n niriba ni be luɣ’ shɛli polo la, ka zɔhi maa ti ku be nimaani dina din ni chɛ ka a baŋ ni man’ Yawɛ be tiŋgbɔŋ ŋɔ ni. 23N ni woligi n niriba ka chɛ a niriba. Biɛɣuni ka alahiziba tuuni ŋɔ sa yɛn tum.’ ” 24Ka Yawɛ daa shiri niŋ lala n-chɛ ka zɔhi pam yi n-yɛrigi Firawuna min’ o kpambaliba yinsi ni Ijipti tiŋgbɔŋ ni zaa. Ka zɔhi maa daa chɛ ka tiŋgbɔŋ maa saɣim.
25Ka Firawuna daa boli Musa mini Aduna na ti yɛli ba, “Chamiya ti mali yi sara maa ti yi Naawuni maa yaŋɔ tiŋgbɔŋ ŋɔ ni.”
26Amaa ka Musa daa yɛli, “Di bi simdi ni ti niŋ lala, dama ti ni yɛn mali sara shɛli ti Yawɛ ŋun nyɛ ti Naawuni maa nyɛla din chihiri Ijiptinim’ sani. Ka ti yi mali sara shɛli din chihiri bɛ sani bɛ ninni, bɛ ni lab’ ti kuɣa ku ti. 27Di kul simdi ni ti chaŋla tiŋgban’ nɛli ni daba ata chandi nti mali sara maa ti Yawɛ ŋun nyɛ ti Naawuni maa kaman o ni zali ti shɛm maa.”
28Ka Firawuna daa yɛli, “N ni chɛ ka yi chaŋ tiŋgban’ nɛli ni ti mali sara ti Yawɛ ŋun nyɛ yi Naawuni maa, amaa di chaŋya katiŋ’ ti yaɣi. Suhimiya Naawuni ti ma.”
29Ka Musa daa yɛli, “N yi kul yi a sani chaŋ, n ni suhi Yawɛ ni o chɛ ka zɔhi pam ŋɔ zo nyin’ Firawuna min’ a kpambaliba ni a niriba zaa sani biɛɣuni ŋɔ. Amaa lee di lan yɔhim n-chɛ ka niriba maa bi chaŋ ti mali sara ti Yawɛ.”
30Di saha ka Musa daa yi Firawuna yiŋa n-chaŋ ti suhi Yawɛ. 31Ka Yawɛ daa niŋ kaman Musa ni suh’ o shɛm maa; ka daa yihi zɔhi pam maa zaa Firawuna min’ o kpambaliba ni o niriba sani, ka zaɣ’ yino gba daa bi kpalim. 32Amaa ka Firawuna daa lan niŋ tipawumli n-zaɣisi ni o ku chɛ ka bɛ chaŋ.
Currently Selected:
Yibu 8: DBwDB
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.
Yibu 8
8
Poloya yiya
1Di saha ka Yawɛ daa lan yɛli Musa, “Cham’ Firawuna sani ti yɛl’ o, Yawɛ yɛliya, ‘Chɛ ka n niriba maa chaŋ ti jɛm ma. 2Amaa a yi zaɣisi ni a ku chɛ ka bɛ chaŋ, n ni chɛ ka poloya yina yɛrigi a tiŋgbɔŋ ŋɔ ni zaa. 3Poloya maa ni pali Nail Mɔɣili maa ni luɣilikam hal ka palo ti lan kani, ka bɛ ni ti yi mɔɣili maa ni kpe a yiŋa ni a dudoonigu puuni ni a bindoo zuɣu zaa, ka kpe a niriba min’ a kpamba zaa yinsi ni a yiŋ’ daansi ni min’ a yiŋ’ saɣiduɣuri ni ʒɛduɣuri ni zaa. 4Poloya maa ni ti lir’ a min’ a kpamba ni a niriba zaa.’ ”
5Ka Yawɛ daa lan yɛli Musa yaha, “Yɛlim’ Aduna ni o zaŋm’ o jaaŋgbee niŋ o nuu ni n-teei li tiri kulibɔna mini ko’ soya ni kopurim ni be luɣ’ shɛlikam zaa n-chɛ ka poloya yi Ijipti n-yɛrigi tiŋgbɔŋ maa ni luɣilikam.” 6Di saha ka Aduna daa teeg’ o nuu tiri Ijipti koma zaa, ka poloya daa yina n-yɛrigi Ijipti tiŋgbɔŋ maa ni zaa. 7Amaa ka timanim’ gba daa niŋ tabibi n-chɛ ka poloya yi Ijipti tiŋgbɔŋ ni.
8Di saha ka Firawuna daa boli Musa mini Aduna nti yɛli ba, “Suhimiya Yawɛ ka o yihi poloya maa ka chɛ m mini n niriba ŋɔ, ka n chɛ ka yi niriba maa chaŋ ti mali sara ti Yawɛ.”
9Ka Musa daa yɛli Firawuna, “Zalim’ ma saha shɛli a ni bɔri ni n suhi Naawuni ti a min’ a niriba ni a kpamba zaa, ka poloya maa kpi yi yinsi, ka chɛla bɛn be Nail Mɔɣili ni la kɔŋko.”
10Ka o yɛli, “Biɛɣuni.” Ka Musa daa yɛli, “Di ni niŋ kaman a ni yɛli shɛm maa, ka yi baŋ ni Naawuni so lan kani ŋ-ŋmani Yawɛ ŋun nyɛ ti Naawuni ŋɔ. 11Dinzuɣu, poloya ŋɔ zaa ni yi a min’ a yiŋnim’ zaa yinsi, ka lan yi a kpamba min’ a niriba zaa yinsi. Bɛ ni bela Nail Mɔɣili la ni kɔŋko.” 12Ka Musa mini Aduna daa yi Firawuna sani chaŋ, ka Musa daa ti fabili niŋ Yawɛ zaŋ chaŋ poloya maa polo kaman o mini Firawuna ni daa saɣi shɛm maa. 13Ka Yawɛ daa niŋ kaman Musa ni suh’ o shɛm maa, ka poloya bɛn daa be bɛ yinsi dundɔna ni mini bɛ puri ni zaa daa kpi. 14Ka bɛ daa va ba duhiduhi, ka bɛ nyɔni tiŋgbɔŋ maa ni zaa. 15Amaa Firawuna ni daa nya ka poloya maa lan kani, ka o suhu daa lan kpaŋ yaha, ka o zaɣisi bɛ ni yɛli shɛm maa niŋbu kaman Yawɛ ni daa pun yɛli ni o ni zaɣisi bɛ ni yɛli shɛm la.
Pɔri yɛla
16Di saha ka Yawɛ daa yɛli Musa, “Yɛlim’ Aduna ni o kpuɣim’ o jaaŋgbee zuɣusaa fiɛbi taŋkpaɣu, ka taŋkpaɣu maa leei pɔri n-yɛrigi Ijipti tiŋgbɔŋ ni zaa.” 17Ka bɛ daa niŋ lala, ka Aduna kpuɣ’ o jaaŋgbee fiɛb’ taŋkpaɣu, ka pɔri daa yi n-lu daadamnim’ mini biŋkɔbiri zuɣu, taŋkpaɣu maa zaa daa leela pɔri n-yɛrigi Ijipti tiŋgbɔŋ maa ni zaa. 18Ka timanim’ gba daa niŋ bɛ tabibi ni bɛ chɛ ka pɔri yina, ka wolim je. Ka pɔri maa daa kul dimdi ninsalinim’ mini biŋkɔbiri. 19#Luk 11.20 Ka timanim’ maa daa yɛli Firawuna, “Dimbɔŋɔ din’ nyɛla Naawuni yiko tuma.” Amaa ka Firawuna daa niŋ tipawumli n-zaɣisi ni o ku wum kaman Yawɛ ni daa pun yɛli shɛm la.
Zɔhi yɛla
20Ka Yawɛ daa yɛli Musa, “Sa daŋmi yibu biɛɣ’ asiba n-chaŋ ti chirigi Firawuna saha shɛl’ o ni chani mɔɣili ni la n-yɛl’ o ni Yawɛ yɛliya, ‘Chɛ ka n niriba maa chaŋ ti jɛm ma. 21Di yi pa lala, n ni chɛ ka zɔhi pam yi n-yɛrigi a tiŋgbɔŋ ŋɔ puuni n-lir’ a min’ a kpambaliba ni a niriba zaa. A yiŋ’ mini Ijipti yili kam ni ti palila zɔhi; ka bɛ ni be luɣ’ shɛŋa zaa gba ni ti palila zɔhi. 22Amaa dindali maa, n ni woligi Goshɛn, n niriba ni be luɣ’ shɛli polo la, ka zɔhi maa ti ku be nimaani dina din ni chɛ ka a baŋ ni man’ Yawɛ be tiŋgbɔŋ ŋɔ ni. 23N ni woligi n niriba ka chɛ a niriba. Biɛɣuni ka alahiziba tuuni ŋɔ sa yɛn tum.’ ” 24Ka Yawɛ daa shiri niŋ lala n-chɛ ka zɔhi pam yi n-yɛrigi Firawuna min’ o kpambaliba yinsi ni Ijipti tiŋgbɔŋ ni zaa. Ka zɔhi maa daa chɛ ka tiŋgbɔŋ maa saɣim.
25Ka Firawuna daa boli Musa mini Aduna na ti yɛli ba, “Chamiya ti mali yi sara maa ti yi Naawuni maa yaŋɔ tiŋgbɔŋ ŋɔ ni.”
26Amaa ka Musa daa yɛli, “Di bi simdi ni ti niŋ lala, dama ti ni yɛn mali sara shɛli ti Yawɛ ŋun nyɛ ti Naawuni maa nyɛla din chihiri Ijiptinim’ sani. Ka ti yi mali sara shɛli din chihiri bɛ sani bɛ ninni, bɛ ni lab’ ti kuɣa ku ti. 27Di kul simdi ni ti chaŋla tiŋgban’ nɛli ni daba ata chandi nti mali sara maa ti Yawɛ ŋun nyɛ ti Naawuni maa kaman o ni zali ti shɛm maa.”
28Ka Firawuna daa yɛli, “N ni chɛ ka yi chaŋ tiŋgban’ nɛli ni ti mali sara ti Yawɛ ŋun nyɛ yi Naawuni maa, amaa di chaŋya katiŋ’ ti yaɣi. Suhimiya Naawuni ti ma.”
29Ka Musa daa yɛli, “N yi kul yi a sani chaŋ, n ni suhi Yawɛ ni o chɛ ka zɔhi pam ŋɔ zo nyin’ Firawuna min’ a kpambaliba ni a niriba zaa sani biɛɣuni ŋɔ. Amaa lee di lan yɔhim n-chɛ ka niriba maa bi chaŋ ti mali sara ti Yawɛ.”
30Di saha ka Musa daa yi Firawuna yiŋa n-chaŋ ti suhi Yawɛ. 31Ka Yawɛ daa niŋ kaman Musa ni suh’ o shɛm maa; ka daa yihi zɔhi pam maa zaa Firawuna min’ o kpambaliba ni o niriba sani, ka zaɣ’ yino gba daa bi kpalim. 32Amaa ka Firawuna daa lan niŋ tipawumli n-zaɣisi ni o ku chɛ ka bɛ chaŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.